Ester 8:10 - Bible in Tzotzil de Chenalhó with Deuterocanon

¹⁰ Scotol li cartaetique yich'oj lec sbi xchi'uc sello ajvalil Asueroe. C'alal lec xa chapal yu'unique, la staquic batel li boch'otic bat spuquic li cartae; ja' te la scajlebinic batel li ca'etic yu'un ajvalil ti bu lec tsots x'anilajique.

Bible in Tzotzil de Chamula

¹⁰ Ti ta vunetique, yac'anoj ech'el spirma ti ajvalil Asueroe. Ti jech laj yich' ac'anbel ti seyoal ta sventa seyo stuc ti ajvalile, laj yich' taquel batel ta sventa jpuc-vunetic ti xviletic no'ox batel ta ca'etic yu'un ti ajvalile.

Ester 8:10 Iomraidhean Croise

1 Reyes 21:8

Li antse ta ora la spas cartaetic ta sbi li Acabe; laj yac'be lec sello yu'un li ajvalile. La stacbe batel li moletic, xchi'uc li banquilaletic te ta lum yo' bu nacal li Nabote.

1 Reyes 4:28

La staquic tal noxtoc cebada, xchi'uc taqui te'el jobeletic sventa sve'el ca'etic, xchi'uc j'icatsnom ca'etic ti bu tsc'an ac'o staquic batel ti c'alal ja'o c'otem ta stojolic li abtel jujunique.

2 Crónicas 30:6

Jech iloq'uic batel j'almantaletic ta scotol Israel xchi'uc ta Judá, yich'ojic batel cartaetic yu'un li ajvalile xchi'uc li banquilaletique. Ja' jech li smantal ajvalil yich'ojic batele: “Israeletic, sutanic xa tal ta stojol li Muc'ul Diose, ja' li Dios yu'un Abraham, Isaac, xchi'uc Israele. Jech ta sut tal ta atojolic ec vo'oxuc ti scomelaloxuc xa yu'un li ajvaliletic ta Asiriae.

Ester 8:8

Li' ta orae xu' ta xcac' ac'o ats'ibaic batel cartaetic ta jbi sventa chacoltaic li achi'iltaquic ta judaile. Ts'ibaic ta jbi ti c'u x'elan lec chava'yique; aq'uic batel li sello cu'un sventa ajvalile. Yu'un me oy jun carta ti yich'oj batel jbi xchi'uc sello cu'un, vu'un li ajvalilune, mu'yuc boch'o xu' tsoques o —xi.

Job 9:25

“Li jc'ac'alile toj anil no'ox chbat jech chac c'u cha'al boch'o tsots ch-anilaj, jech mu'yuc chil o li xcuxetel o'ntonale.

Eclesiastés 8:4

Yu'un li sc'op ajvalile oy stsatsal; mu'yuc boch'o xu' chal ti c'u yu'un jech tspase.

Isaías 60:6

Chavil epal camelloetic xcholoj sbaic tal, liquemic tal ta Madián xchi'uc ta Efa. Jech noxtoc chtalic scotol li yajvaltac Sabae, chcuchic tal ep c'anal taq'uin xchi'uc pom; ja' chlic yalbeic batel slequilal li Muc'ul Diose.

Isaías 66:20

Ja' ta xiq'uic tal scotol li achi'iltaquic ti te capalic batel ta yantic banamile; ta scajanic tal ta ca'etic, ta caretaetic, ta xq'uechic tal ta colalte'etic, ta mulaetic, xchi'uc ta camelloetic. Ja' jmoton chc'otic te ta Jerusalén ti bu ch'ul vits cu'une; Ja' co'ol chc'otic jech chac c'u cha'al yavil jmoton chaq'uic israeletic sventa chtun te ta ch'ulna cu'un ti lec ts'u'iltasbilique.

Jeremías 2:23

Mu xu' jech chaval: ‘Mu'yuc jmul; mu'yuc chquich' ta muc' li baaletique’, mu xu' xachi. Q'uelo lec avil c'u x'elan atalel te ta stenlejaltique; tuc'ulano lec avil li c'usi apasoje. Ja' jechot jech chac c'u cha'al me' ca' ti buyuc no'ox xojet sjol ta anil c'alal chbaq'ue.

Jeremías 51:21

Vo'ot ta aventa la jlilin ca'etic xchi'uc soldadoetic; vo'ot ta aventa la jlilin caretaetic xchi'uc li boch'otic te cajajtique.

Daniel 4:1

“Vu'un li ajvalil Nabucodonosorune, chacalboxuc acotolic ta jujun lum, ta jujun banamil, ta jujuchop ac'opic ti nacaloxuc ta scotol banamile: Junuc avo'ntonic, lec oyanic o.

Daniel 6:8

Ajvalil, ta jc'antic ti tsots sc'oplal ac'o comuc avu'un li c'usi chapanbile. Ac'o lec afirma, jech mu'yuc boch'o xu' ta soques o jech chac c'u cha'al chal ta mantal yu'un li mediaetic, li persiaetic ti mu stac' jelele —xutic.