Ester 7:4 - Bible in Tzotzil de Chenalhó with Deuterocanon

⁴ Yu'un li vu'un xchi'uc scotol li jchi'iltaque chonbiluncutic xa ta c'abal jcotolcutic ti ac'o quich'cutic ulesele. Ti ja'uc no'ox chonbiluncutic sventa mozoile, mu'yuc c'usi chcal; mu xtal jtij xc'uxul ajol ti jechuque —xut.

Bible in Tzotzil de Chamula

⁴ Ti vu'une jech c'u cha'al ti jteclumale, chonbil xa ti jol jbaquilcutic ti j'ech'el ta xquich'cutic tsutsesele. Ti ja'uc no'ox ta xquich'cutic chonel ta mosovile, mu'yuc c'usi ta xcal ti jechuque.

Ester 7:4 Iomraidhean Croise

Nehemías 5:5

Jech laj yalic noxtoc: “Li yantic jchi'iltactique jun jts'unubal jchi'uctic, ja' yu'un muc yanticuc o li col jnich'ontic jchi'uctique. Pero li vu'uncutique persa chcac'becutic smozoinic li jquerem jtsebcutique. Oy xa j'o'lol jtsebcutic ti ochemic xa ta quiaraile. Mu xa c'u xcut jloq'uescutic, yu'un yan xa yajval noxtoc li cosilcutic xchi'uc jts'usubtique”, xiic.

Ester 3:13

Jech la staquic batel ta jujun lum ti bu c'alal sventainoj li ajvalile. Laj yalic batel ti ta jun no'ox c'ac'al ac'o smilic scotol li judaetique, c'alal ta vinic, ta ants, ta ololetic, xchi'uc ac'o yich'beic scotol li c'usitic oy yu'unique. Li sc'ac'alil chc'ot yu'unique ja' ta yoxlajunebal (13) c'ac'al yochel li xlajchabal u Adare.

Ester 3:9

Ajvalil, me xac'ane, alo batel mantal ti ac'o yich'ic milele. Vu'un ta xcac'be vo'lajunvinic xchi'uc lajuneb xcha'vinic ta mil (330,000) kilo saquil taq'uin li j'abteletique; ja' ac'ulejal chc'ot vo'ot li ajvalilote —xut.

Ester 7:5

Li ajvalil Asueroe jech la sjac'be li Estere: —¿Boch'o vinical ti tsc'an tspas jeche? —xi.

Ester 7:6

Itac'ov li Estere: —¡Li jcontrainvaneje, li pucujil vinique ja' li bol vinic Amán li' chotole! —xut. C'alal laj ya'ay li Amane, toj batel xch'ulel ta xi'el ic'ot ta stojol li ajvalile xchi'uc li Estere.

Ester 8:11

Li ajvalile laj yal batel mantal ta cartaetic ti ac'o stsob sbaic buyuc no'ox lumal nacalic li judaetique; ac'o spoj abaic c'alal chtal milatuc yu'un li yajcontraic ta jujun muc'tic lum xchi'uc ta bic'tal lumetique.

Ester 8:6

Yu'un mu x'ech' chca'ay me chlaj ta milel scotol li jchi'iltaque, xchi'uc me ch-ul scotol li cuts' calaltaque —xut.

Ester 9:25

Pero c'alal ibat ta stojol ajvalil li Estere, li ajvalile lic yal mantal ti ja' ac'o joybijuc ta stojol stuc Amán li c'usi chopol snopoj ta stojol li judaetique. Ja' yu'un li Amán xchi'uc xnich'nabe laj yich'ic joc'anel ta te'.

Daniel 6:2

La st'uj oxib viniquetic noxtoc, yu'un ja' mero banquilaletic chc'ot yu'unic. Li june ja' Daniel sbi. Ja' chtal yalbeic c'u x'elan yabtelic li vacvinic (120) banquilaletique, yu'un jech mu ja'uc chac'beic svocol li ajvalile.

Joel 3:6

Laj achonic noxtoc li israeletique, ja' li yajvaltac Judá xchi'uc Jerusalene. Ja' laj achonbeic batel li griegoetique, yu'un jech ac'o namajuc batel ta yosilalic avu'unic.

Amós 2:6

Jech chal noxtoc li Muc'ul Diose: “Ta sventa ti solel i'ech' ta bis smul li Israele, jech persa ta xcac'be stoj, yu'un la xchonic ta taq'uin li boch'o tuc' yo'ntonique; ta xonobil no'ox la sjelic li me'onetique.

San Lucas 12:45

Pero me jech chlic yal ta yo'nton li jchabinae: ‘Mu to van xtal ta ora li cajvale’, me xie, chlic yuts'intaan li mozoetic, li quiaraetic ti ac'bil sventaine. Jech chbat ve'uc, chbat uch'bajuc; te chyacub o.

Deuteronomio 28:68

Ac'o me laj yalboxuc Muc'ul Dios ti mu'yuc chasutic yan velta ta sbelal li Egiptoe, pero chac' ti ta puru barco chasutic batel yan velta tee. Xchi'uc te chavich'ic chonel batel ta mozoil yu'un li avajcontraique, pero mu junuc boch'o tsc'an chasmanoxuc noxtoc”, xut xchi'iltac li Moisese.

Josué 9:23

Ta sventa ti jech laj apasique, chavich' avocolic scotol c'ac'al, mozooxuc chacomic o. Vo'oxuc chbat atuch'ic tal si', chbat alupic tal vo' ti c'alal chtun cu'uncutic te ta sna li Dios cu'uncutique —xut.

1 Samuel 22:23

Pero li vo'ote li' jchi'in jbatic oe, yu'un li boch'o chist'unun yu'un chismilune ja' chast'unot ec. Ja' yu'un me li' chcom achi'inune, ta xacol o ta milel —xut.