Ester 5:4 - Bible in Tzotzil de Chenalhó with Deuterocanon

⁴ —Me lec chava'ye, ajvalil, avocoluc la'ic ta ve'el tana achi'uc li Amane, yu'un chapanbil xa lec ve'lil cu'un sventa chaquich'ot ta muc', vo'ot li ajvalilote —xut. Jech lic yal mantal li ajvalile:

Bible in Tzotzil de Chamula

⁴ Ti Estere xi laj staq'ue: —Mi lec ta xava'ie, Jcuch abtel, avocoluc, c'otan ta ve'el uch'ubajel ti jchapanoj xa ta aventae, ti ic'o batel xtoc ti Amane.

Ester 5:4 Iomraidhean Croise

Génesis 27:25

Ja' yu'un jech i'albat yu'un li stote: —Ich'o tal li jve'ele, jnich'on. Ta jti' li c'usi laj amil tale. Ts'acal chacac'bot li bendición cu'une —x'utat. Li Jacobe laj yac'be sve'el li stote, xchi'uc laj yich'be tal ya'lel ts'usub. Jech te ive' laj yuch' vo'.

Génesis 32:20

Jech xavalbeic noxtoc: ‘Li avits'in Jacobe le' xa xtal ta ts'acalpat cu'uncutique’, utic —xi. Yu'un li Jacobe jech la snop: “Ja' van jech ta jlajesbe o sc'ac'al yo'nton ti ta jtacbe jelovel smoton ta ba'yucbee. Ts'acal me laj quil jbacutique, ta jc'opan stuc. Xu' lec xa chisc'opanun”, xi la snop.

Ester 1:9

Jech ec li Vasti, ja' li yajnil ajvalile, la spas q'uin ta sventa yajnilic ec li boch'otic ic'bilic ta q'uel q'uine; ja' te la spasic q'uin ta spasubmantal li ajvalile.

Ester 3:15

Ta smantal ajvalil laj yich' puquel ta ora li cartaetique. Li c'usi laj yich' chapanele la spuquic noxtoc te ta lum Susa, ja' li muc'ul lum yo' bu nacal li ajvalile. Li ajvalil xchi'uc Amane jun yo'nton te chotolic ta x'uch'bajic. Pero scotol li cristianoetic te ta lum Susae mu xa sna' c'usi tspasic ic'otic.

Ester 5:3

Li ajvalile jech la sjac'be: —¿C'usi tal apas, Ester? ¿C'usi tal ac'an? Ac'o me chac'anbun o'lol ti c'u smuc'ul jventainoje chacac'bot —xut. Itac'ov li Estere:

Ester 5:5

—T'unic ta ora bu oy li Amane, yu'un ac'o c'otuc ta pasel c'usi tsc'an li Estere —xi. Ja' yu'un li ajvalil xchi'uc Amane ibatic ta ve'el yo' bu xchapanoj xa lec li Estere.

Ester 5:8

Me lec chavilune, ajvalil, me oy ta avo'nton chavac'bun li c'usi chajc'anbote, la' to ve'anic oc'om achi'uc li Amane, ja' jech ta jchapan lec ve'lil yan velta sventa chaquich'ot ta muc'. Ja' to xu' te ta xcalbot li c'usi ta jc'ane —xut.

Salmos 112:5

Li boch'o lec yo'ntonique chc'uxubinvanic, chac' ta q'uexel c'usi oy yu'unic; lec tuc' tsventain scotol li c'usitic oy yu'une.

Proverbios 29:11

Li boch'o bole mu xu' yu'un spajesel li sc'ac'al yo'ntone; yan li boch'o tuc' yo'ntone xu' yu'un tspajes sba.

1 Corintios 14:20

Quermanotac, mu me jechuc xanopic jech chac c'u cha'al ololetic. Ja'uc ololoxuc ta sventa li c'usi chopole. Ja'uc yijuben xa ajolic ta sventa li c'usi chanopique.