Ester 6:11 - Bible in Tzotzil de Chenalhó with Deuterocanon

¹¹ Li Amane la stsac li c'u'il xchi'uc ca'e. Laj yac'be slap li Mardoqueoe, xchi'uc la scajan batel ta ca'. La snitbe batel sca' ta ba'yucbe; te laj yic' batel ta o'lol yut lum; te x'avet batel ta ba'yucbe, jech i'avan: “¡Ja' jech chich' pasbel li vinic boch'o tsc'an chac' ta ich'el ta muc' li ajvalile!”, xi.

Bible in Tzotzil de Chamula

¹¹ Laj sjop talel ti c'u'ile. Laj snit talel ca' ti Amane. Laj yac'be slap sc'u' ti Mardoqueoe, ti jba'be snitojbe ech'el sca' ech' ta yamaq'uil ti jteclum ti xi ta x'avan ech'ele: “Jech ta xich' pasbel ti vinic ti xloc' x'ayan ta yo'nton ti ajvalil ta xac' ta ich'el ta muq'ue.”

Ester 6:11 Iomraidhean Croise

Esdras 6:13

Li Tatnai ajvalil te ta smaleb c'ac'al yu'un uc'um Eufratese, xchi'uc li Setar-boznai xchi'uc xchi'iltaque, xquechet la xch'unic scotol c'usi laj yal li muc'ta ajvalil Darioe.

Ester 6:10

Li ajvalile jech laj yalbe li Amane: —Lec oy, batan ta ora; ich'o batel li jc'u'e xchi'uc li jca' jech chac c'u cha'al laj avale. Ja' jech xbat apasbe li Mardoqueo judá vinic le' chotol ta sti' jpasubmantale. Ja' me jech xapas scotol ti c'u x'elan laj avale —xut.

Ester 6:12

C'alal isutic batel ta xanel lum li Mardoqueoe, te ibat ta sti' spasubmantal li ajvalile; yan li Amane ta ora isut batel ta sna, chat xa yo'nton xchi'uc smacoj batel sat.

Ester 8:15

C'alal iloc' batel ta spasubmantal ajvalil li Mardoqueoe, slapoj xa loq'uel c'u'il sventa ajvalil, ja' yaxvac'antic sba xchi'uc sac, xchi'uc jun smuc'ta scoronail sjol pasbil ta c'anal taq'uin, xchi'uc jlic snatil c'u' pasbil ta lino no yax'elantic sba. Scotol li cristianoetic te ta lum Susae xcuxet no'ox yo'ntonic, x'avlajetic no'ox.

Ester 9:3

Scotol li banquilaletic ta jujun banamile, li ajvaliletique, li jpasmantaletic xchi'uc li boch'otic tsots yabtel yich'ojique ja' xa la scoltaic li judaetique yu'un toj ep xi'elal laj ya'yic li Mardoqueoe.

Proverbios 27:18

Li boch'o ta xchabi lec li higo te'e ta slo'be sat; ja' no'ox jech ec li boch'o lec sc'anoj yajvale ta sta ich'el ta muc'.

Isaías 60:14

Li xnich'nab boch'otic laj yac' avocolique chlic sbic'tajes sbaic ta atojol; li boch'otic la slabanicote chlic squejan sbaic ta atojol. Ja' ‘Lum yu'un Muc'ul Dios’, ja' ‘Vits Sión yu'un li Ch'ul Dios yu'un Israele’, xi chlic yalic ac'oplal.

San Lucas 1:52

La sjip loq'uel ta xchotlebic li jpasmantaletique; ja' la stoy liquel li boch'otic mu'yuc stu ch-ilatique.

Apocalipsis 3:9

Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique, yu'un jech ac'o sna'ic ti ta melel c'anbiloxuc cu'une.