Ester 5:2 - Bible in Tzotzil de Chenalhó with Deuterocanon

² C'alal laj yil ajvalil ti te oy ta amac' li Estere, laj yac'be yil ti lec chile; la xbech li svaston te stsacoj ti pasbil ta c'anal taq'uine. Jech li Estere inopaj batel; laj yac' sc'ob ta sni' li vastone.

Bible in Tzotzil de Chamula

² C'alal laj yil ti ajvalil ti va'al ta amac' ti me' ajvalil Estere, stse'et xa ta stojol laj sye'be ech'el ti xvaxtonil meltsanbil ta oro ta stuq'uil ti bu va'ale. Nopaj ech'el ti Ester ta snupel ti vaxtone.

Ester 5:2 Iomraidhean Croise

Génesis 32:28

Li vinique jech laj yalbe: —Mu xa ja'uc Jacob ta xcom abi. Israel xa abi ta xc'ot, yu'un laj atsal abaic xchi'uc li Diose xchi'uc li cristianoetique; tsalbil ic'ot avu'un —xi.

Nehemías 1:11

Muc'ul Dios, ta jc'anbot vocol ti ac'o ava'ibun jc'op ti li' chajc'opanot, vu'un li avajtunelune, xchi'uc ac'o ava'ibe sc'op li avajtuneltac li' chasc'opanicote, ti tsc'an chayich'icot ta muq'ue. Ta jc'anbot vocol ti lec c'usi ac'o c'otuc ta pasel ta jtojol, vu'un li avajtunelune, xchi'uc ti ac'o c'uxucun ta yo'nton li ajvalile. Yu'un vu'un j'ac'ya'lel ts'usubun yu'un”, xcut li Diose.

Ester 2:9

Li Hegaie toj lec laj yil li tsebe, jech ta ora la sc'ac'ubtas lec, xchi'uc laj yac'be lequil ve'liletic, xchi'uc laj yac'be squiarain vucub tsebetic ti toj ven lequic te ta sna li ajvalile. Ja' te laj yac' ochuc xchi'uc squiaratac ti bu toj lec li na te ta snail antsetique.

Ester 4:11

“Scotol li j'abteletic yu'un ajvalile xchi'uc li cristianoetic ta jujun banamil ti bu c'alal sventainoj li ajvalile sna'ojic ti oy jun mantal ta sventa li boch'o jech no'ox ta x'och batel ta stojol ajvalile. Me mu'yuc ic'bile, persa ac'o chamuc, ac'o me vinic o me ants. Ja' no'ox mu'yuc chich' milel li boch'o ta xbechbat yu'un ajvalil li svaston pasbil ta c'anal taq'uine. Li vu'une oy xa lajuneb xcha'vinic (30) c'ac'al mu'yuc chi'ic'at o ta sq'uelel li ajvalile”, xut batel.

Ester 8:4

Li ajvalile la xbechbe ta stojol Ester li svaston pasbil ta c'anal taq'uine, jech li Estere itots, lic va'luc ta stojol li ajvalile,

Salmos 116:1

Lec jc'anoj li Muc'ul Diose, yu'un la stuc'ulanbun li jc'ope; laj ya'ibun ti xivocolet ta stojole.

Proverbios 21:1

Li Muc'ul Diose ja' tspasbe ta mantal yo'nton li ajvalile jech chac c'u cha'al tsbeiltas batel ta sbe li uc'umetique; ti c'u x'elan tsc'an yo'nton stuc li Muc'ul Diose ja' jech tspas.

Hechos 10:4

Li Cornelioe la sq'uel li j'almantale, toj xi'el ic'ot, jech la stac'be: “¿C'usi chaval, Cajval?”, xut. Jech i'albat yu'un li j'almantale: “Li sc'opanel Dios chapase xchi'uc li c'usi chaq'uelane, ic'ot c'alal ta stojol Dios sventa mu xch'ay o ta yo'nton.

Hechos 7:10

La scolta ta sventa svocol. La xc'uxubin, laj yac'be lec sbijil, jech lec i'ilat yu'un li faraón ajvalil ta Egiptoe. Ja' yu'un itic'at ta ajvalilal ta sventa scotol Egipto banamil, xchi'uc i'ac'bat sventain scotol c'usitic oy yu'un ta sna li faraone.