Ester 5:11 - Bible in Tzotzil de Chenalhó with Deuterocanon

¹¹ Te lic yalbe ya'yic ti toj ep li sc'ulejale, xchi'uc ti toj ep xnich'nabe, xchi'uc ti ac'bil tsots yabtel yu'un li ajvalile, ti ja' no'ox stuc banquilal yu'un scotol li banquilaletic xchi'uc j'abteletic yu'un ajvalile.

Bible in Tzotzil de Chamula

¹¹ Lic slo'iltabe ya'iic ti yepal no'ox ti sc'ulejale, ti yepal no'ox ti yalab xnich'nabtaque, ti stuc no'ox cajtsanbat sc'oplal yu'un ti ajvalil ta scotol ti yajtuneltaque, ti yaj'opisialtaque, ti cajal yabtel ac'bile, ti mu sta ti yane.

Ester 5:11 Iomraidhean Croise

Génesis 31:1

Pero li Jacobe laj ya'ay ti oy bu jech lic yalic li xnich'nabtac Labane: “Li Jacobe ja' laj yich'be scotol li c'usitic ja' yu'un jtotique, jech ipas o ta jc'ulej”, xiic.

Ester 1:4

Yu'un ta xac'be yil c'u x'elan li sc'ulejale xchi'uc c'u x'elan smuc'ul li yabtele, ti mu'yuc boch'o jech yan toj muc' yabtele. Li q'uin la spase ijalij o'lol jabil.

Ester 3:1

C'alal i'ech' xa'ox jayibuc c'ac'ale, li ajvalil Asueroe laj yac'be muc' yabtel li Amán xnich'on Hamedata smomnich'on Agague; ja' banquilal ic'ot yu'un scotol li j'abteletic yu'une.

Ester 8:15

C'alal iloc' batel ta spasubmantal ajvalil li Mardoqueoe, slapoj xa loq'uel c'u'il sventa ajvalil, ja' yaxvac'antic sba xchi'uc sac, xchi'uc jun smuc'ta scoronail sjol pasbil ta c'anal taq'uin, xchi'uc jlic snatil c'u' pasbil ta lino no yax'elantic sba. Scotol li cristianoetic te ta lum Susae xcuxet no'ox yo'ntonic, x'avlajetic no'ox.

Salmos 49:6

Li boch'o spatoj yo'ntonic yu'un c'usi oy yu'unique stoyoj sba o xchi'uc li sc'ulejalique.

Salmos 49:7

Pero mu xu' yu'un tscolta o xchi'ilic; mu xu' chac'beic xq'uexolin xchi'ilic ta stojol li Diose.

Salmos 52:9

Muc'ul Dios, sbatel osil chaquich'ot o ta muc', yu'un toj lec c'usi laj apasbun; ja' no'ox ta jpat co'nton o ta atojol, yu'un toj lec avo'nton ta stojol li avu'untac ti tuc' yo'ntonique.

Isaías 10:8

Jech yaloj: ‘Li banquilaletic ta jujun banamile, ja' banquilal caj'abteltac chc'ot scotol.

Daniel 4:30

jech laj yal: “Li muc'ta lum Babilonia li'i, vu'un la jpas ta jmuc'ul jtsatsal, ja' muc'ta lum yu'un scotol ti c'u smuc'ul jventainoje; ja' sq'uelubil ti toj ech'em jmuc'ule”, xi.

Marcos 10:24

Li yajchanc'optaque toj ch'ayel ic'ot yo'ntonic ta sventa ti jech laj yale. Li Jesuse jech laj yalbe yan velta: —Jnich'nabtac, li boch'otic batem yo'nton yu'un sc'ulejalique toj vocol ch-ochic yo' bu tspas mantal Dios.

1 Timoteo 6:17

Li jc'ulejetic li' ta banamile, albo mantal ti mu me stoy sbaique, ti mu me ja'uc spat yo'nton yu'un li sc'ulejalique. Yu'un li c'ulejalile ta xlaj sc'oplal. Ja' ac'o spat yo'ntonic ta stojol li Diose, yu'un ja' chiyac'butic scotol li c'usitic ta xtun cu'untique, yu'un jech xcuxet no'ox co'ntontic.