Ester 5:1 - Bible in Tzotzil de Chenalhó with Deuterocanon

¹ C'alal i'ech' oxib c'ac'ale, li Estere la slap lec sc'u' sventa yajnil ajvalil, i'och batel ta yamaq'uil spasubmantal li ajvalile; te iva'i ta nopol sti' bu chotol tspas mantal li ajvalile.

Bible in Tzotzil de Chamula

¹ Ech' xa ox oxib c'ac'al un, ti Estere lic slap sc'u' sventa ti me' ajvalilale. Och batel ta yut na. C'ot sva'an sba ta stuq'uil bu chotol ti ajvalil ta xchotlebe, ta yeloval ti ti'nae.

Ester 5:1 Iomraidhean Croise

Ester 1:11

Laj yalbe ti ac'o bat yiq'uic tal li Vasti, ja' li yajnil ajvalile; ac'o taluc lec xchi'uc scoronail sjol, yu'un tsc'an chac'be sq'uel yantic lumetic xchi'uc banquilaletic ti toj c'upil sba li yajnile.

Ester 2:5

Te ta lum Susa yo' bu nacal li ajvalile, oy jun judá vinic Mardoqueo sbi. Ja' xnich'on Jair; ja' smoltotac li Simei xchi'uc Cis ti liquemic ta Benjamine.

Ester 4:11

“Scotol li j'abteletic yu'un ajvalile xchi'uc li cristianoetic ta jujun banamil ti bu c'alal sventainoj li ajvalile sna'ojic ti oy jun mantal ta sventa li boch'o jech no'ox ta x'och batel ta stojol ajvalile. Me mu'yuc ic'bile, persa ac'o chamuc, ac'o me vinic o me ants. Ja' no'ox mu'yuc chich' milel li boch'o ta xbechbat yu'un ajvalil li svaston pasbil ta c'anal taq'uine. Li vu'une oy xa lajuneb xcha'vinic (30) c'ac'al mu'yuc chi'ic'at o ta sq'uelel li ajvalile”, xut batel.

Ester 4:16

“Batan te ta lum Susa; tsobo scotol li jchi'iltactique; ac'o yictaic ixim sventa chacoltaicun. Mu me c'usi xave'ic; mu me c'usi xavuch'ic oxib c'ac'al xchi'uc oxib ac'ubal. Ja' jech ta jpascutic ec xchi'uc li jquiarataque. Ja'o chibat ta stojol li ajvalile ac'o me mu jechuc chal li mantale. Me te lichame, ac'o chamcun”, xut batel.

Ester 4:17

Li Mardoqueoe ibat; la xch'un scotol c'usi laj yal li Estere.

Ester 6:4

Li ajvalile jech la sjac': —¿Boch'o te oy ta amaq'ue? —xi. Ja' xa'ox te oy batel ta yamaq'uil spasubmantal ajvalil li Amane, yu'un bat sc'anbe ajvalil ti ac'o yich' joc'anel ta te' li Mardoqueo ti bu yac'oj xa ta pajele.

Ester 8:15

C'alal iloc' batel ta spasubmantal ajvalil li Mardoqueoe, slapoj xa loq'uel c'u'il sventa ajvalil, ja' yaxvac'antic sba xchi'uc sac, xchi'uc jun smuc'ta scoronail sjol pasbil ta c'anal taq'uin, xchi'uc jlic snatil c'u' pasbil ta lino no yax'elantic sba. Scotol li cristianoetic te ta lum Susae xcuxet no'ox yo'ntonic, x'avlajetic no'ox.

San Mateo 10:16

“A'yo ava'yic, vu'un ta jtacoxuc batel jech chac c'u cha'al chijetic ta stojol oq'uiletic, ja' yu'un bijanic me jech chac c'u cha'al orachon ti lec bije. Jech noxtoc muc'uc me avo'ntonic jech chac c'u cha'al stsumut.

San Mateo 11:8

¿C'usi ay aq'uelic cha'e? ¿Me ja' ay aq'uelic jun vinic ti bats'i lequic sc'u' spoq'ue? Mo'oj. Li boch'otic lequic sc'u' spoq'ue ja' li boch'otic te oyic ta sna ajvaliletique.

San Mateo 27:64

Ja' lec alo mantal ti ac'o bat yich' chabibel lec oxibuc c'ac'al li smuquinale, yu'un naca me tal loq'uesbatuc sbec'tal ta ac'ubaltic yu'un li yajchanc'optaque. Xu' jech chlic yalbeic li cristianoetique: ‘Icha'cuxi xa loq'uel ta smuquinal’, xu' xutic. Jech ech'em to xu' chlajic ta lo'lael li cristianoetic jech chac c'u cha'al c'alal cuxul to'oxe —xutic li Pilatoe.

San Lucas 22:30

Yu'un jech te chave'ic, chavuch'ic vo' ta jmexa ti bu ta jpas mantale. Jech noxtoc te chachotiic ta chotlebaletic sventa chachapanic li lajcha'chop israeletique”, xi li Jesuse.

Apocalipsis 3:21

Li boch'o tstsal yu'un scotole ta jchi'in ta chotlej ta jchotleb, jech chac c'u cha'al laj yac' chotlicun jchi'uc li Jtote, yu'un itsal cu'un scotol.