Ester 5:9 - Bible in Tzotzil de Chenalhó with Deuterocanon

⁹ C'alal iloc' batel li Amane, toj xcuxet no'ox, toj jun no'ox yo'nton. Pero c'alal laj yil te chotol ta sti' spasubmantal ajvalil li Mardoqueoe, ti muc xbac', muc stots me jutuque, bats'i tsots i'ilin.

Bible in Tzotzil de Chamula

⁹ C'alal laj yo'nton ta ve'el uch'ubajel ti Amane, mu xa c'usi sna', xmuyubaj xa loc' batel. Ja' no'ox un, toj ilinel c'ot yu'un ti Mardoqueoe, ti laj yil ti oy ta sti' sna ajvalil ti jeche' nijil ta j'ech'ele, ti mu stoy sat ta stojol ti ta x'ech'e.

Ester 5:9 Iomraidhean Croise

1 Reyes 21:4

C'alal isut batel ta sna li Acabe, toj ep chat yo'nton, xchi'uc ch-ilin ta sventa ti c'u x'elan itac'bat yu'un li Nabote. Yu'un i'albat ti mu xu' ja' chich' li c'usi ac'bil comel yu'un stot sme'e. C'alal ic'ot ta sna li Acabe, mu sc'an xve'; te no'ox c'ot xmochan sba ta svayab sq'ueloj batel c'alna.

1 Reyes 21:6

Itac'ov li Acabe: —Yu'un la jac'be ts'usubtic yu'un li Nabot nacal ta Jezreele. Laj calbe ti xu' ta jtojbe ta taq'uin, ti xu' ta jq'uextabee, pero muc xiyac'bun —xut.

Ester 2:19

C'alal xchibal velta xa'ox laj yich'ic tsobel li stsebetique, li Mardoqueoe te chotol ta sti' spasubmantal li ajvalile.

Ester 3:2

Scotol li j'abteletic yu'un ajvalile la squejan sbaic ta stojol; la snupbeic sc'ob c'alal te chjelov ta sts'elique, xchi'uc ti c'alal chc'otic ta stojole, yu'un jech yaloj mantal li ajvalile. Yan li Mardoqueoe mu'yuc la squejan sba ta stojol; mu'yuc la snupbe sc'ob.

Ester 3:5

C'alal laj yil Amán ti mu'yuc xtal squejan sba ta stojol li Mardoqueoe ti mu'yuc xnupbat sc'obe, bats'i tsots i'ilin ta jyalel.

Ester 5:13

Pero oy jun ti c'usi mu lecuc chquile, yu'un c'alal chquil jujun velta te chotol ta sti' spasubmantal ajvalil li Mardoqueoe, mu'yuc jtu chiyilun o —xut.

Job 20:5

¿Me mu xana' ti mu jaluc xcuxet yo'ntonic li boch'otic chopolique, xchi'uc ti jliquel no'ox lec stse'inic li boch'otic mu'yuc ta yo'ntonic Diose?

Job 31:31

Mu'yuc bu jech laj yalic li boch'otic te oyic ta jnae: ‘Mu sta co'ntontic ta ti'bol yu'un’, mu'yuc xiic.

Salmos 15:4

ti chilinta li boch'o chopol c'usitic tspase, ti chich' ta muc' li boch'o lec yich'oj ta muc' Muc'ul Diose, xchi'uc ti chc'ot ta pasel yu'un li c'usi yaloje, ac'o me te tsta o svocol xchi'uc.

Salmos 27:3

Ac'o me chtal sjoyibtaicun epal soldadoetic, mu'yuc bu xpujpun xa co'nton ta xi'el; ac'o me xchapanoj xa sbaic chtal yac'bicun, pero mu'yuc bu chlo'ilaj o co'nton.

Daniel 3:13

C'alal laj ya'ay li Nabucodonosore, tsots i'ilin. Ta sc'ac'al yo'nton laj yal ti ac'o yiq'uic tal li Sadrac, Mesac, xchi'uc Abed-negoe. Jech ta ora laj yiq'uic tal li oxib viniquetique.

San Mateo 10:28

Mu me xaxi'ic yu'un li boch'o ta smil abec'talique, yu'un li ach'ulelique mu xu' ta smil. Ja' lec ja' xaxi'ic yu'un li Boch'o xu' yu'un ta smil abec'talic xchi'uc ach'ulelic ta muc'ta c'oq'ue.

San Mateo 2:16

C'alal la sna' Herodes ti ilaj xa ta lo'lael yu'un li bijil viniquetic ti sna'ic sq'uelel c'analetique, solel tsots i'ilin. Jech laj yal mantal ti ac'o milaticuc scotol li bic'tal queremetic ti bu chib to jabil yich'ojique, xchi'uc ti bu ach' to svoq'uelic ti te oyic ta lum Belén xchi'uc ti c'u smuc'ul yosilale. Yu'un li Herodese la sna' c'usi ora lic yilic tal c'anal li bijil viniquetic ti sna'ic sq'uelel c'analetique.

San Lucas 6:25

“Vo'oxuc ti noj ach'utic li' ta orae toj abul abaic, yu'un ta to xavi'najic. “Vo'oxuc ti xatse'inic no'ox li' ta orae toj abul abaic, yu'un ta to xa'oc' xa'avanic yu'un li vocole.

San Juan 16:20

Ja' melel li c'usi chacalboxuc ava'yique: Li vo'oxuque ta to xa'oq'uic; ta to xavat avo'ntonic. Yan li cristianoetic li' ta banamile xcuxet no'ox yo'ntonic. Pero ac'o me chavat avo'ntonic li vo'oxuque, chlic c'atajuc ta xcuxetel avo'ntonic.

Hechos 7:54

C'alal laj ya'yic jech i'albatique, isoc sjolic ta jyalel; bats'i tsots i'ilinic. Xc'uxet yeic ta stojol li Estebane.

Santiago 4:9

Ato avo'ntonic, oc'tao abaic. Li tse'ej chapasique ac'o c'atajuc ta avoq'uelic. Li xcuxetel avo'ntonique ac'o c'atajuc ta yatel avo'ntonic.