Ester 7:7 - Bible in Tzotzil de Chenalhó with Deuterocanon

⁷ Ta ora iva'i li ajvalile, bats'i tsots ch-ilin ta jyalel; te ibat ta ts'unubaltic te ta spasubmantal. Yan li Amane te icom sc'anbe vocol Ester ti mu me x'ac'at ta milele, yu'un laj yil ti xu' ch-ac'at o ta milel yu'un li ajvalile.

Bible in Tzotzil de Chamula

⁷ Xcapet xa sjol va'i loq'uel ti Asuero ta yut na ti bu xyaquet ti ve'el uch'ubajele. Bat ta yamaq'uil na ti bu ts'unbil ti nichime. Ja'uc le' une, c'alal yil ti Amán ti jbel sc'oplal ta x'aq'ue ta milel yu'un ti ajvalile, com ti bu oyic ta sc'anbel vocol ti me' ajvalil Estere, ti mu x'ac'bat stoj ta sjole.

Ester 7:7 Iomraidhean Croise

Ester 1:12

Li Vastie muc xch'un iq'uel yu'un smalal ta sventa li vucub viniquetique. Ja' yu'un li ajvalile i'ilin, bats'i tsots ilic sc'ac'al yo'nton.

Ester 1:5

C'alal its'aqui jech yepal c'ac'ale, lic spas yan vucub c'ac'al q'uin te ta yamaq'uil spasubmantal; ja' sventa scotol li cristianoetic te nacalic ta lum Susae, c'alal ta biq'uit ta muc' laj yic'an.

Ester 7:10

Ja' yu'un li Amane ja' te laj yich' joc'anel stuc yo' bu chapanbil xa'ox yu'un ta sventa te tsjoc'an ox li Mardoqueoe. Ja' to jech ilaj sc'ac'al yo'nton li ajvalile.

Salmos 112:10

Li boch'o chopol yo'ntone toj chopol chc'ot yo'nton ti c'alal chile; ta xc'ux ye yu'un tsalbil chc'ot o. Li c'usi oy ta yo'ntone chlaj sc'oplal o.

Proverbios 14:19

Li boch'o chopolique ta to squejan sbaic ta stojol li boch'o tuc' yo'ntonique; li jpasmuliletique ta to xlic sc'anic vocol ta stojol li boch'otic lequique.

Proverbios 14:35

Me lec bij li j'abtel yu'un ajvalile, lec xcuxet yo'nton ta stojol; yan li boch'o ch-ac'van ta q'uexlale ta xilinta.

Proverbios 16:14

Li sc'ac'al yo'nton ajvalile ja' sventa lajel chc'ot; yan li boch'o bije xu' yu'un tslames.

Proverbios 19:12

C'alal ch-ilin li ajvalile, ja' jech chac c'u cha'al jcot león ti xlaquet no'oxe; yan li slequil yo'ntone ja' jech chac c'u cha'al job ac'ubal chyal ta vomoletic.

Isaías 60:14

Li xnich'nab boch'otic laj yac' avocolique chlic sbic'tajes sbaic ta atojol; li boch'otic la slabanicote chlic squejan sbaic ta atojol. Ja' ‘Lum yu'un Muc'ul Dios’, ja' ‘Vits Sión yu'un li Ch'ul Dios yu'un Israele’, xi chlic yalic ac'oplal.

Daniel 3:19

Li Nabucodonosore solel ichacpochtaj ta il ta stojol li Sadrac, Mesac, xchi'uc Abed-negoe, jech lic yal mantal ti vucub velta ven c'oc' ac'o spasic jech chac c'u cha'al tspasic ono'oxe.

Apocalipsis 3:9

Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique, yu'un jech ac'o sna'ic ti ta melel c'anbiloxuc cu'une.

1 Samuel 20:7

Me lec no'ox laj ya'ye, jech jun co'nton. Pero me ch-iline, ja' svinajeb ti oy ono'ox c'usi chopol tsc'an chispasbune.

1 Samuel 20:9

Itac'ov li Jonatane: —Mu xanop jech. Me laj ca'ay ti oy c'usi tsc'an chaspasbot li jtotique, ta xtal calbot ava'ay ta ora —xut.

1 Samuel 25:17

Pero li amalale toj simarón; mu'yuc boch'o xu' chchi'in ta lo'il. Ja' yu'un nopo me lec c'usi chapas, yu'un ta jbel sc'oplal ta sta svocol li amalale xchi'uc scotol li yalab xnich'nabe —xut.