Ester 4:5 - Bible in Tzotzil de Chenalhó with Deuterocanon

⁵ Ja' yu'un li Estere te lic yic' li Hatac, ja' li j'abtel yu'un ajvalil ti te chtun ta stojole, la stac batel ta stojol li Mardoqueoe yu'un ac'o bat sjac'be c'usi chc'ot ta pasel, xchi'uc c'u yu'un ti jech spasoj sbae.

Bible in Tzotzil de Chamula

⁵ Ti Ester une laj sta ta iq'uel ti Hatac jun j'opisial ti sbainoj ta xchabiel sna ti ajvalile. Laj yalbe mantal ti batuc sq'uel ti Mardoqueoe, ti sjac'beuc c'usi ta xc'ot ta pasele, ti c'u cha'al ti va'i s'elan ta spase.

Ester 4:5 Iomraidhean Croise

Ester 1:10

C'alal svucubal xa'ox c'ac'al li q'uine, li ajvalil Asueroe lec xa'ox q'uixnajem ta yuch'el li pasem ya'lel sts'usube, jech te lic spas ta mantal li vucub viniquetic ti chchabibeic c'usitic oy yu'une, ja' li Mehumán, Bizta, Harbona, Bigta, Abagta, Zetar, xchi'uc Carcase.

Ester 1:12

Li Vastie muc xch'un iq'uel yu'un smalal ta sventa li vucub viniquetique. Ja' yu'un li ajvalile i'ilin, bats'i tsots ilic sc'ac'al yo'nton.

Ester 4:10

Li Estere lic stac batel yan velta ta stojol Mardoqueo li Hataque, jech laj yalbe:

Ester 4:4

Li me' ajvalil Estere te ital albatuc yu'un li squiarataque xchi'uc li viniquetic ti ja' yajchabiele. C'alal laj ya'ay li Estere, toj vocol laj ya'ay. Te lic stacbe batel sc'u' li Mardoqueoe yu'un ac'o sloc' li c'u'il sventa at-o'nton ti ch'ixlajan ta lapele, pero muc sc'an li Mardoqueoe.

Ester 4:6

Li Hataque bat sc'opan li Mardoqueo ti te oy ta yeloval sti' spasubmantal ajvalile.

Ester 4:9

Li Hataque isut batel ta stojol li Estere, c'ot yalbe ya'ay scotol c'usi laj yal li Mardoqueoe.

Romanos 12:15

Cuxetuc avo'nton achi'uquic li boch'o xcuxet yo'ntone; oc'an achi'uquic li boch'o ch-oq'uique.

1 Corintios 12:26

Ja' yu'un me oy svocol jchopuc li jbec'taltique, oy svocol cha'ay ta scotolic. Me lec c'uxubinbil jchopuc li jbec'taltique, lec c'uxubinbil cha'ay ta scotolic.

Filipenses 2:4

Mu me ja'uc no'ox xbat asat ta aventa atuquic, ac'o oyuc ta avo'ntonic noxtoc li yantique.

Hebreos 4:15

Yu'un mu ja'uc jun banquilal pale cu'untic ti mu sna' c'u x'elan jvocoltic ta scoj ti mu'yuc jtsatsaltique. Ja' jun Banquilal Pale ti laj yich' pasbel preva scotol jech chac c'u cha'al vu'utique, pero li stuque mu'yuc smul.