Ester 7:10 - Bible in Tzotzil de Chenalhó with Deuterocanon

¹⁰ Ja' yu'un li Amane ja' te laj yich' joc'anel stuc yo' bu chapanbil xa'ox yu'un ta sventa te tsjoc'an ox li Mardoqueoe. Ja' to jech ilaj sc'ac'al yo'nton li ajvalile.

Bible in Tzotzil de Chamula

¹⁰ Ti Amane, bat yich' joc'anel stuc ta joc'anobbail ti bu xchapanoj ox ta sventa ti Mardoqueoe. Xlaet to yo'nton laj ya'i ti ajvalil ti jech c'ot ta pasele.

Ester 7:10 Iomraidhean Croise

Génesis 40:22

Yan li banquilal jpaspane iloc' mantal ti ac'o bat yich' joc'anel ta te' jech chac c'u cha'al i'albat smelol xvayech yu'un li Josee.

Ester 2:1

C'alal i'ech' jayibuc c'ac'ale, li ajvalil Asueroe i'ech' xa'ox li sc'ac'al yo'ntone. Jech te it'ab ta yo'nton li yajnile, xchi'uc li c'usi la spasbee, xchi'uc li c'usi la xchapanic ta sventae.

Ester 5:14

Li Zeres, ja' li yajnile, xchi'uc li boch'otic lec sc'opan sba xchi'uque, jech laj yalic: —Ja' lec ac'o ta pajel te' chib xcha'vinic (22) metro stayalil. Sob oc'om xu' chac'anbe ajvalil ti te ac'o yich' sjoc'anel li Mardoqueoe, jech xcuxet no'ox avo'nton xu' chbat ve'an achi'uc li ajvalile —xutic. Li Amane toj lec laj ya'ay li c'usi i'albate, jech lic yac' ta chapanel li te'e.

Ester 7:7

Ta ora iva'i li ajvalile, bats'i tsots ch-ilin ta jyalel; te ibat ta ts'unubaltic te ta spasubmantal. Yan li Amane te icom sc'anbe vocol Ester ti mu me x'ac'at ta milele, yu'un laj yil ti xu' ch-ac'at o ta milel yu'un li ajvalile.

Ester 7:8

Li ajvalile isut tal yan velta te yo' bu oy li ve'lile, pero li Amane ja'o la spatan sba ta sc'anbe vocol bu chcux yo'nton li Estere. Li ajvalile jech laj yal: —¿Me yu'un chac'an chavuts'inta li' ta jna noxtoc li Estere? —xut. C'alal naca to laj yal jech li ajvalile, li j'abteletic yu'une, la smacbeic sat li Amane. Oy jun j'abtel yu'un, Harbona sbi, jech laj yalbe li ajvalile: —Te ta sna li Amane oy yac'oj ta pajel lec te' sventa te tsjoc'an ox li Mardoqueo li boch'o lec c'usi laj yal ta atojole. Li te' spajojique oy van chibuc xcha'vinic (22) metro stayal —xut. Li ajvalile jech yal: —Ja' te xbat ajoc'anic —xi.

Ester 8:7

Li ajvalil Asueroe jech la stac'be li Ester xchi'uc li Mardoqueo, ja' li judá vinique: —Li vu'une laj xa cac'be Ester scotol c'usitic oy yu'un li Amane, xchi'uc laj xa cac' ta joc'anel ta te' li Amán ta sventa ti tsc'an ox chac' ta milel scotol li judaetique.

Ester 9:14

Li ajvalile laj yal mantal ti ac'o yich' pasel jeche. Lic spuquic te ta lum Susa li mantal laj yal ajvalile, xchi'uc la sjoc'anbeic ta te' sbec'tal li lajuneb xnich'nab Amane.

Ester 9:25

Pero c'alal ibat ta stojol ajvalil li Estere, li ajvalile lic yal mantal ti ja' ac'o joybijuc ta stojol stuc Amán li c'usi chopol snopoj ta stojol li judaetique. Ja' yu'un li Amán xchi'uc xnich'nabe laj yich'ic joc'anel ta te'.

Job 18:8

Yu'un ta xich' ac'bel ch'ojon ta sbe, jech te yacal chc'ot o.

Job 20:8

Ta sacch'ay batel jech chac c'u cha'al vaychil; ta xch'ay o ta alel jech chac c'u cha'al jvayechtic ta ac'ubaltic.

Salmos 37:15

Pero li yespadaique ja' chajvalin stuquic; li sflechaique biq'uitic chlilij.

Salmos 7:16

Li c'usi chopol snopojique chjoybij ta sba stuquic; li vocol chaq'uique te chcuch stuquic.

Salmos 94:23

Li Muc'ul Diose ja' chac' joybijuc ta sba stuquic c'usi chopol tspasic li cristianoetique; ta sventa xchopolil stuquic ta xich'ic ulesel o. J'ech'el ta xmilatic o yu'un li Muc'ul Dios cu'untique.

Proverbios 11:27

Li boch'o ja' tspas batel c'usitic leque lec chbat yu'un; yan li boch'o ja' tspas o c'usi chopole tsoc batel o.

Proverbios 11:8

Li Diose tscolta loq'uel ta sventa vocol li boch'o tuc' yo'ntone; yan li boch'o chopole ja' te chac' batel.

Proverbios 26:27

Li boch'o ta sjoc'be xch'enal xchi'ile ja' te ta x'och yalel stuc; li boch'o ta xbalch'un batel jbejuc tone ja' te net'bil ta xc'ot stuc.

Jeremías 34:17

Ja' yu'un ja' jech chcal vu'un li Muc'ul Diosune: Ta sventa ti muc xach'unic c'usi laj cale, yu'un muc xacoltaic ta mozoil li achi'ilique, ja' yu'un vu'un ta jcolta tal pleito, vi'nal, xchi'uc ta tsatsal chamel ta atojolic; jech toj chopol ac'oplalic, toj q'uexlal abaic chcom ta stojol li yantic lumetique.

Ezequiel 5:13

Te ta xcac' c'otuc ta pasel ta stojolic scotol li sc'ac'al co'ntone. Te ta xcac'be xcuchic o scotol, jech cux xi co'nton chicom ec. C'alal me ta jloq'ues scotol li sc'ac'al co'nton ta stojolique, jech chlic sna'ic ti toj it'ix co'nton yu'un c'usi la spasique.

Daniel 6:24

Li ajvalile laj yal mantal ti ac'o yich'ic iq'uel tal ec li boch'otic la stic'beic smul li Daniele, ti ac'o yich'ic tiq'uel ta xch'en leonetique. Jech laj yich'ic tiq'uel xchi'uc yajnil xnich'nabic. Mu'yuc to chc'otic ta banamil ta ora no'ox ich'amatic ta be yu'un li leonetique; ic'uxbatic o c'alal ta sbaquilic.

Daniel 6:25

Ja' yu'un li ajvalil Darioe la sts'iba batel vun ta stojol scotol cristianoetic ta jujun lum, ta jujun banamil, ta jujuchop c'op; jech laj yalbe: “Junuc me avo'nton acotolic.

Zacarías 6:8

Li j'almantale laj yic'un, jech laj yalbun: “A'yo ava'ay, li boch'o ibatic ta nortee ja' bat slamesbeic sc'ac'al yo'nton Muc'ul Dios te ta banamil”, xiyutun.

Jueces 15:7

Li Sansone jech laj yal: —Ta sventa ti jech laj apasbicune, jamal chacalboxuc ta stojol Dios, mu'yuc ch-ech' co'nton o ti jech ta jpase, ja' to me laj apacbicun sutel ec li vo'oxuque —xut.