Ester 4:4 - Bible in Tzotzil de Chenalhó with Deuterocanon

⁴ Li me' ajvalil Estere te ital albatuc yu'un li squiarataque xchi'uc li viniquetic ti ja' yajchabiele. C'alal laj ya'ay li Estere, toj vocol laj ya'ay. Te lic stacbe batel sc'u' li Mardoqueoe yu'un ac'o sloc' li c'u'il sventa at-o'nton ti ch'ixlajan ta lapele, pero muc sc'an li Mardoqueoe.

Bible in Tzotzil de Chamula

⁴ Ti me' mosoviletic ta xtunic ta stojol ti me' ajvalil Estere, xchi'uc ti viniquetic ti c'otem ta yajchabivaneje, laj yalbeic ya'i ti c'usi ta xc'ot ta pasele. Va'i ti me' ajvalile, och ta vul o'nton. Laj stac ech'el c'u'il ta stojol ti Mardoqueo ti sjeltauc ti lajemal c'u'il slapoje. Mu ja'uc c'ot ta yo'nton.

Ester 4:4 Iomraidhean Croise

Génesis 37:35

Scotol li squeremetic xchi'uc stsebetique la spatbeic yo'nton li stotique, pero li stuque muc sc'an patbel yo'nton. Ja' no'ox te chlic yoc'ta yan velta li xnich'one, jech laj yal: “Mu xch'ay ta co'nton o li jnich'one. Ep ta jna'; ja' to chch'ay ta co'nton me bat jchi'in ta yavil ch'ulelale”, xi.

2 Reyes 9:32

Li Jehue la sq'uel muyel ta ventana, jech laj yal: —¿Boch'o li jchi'iltaque? —xi. Oy chib oxib j'abteletic inach'iic tal ta ventana ec.

Ester 1:12

Li Vastie muc xch'un iq'uel yu'un smalal ta sventa li vucub viniquetique. Ja' yu'un li ajvalile i'ilin, bats'i tsots ilic sc'ac'al yo'nton.

Ester 4:3

Scotol li judaetic ta jujun banamil ti bu ipuc batel smantal li ajvalile, ep laj yat yo'ntonic, ep i'oq'uic, laj yictaic ixim, la xmochan sbaic ta tantic, la slapic c'u'il sventa at-o'nton ti ch'ixlajan ta lapele.

Ester 4:5

Ja' yu'un li Estere te lic yic' li Hatac, ja' li j'abtel yu'un ajvalil ti te chtun ta stojole, la stac batel ta stojol li Mardoqueoe yu'un ac'o bat sjac'be c'usi chc'ot ta pasel, xchi'uc c'u yu'un ti jech spasoj sbae.

Salmos 77:2

C'alal oy at-o'nton chca'ye, ja' ta jsa' coltael yu'un li Cajvale. Scotol ac'ubal te xivulvun o ta sc'opanel; mu'yuc bu ta jcux o, pero mu ono'ox jta o smuc'ul co'nton chca'ay.

Isaías 56:3

Me oy yanlum cristiano chac' sba ta sc'ob Muc'ul Diose, mu me jechuc snop: “Li Muc'ul Diose svoc'ojun loq'uel ta stojol li steclumale”, mu me xiuc. Ja' no'ox jech ec li eunuco vinique mu me jechuc xal: “Li vu'une ja' jechun jech chac c'u cha'al jtec' taqui-te'”, mu me xiuc.

Jeremías 31:15

Jech chal noxtoc li Muc'ul Diose: “Chvinaj tsots oq'uel te ta Ramá; oy boch'o toj tsots choc'ta sba. Ja' Raquel ta xoc'ta yalabtac; muc sbalin patbel yo'nton, yu'un j'ech'el ilaj li yalabe”, xi.

Hechos 8:27

Jech ilic li Felipee, ibat. C'alal ixanov batele, te la sta ta be jun eunuco vinic liquem tal ta Etiopía banamil, yu'un i'ay yich' ta muc' Dios ta Jerusalén. Li vinique yich'oj yabtel yu'un ajvalil ants te ta Etiopía banamil. Ja' yabtel ta xchabibe sc'ulejal li ajvalil antse. Candáce sbi li antse.

1 Samuel 8:15

Ja' chayich'boxuc li jujun ta lajlajuneb atrigoique xchi'uc li ts'usubetic avu'unique, yu'un ja' chac'be li j'abteletic yu'une xchi'uc li smozotaque.