Ester 6:1 - Bible in Tzotzil de Chenalhó with Deuterocanon

¹ Te no'ox ta yac'ubalil, muc xtal svayel laj ya'ay li ajvalile, jech te lic yal mantal ti ac'o yich'ic tal li vun yo' bu ts'ibabil li c'usitic c'otem ta pasel ta sjunul slumalique, yu'un ac'o aptabatuc te ta stojol.

Bible in Tzotzil de Chamula

¹ Ti ta yac'ubalil taj une, mu x'och svayel ti ajvalile. Jech laj stac mantal ti ich'batuc talel svunal bu ts'ibabil ti c'usitic c'otem ta pasel ta sjunul ti muc' ta lume, ti avtabatuc ya'ie.

Ester 6:1 Iomraidhean Croise

Génesis 22:14

Li Abrahame laj yac'be sbi li banamile: “Li Muc'ul Diose chac' li c'usi jtunel cu'untique”, xi sbi laj yac'be. Ja' yu'un yoquel to jech chich' albel sc'oplal: “Te ta vits chac' c'usi jtunel cu'untic li Muc'ul Diose”, xi ch-albat sc'oplal.

Ester 10:2

Scotol li c'usitic ivu' yu'un la spas ajvalile xchi'uc ti c'u x'elan laj yac' ta ich'el ta muc' li Mardoqueoe te ts'ibabil ta svunal c'usitic c'otem ta pasel yu'un li ajvaliletic ta Media xchi'uc ta Persiae.

Ester 2:21

C'alal te chotol ta sti' spasubmantal ajvalil li Mardoqueoe, i'ilin chib jchabi ti'naetic yu'un ajvalil, ja' Bigtán xchi'uc Teres sbiic, jech tsc'an tsmilic li ajvalil Asueroe.

Ester 2:22

C'alal laj ya'ay li Mardoqueoe, bat yalbe li Estere, ja' li yajnil ajvalile. Li Estere ja' xa laj yalbe ec li ajvalil ti jech laj yal li Mardoqueoe.

Ester 2:23

Te lic sjaq'uic lec me melel; te laj ya'yic ti ja' melele. Ja' yu'un bat yich'ic joc'anel ta te' li chib jchabi ti'naetique. Laj yich' ts'ibael ta vun ti c'u x'elan ic'ot ta pasele. Ja' te laj yich' ts'ibael ta svunal li c'usitic chc'ot ta pasel yu'un ajvaliletique.

Ester 5:8

Me lec chavilune, ajvalil, me oy ta avo'nton chavac'bun li c'usi chajc'anbote, la' to ve'anic oc'om achi'uc li Amane, ja' jech ta jchapan lec ve'lil yan velta sventa chaquich'ot ta muc'. Ja' to xu' te ta xcalbot li c'usi ta jc'ane —xut.

Isaías 41:17

“Li boch'otic abul sbaique xchi'uc li me'onetique ta sa'ic vo' yuch'ic, pero mu staic, jech te tsbal sba o stubic ta taqui-o'nal. Pero vu'un li Muc'ul Diose ta xca'ibe sc'opic; vu'un li Diosun yu'un Israele mu'yuc ta jcomtsanic o.

Daniel 2:1

C'alal xchibal jabil yochel ta ajvalilal li Nabucodonosore, ivaychin. Toj ep ilo'ilaj yo'nton; solel muc xvay o.

Daniel 6:18

Li ajvalile ibat ta spasubmantal, te yipanoj sba imochi ta svayab; me sonuc mu sc'an xa'ay o, jech noxtoc muc x'och o svayel.

Malaquías 3:16

Ja' yu'un li boch'o yich'ojic ta muc' li Muc'ul Diose, lic yalbe sbaic ta jujuntal ti yich'ojic ta muq'ue. Li Diose laj ya'ay. Jech laj yich' ts'ibael ta vun te ta stojol, yu'un jech mu xch'ay ta o'ntonal li boch'o jun yo'ntonic ta stojole ti ja' no'ox yich'ojic o ta muq'ue.

Romanos 11:33

Bats'i mu'yuc spajebal sc'ulejal, sbijil, xchi'uc snopubil yu'un li Diose. Mu stac' na'el c'usi oy ta yo'nton li Diose; mu xlaj ta nopel c'usi snopoj tspas.