Ester 7:3 - Bible in Tzotzil de Chenalhó with Deuterocanon

³ Itac'ov li Estere: —Me lec chavilune, ajvalil, me lec chava'ay li c'usi chcale, jun no'ox li c'usi oy ta co'nton ta jc'anbote. Ja' ta jc'anbot ti mu me xavac'un ta milele, xchi'uc mu me xavac' ta milel ec li jchi'iltaque.

Bible in Tzotzil de Chamula

³ Ti Estere xi laj staq'ue: —Mi c'uxun ta yo'nton ti Jcuch abtele, mi lec ta xa'i ti c'u s'elan ta xcalbee, jun no'ox ti yatel co'nton ta jc'anbe ti Jcuch abtele. Ta jc'anbot ti xch'ayuc to ti jmul jcolo' ta yaq'uel ti jol jbaquile, ta yaq'uel sjol sbaquil ti jteclumale.

Ester 7:3 Iomraidhean Croise

1 Reyes 20:31

Li j'abteletic yu'une jech laj yalic: —Ca'yojcutic ti lec yo'ntonic li ajvaliletic ta Israele. Ja' lec la jlaptic batel c'u'il sventa at-o'nton ti ch'ixlajan ta lapele, xchi'uc jchuctic batel lasu ta jnuc'tic. Batic ta stojol li ajvalil ta Israele; jq'ueltiquic me chixch'aybutic to ta yo'nton li jmultique —xiic.

2 Reyes 1:13

Li ajvalile la stac batel yoxibal velta yan jun banquilal soldado xchi'uc li lajuneb yoxvinic (50) yajsoldadotaque. Li banquilal soldadoe imuy batel yo' bu oy li Eliase; la squejan sba ta stojol jech laj yalbe: —Vo'ot li yaj'alc'opot Diose, ach'ul vocoluc, mu xamilun xchi'uc li lajuneb yoxvinic (50) avajtuneltac li'i.

Ester 4:8

Jech noxtoc laj yac'be batel jlic li vun ti laj yich' puquel te ta lum Susa yo' bu ts'ibabil jun mantal ti chich'ic milel scotol li judaetique, yu'un jech ac'o sna' lec Ester li c'usitic chapanbile. Xchi'uc laj yalbe ti ac'o bat c'opojuc ta stojol ajvalil li Estere, ti ac'o sc'anbe vocol, ti ac'o sva'an sba ta scoltael li xchi'iltac ta judaile.

Ester 5:8

Me lec chavilune, ajvalil, me oy ta avo'nton chavac'bun li c'usi chajc'anbote, la' to ve'anic oc'om achi'uc li Amane, ja' jech ta jchapan lec ve'lil yan velta sventa chaquich'ot ta muc'. Ja' to xu' te ta xcalbot li c'usi ta jc'ane —xut.

Ester 7:7

Ta ora iva'i li ajvalile, bats'i tsots ch-ilin ta jyalel; te ibat ta ts'unubaltic te ta spasubmantal. Yan li Amane te icom sc'anbe vocol Ester ti mu me x'ac'at ta milele, yu'un laj yil ti xu' ch-ac'at o ta milel yu'un li ajvalile.

Ester 8:5

jech laj yalbe: —Me lec chavilune, ajvalil, me lec ac'anojune, xchi'uc me lec chava'ay, me xc'ot ta avo'nton li c'usi ta xcale, ac'o ta ts'ibael yan cartaetic sventa ac'o lajuc sc'oplal li amantal spucoj batel ta carta li Amán sventa chac' ta milel scotol li jchi'iltac ti bu c'alal aventainoje.

Job 2:4

Itac'ov li banquilal pucuje: —Xu' chac' c'usitic yan ta sventa chc'uxubin sbec'tal stuc. Yu'un li cristianoe xu' chac' scotol c'usi oy yu'un, ja' no'ox venta me cuxul chcom stuque.

Jeremías 38:26

Me jech chtal sjac'boxuque, jech xavalbe: ‘Ja' no'ox la jc'anbe vocol ti mu xa me xistacun batel yan velta te ta sna li Jonatane, yu'un jech mu teuc chicham’, uto —xut.