Ester 4:8 - Bible in Tzotzil de Chenalhó with Deuterocanon

⁸ Jech noxtoc laj yac'be batel jlic li vun ti laj yich' puquel te ta lum Susa yo' bu ts'ibabil jun mantal ti chich'ic milel scotol li judaetique, yu'un jech ac'o sna' lec Ester li c'usitic chapanbile. Xchi'uc laj yalbe ti ac'o bat c'opojuc ta stojol ajvalil li Estere, ti ac'o sc'anbe vocol, ti ac'o sva'an sba ta scoltael li xchi'iltac ta judaile.

Bible in Tzotzil de Chamula

⁸ Laj yac'be jlic sloc'ol vun xtoc, mantal ti meltsaj ta Susa sc'oplal ti ta xich'ic tsutsesele, ti yac'beuc ti Estere yo' jech chapal lec ta sni' xchiquin scotol ti c'usi ta xc'ot ta pasele. Laj sc'ubanbe xtoc ti batuc sc'opon ajvalil ti Estere, ti sc'anbeuc vocol ta spacbel sc'oplal ti slumale.

Ester 4:8 Iomraidhean Croise

Ester 2:20

Li Estere albil ono'ox yu'un Mardoqueo ti mu me xal bu slumal, xchi'uc boch'o yuts' yalale. La xch'un c'usi i'albat yu'un li Mardoqueoe yu'un ja' ventainbil yu'un.

Ester 4:9

Li Hataque isut batel ta stojol li Estere, c'ot yalbe ya'ay scotol c'usi laj yal li Mardoqueoe.

Ester 8:6

Yu'un mu x'ech' chca'ay me chlaj ta milel scotol li jchi'iltaque, xchi'uc me ch-ul scotol li cuts' calaltaque —xut.

Job 9:15

Ac'o me toj tuq'uil vinicun, mu ono'ox xu' ta jtac'be, yu'un ja' jchapanvanej cu'un; tsc'an ja' no'ox ta jc'anbe vocol ta stojol.

Salmos 122:6

C'anic ti ac'o junuc yo'nton li lum Jerusalene, jech xavalic: “Lum Jerusalén, junuc no'ox avo'nton; junuc yo'nton te nacalicuc li boch'otic sc'anojicote.

Proverbios 21:1

Li Muc'ul Diose ja' tspasbe ta mantal yo'nton li ajvalile jech chac c'u cha'al tsbeiltas batel ta sbe li uc'umetique; ti c'u x'elan tsc'an yo'nton stuc li Muc'ul Diose ja' jech tspas.

Eclesiastés 10:4

Me ta xilintaot li boch'o oy yabtele, mu c'usi xaval, yu'un li smuc'ul co'ntontique ja' spajesubil li muc'tic c'opetique.

Hechos 12:20

Li Herodese solel ilinem ta stojol li tiroetic xchi'uc sidonetique. Ja' yu'un li chib lume jmoj la xchap sc'opic ti chtal sc'opanic li Herodese. Jech la sc'anbeic vocol li Blastoe, ja' li jun vinic ti yich'oj tsots yabtel ta stojol Herodese. Ja' la sc'anbeic ti ac'o slecubtasbe yo'nton li Herodese, yu'un jech xu' ta xbat sman sve'elic ta yosilal ti bu ta spas mantale.

1 Timoteo 6:13

Li' ta orae ta jpasot ta mantal ta stojol Dios, ja' li boch'o chac' cuxiuc scotol c'usitic oye, xchi'uc ta stojol li Jesucristoe, ja' li boch'o jamal laj yal sba ta stojol Poncio Pilatoe.

1 Timoteo 6:17

Li jc'ulejetic li' ta banamile, albo mantal ti mu me stoy sbaique, ti mu me ja'uc spat yo'nton yu'un li sc'ulejalique. Yu'un li c'ulejalile ta xlaj sc'oplal. Ja' ac'o spat yo'ntonic ta stojol li Diose, yu'un ja' chiyac'butic scotol li c'usitic ta xtun cu'untique, yu'un jech xcuxet no'ox co'ntontic.