Ester 5:10 - Bible in Tzotzil de Chenalhó with Deuterocanon

¹⁰ Pero muc xac' ta ilel ti toj tsots ch-iline. C'alal ic'ot ta snae, la stac ta iq'uel li boch'otic lec sc'opan sba xchi'uque, xchi'uc Zeres, ja' li yajnile.

Bible in Tzotzil de Chamula

¹⁰ Manchuc mi jech un, mu'yuc xac' ta ilel ti xti'et sjol ti uni jliquel taje. C'alal c'ot ta sna une, laj sta ta iq'uel ti buch'utic lec xil sba xchi'uque, xchi'uc ti yajnil ti Zeres sbie.

Ester 5:10 Iomraidhean Croise

Génesis 45:1

Li Josee muc xa sts'ic yu'un laj ya'ay ti mu x'oc' te ta stojol li boch'otic te ch-abtej yu'une, ja' yu'un tsots i'avan. Jech laj yal: “¡Loc'anic batel acotolic li'i!” xi. Jech iloq'uic batel scotolic. Mu xa junuc yaj'abteltac te oy ti c'alal lic yac' sba ta otquinel ta stojol li sbanquiltaque.

Ester 5:11

Te lic yalbe ya'yic ti toj ep li sc'ulejale, xchi'uc ti toj ep xnich'nabe, xchi'uc ti ac'bil tsots yabtel yu'un li ajvalile, ti ja' no'ox stuc banquilal yu'un scotol li banquilaletic xchi'uc j'abteletic yu'un ajvalile.

Ester 6:13

Scotol li c'usitic ic'ot ta pasele c'ot yalbe ya'ay yajnil xchi'uc li boch'otic lec sc'opan sba xchi'uque. Jech i'albat: —Ti me ja' li judá vinic Mardoqueo ti laj xa yac' bic'tajuc ac'oplale, mu xu' avu'un chatsal o; ta jbel sc'oplal vo'ot no'ox tsalbil chac'ot yu'un —x'utat.

Eclesiastés 7:9

Mu me ta aniluc no'ox xa'ilin, yu'un li ilinele ja' jech stalelic li boch'otic bolique.