Ester 8:1 - Bible in Tzotzil de Chenalhó with Deuterocanon

¹ Li ajvalil Asueroe te no'ox ta sc'ac'alil laj yac'be ta sc'ob Ester li sna xchi'uc scotol c'usitic oy yu'un Amane, ja' li yajcontra judaetique. Li Mardoqueoe te ital ta stojol li ajvalile, yu'un li Estere yalojbe xa'ox ti ja' sjuntot li Mardoqueoe.

Bible in Tzotzil de Chamula

¹ Ti ta sc'ac'alil no'ox taje, ti ajvalil Asueroe laj sq'uelanbe me' ajvalil Ester sna ti Amane, yajcontra ti judioetique. Tal ta stojol ajvalil ti Mardoqueoe, ta sventa ti laj yal ti Estere, ti snamtal banquil xil sbaic xchi'uc ti Mardoqueoe.

Ester 8:1 Iomraidhean Croise

Ester 1:14

Li boch'otic te oyic ta stojol ajvalile ja' Carsena, Setar, Admata, Tarsis, Meres, Marsena, xchi'uc Memucán. Ja' vucub banquilaletic liquemic ta Persia xchi'uc ta Media; ja' te tscoltaic ta snopel c'usi lec tspas li ajvalile xchi'uc ja' yich'oj tsots yabtelic ta stojol ajvalil ta sventa ti c'u smuc'ul banamil sventainoje.

Ester 2:15

C'alal iloc' sbi ti chbat ta stojol ajvalil li Ester, stseb Abihail sjuntot Mardoqueoe, ja' ti la sts'ites li Mardoqueoe, ja' no'ox jech ibat ti c'u x'elan i'ac'bat batel yu'un li Hegaie. Li Estere toj lec c'anbil ta scotol li boch'otic laj yilique.

Ester 2:7

Li Mardoqueoe ja' la sts'ites li Hadasa, ja' li Ester yan sbie, ja' stseb sjuntot. Yu'un c'alal icham li stot sme'e, ja' la sts'ites; la scuy ta xnich'on. Li tsebe toj lec c'upil sba.

Ester 7:6

Itac'ov li Estere: —¡Li jcontrainvaneje, li pucujil vinique ja' li bol vinic Amán li' chotole! —xut. C'alal laj ya'ay li Amane, toj batel xch'ulel ta xi'el ic'ot ta stojol li ajvalile xchi'uc li Estere.

Ester 8:7

Li ajvalil Asueroe jech la stac'be li Ester xchi'uc li Mardoqueo, ja' li judá vinique: —Li vu'une laj xa cac'be Ester scotol c'usitic oy yu'un li Amane, xchi'uc laj xa cac' ta joc'anel ta te' li Amán ta sventa ti tsc'an ox chac' ta milel scotol li judaetique.

Salmos 39:6

Scotol cristianoetic jelovel no'ox chjelovic jech chac c'u cha'al yaxinaltic. Altic chbat yo'ntonic ta stsobel sc'ulejalic; mu sna'ic boch'o chich' comel.

Proverbios 13:22

Li lequil vinique chac'be comel c'usitic oy yu'un ec li smomnich'nabtaque; yan li sc'ulejal jpasmuliletique ja' chich'ic comel li boch'otic tuc' yo'ntonique.

Proverbios 28:8

Li boch'o tspas ta jc'ulej xchi'uc sjol staq'uine ac'o yich' pojbel sventa chich' c'uxubinel li me'onetique.

San Lucas 12:20

Pero jech i'albat yu'un li Diose: ‘¡Bol vinic! Ta ac'ubaltic no'ox tana chtal jloq'uesbot li ach'ulele. Li c'usitic oy avu'une ¿boch'o chavac'be comel?’, x'utat.