Ester 3:8 - Bible in Tzotzil de Chenalhó with Deuterocanon

⁸ Li Amane jech laj yalbe li ajvalil Asueroe: —Oy jun lum ta scotol li lumetic c'u smuc'ul aventainoje, voc'ol no'ox yac'oj sba, mu xich' ta muc' li mantaletic avu'une xchi'uc toj yan o li mantaletic yu'unique; mu xco'laj xchi'uc li mantal yu'unic yantic lumetique. Ajvalil, mu'yuc stu avu'un me li' no'ox nacalic li jun lum le'e.

Bible in Tzotzil de Chamula

⁸ Va'i un, ti Amane xi laj yalbe ti ajvalil Asueroe: —Ta scotol ti jteclumetic c'u yepal smacoj ti Jcuch abtele, oy jun mu jechuc ta spas jech c'u cha'al ta spas ti yane. Yan o ti mantaletic oy yu'une. Mu xco'olaj xchi'uc jech c'u cha'al ti yan jteclumetique. Mu xich' ta muc' c'u s'elan yaloj mantal ti Jcuch abtele. Ch'ayel xal o ti q'uelbil no'ox nacalic ti jteclum bu c'alal smacoj ti Jcuch abtele.

Ester 3:8 Iomraidhean Croise

Esdras 4:6

Jech noxtoc c'alal ja' to no'ox i'och ta ajvalilal li Asueroe, la stic'beic batel smul ta stojol ajvalil li Judá xchi'uc Jerusalene.

Nehemías 1:8

Pero na'o me ti jech ono'ox laj avalbe li avajtunel Moisese: ‘Me laj ata amulique, ta jpucoxuc batel ta yantic lumetic.

Ester 3:9

Ajvalil, me xac'ane, alo batel mantal ti ac'o yich'ic milele. Vu'un ta xcac'be vo'lajunvinic xchi'uc lajuneb xcha'vinic ta mil (330,000) kilo saquil taq'uin li j'abteletique; ja' ac'ulejal chc'ot vo'ot li ajvalilote —xut.

Ester 4:1

C'alal laj ya'ay Mardoqueo li c'usi chapanbile, la sli' sc'u', la slap c'u'il sventa at-o'nton ti ch'ixlajan ta lapele, xchi'uc laj yac' tan ta sjol. Ilic ta xanubal te ta lum, solel x'avet x'oc'olet no'ox ta tsots at-o'nton.

Jeremías 33:24

“¿Me mu ava'yojuc c'u x'elan chlo'ilajic li cristianoetique? Chalic ti jbajoj xa o li cha'chop lum ti jt'ujoj ono'oxe, ja' li Israel xchi'uc Judae. Ja' yu'un mu'yuc xa stu chilic o li jteclumale; mu xa scuyic ta jun muc'ta lum.

Jeremías 50:17

“Li israeletique ja' jech chac c'u cha'al ch'ayemal chijetic ti nutsbilic ta leonetique. Ba'yuc iti'atic yu'un li Asiriae, ja'o iti'atic yu'un li Nabucodonosor ajvalil ta Babiloniae; ja' la slajesbe c'alal ta sbaquilic.

Ezequiel 11:16

Ja' yu'un jech xavalbe ya'yic: ‘Jech chal li Muc'ul Diose: Ac'o me vu'un la jipic batel ta nom ta yantic lum, ac'o me la jpuquic batel ta yantic banamil, pero vu'un xch'ulnaic c'otemun te ta yantic banamil ti bu ic'otique’, xi li Diose, utic.

Ezequiel 6:8

Pero ta to jcomtsan jayibuc, ta to xcolic ta milel, jech ta spuc sbaic batel ta yantic banamil.

Daniel 3:8

Ta yorail le'e, oy jayibuc caldea viniquetic la stic'beic smul ta stojol ajvalil Nabucodonosor li judaetique,

Daniel 6:13

Ja' yu'un li viniquetique jech laj yalbeic li ajvalile: —Pero li Daniel ti chucbil iloq'uic tal ta Judá xchi'uc xchi'iltaque mu xayich'ot ta muc'; mu xich' ta muc' noxtoc li c'usi chapanbil ti jbel sc'oplal avaloje, yu'un laj quilcutic ti oxib velta ta jujun c'ac'al tsc'opan li Dios yu'une —xutic.

Daniel 6:14

C'alal laj ya'ay li ajvalile, toj vocol laj ya'ay; te lic snop c'usi chut tscolta li Daniele. Te tsnopilan c'usi tspas c'alal to ich'ay c'ac'al.

Levítico 26:33

Ta jpucoxuc batel ta yantic lumetic. Ta jloq'ues espada ta atojolic; ja' ta jnutsoxuc o batel. Li avosilalique ja' jech chcom jech chac c'u cha'al xocol banamil. Li alumalique ta xyavnaij o ta j'ech'el.

Zacarías 7:14

Jech la jpuquic batel ta sutub ic' ta yantic banamil ti bu mu ono'ox xotquinique. Jech iyavnaij o ti bu to'ox nacalique; mu'yuc boch'o xu' te chnaqui o. Jech ic'ataj o ta xocol banamil ta scojic li lequil banamile”, xi li Diose.

Números 23:9

Li' ta toyol ch'entic lec xquil batel; li' ta toyol vitsetic ta jq'uel batel. Ja' jun lum ti voc'bilique; mu xco'laj xchi'uc yantic lumetic.

San Juan 7:35

Li j'abteletic yu'un judioetique jech lic yalbe sbaic: —¿Bu ta xbat li vinic le'e ti mu xa jtatic chale? ¿Me yu'un ja' te ta xbat yo' bu spucoj sbaic batel li jchi'iltactic ta yosilal greciaetique? ¿Me yu'un ja' ta xbat xchanubtas li greciaetique?

Hechos 24:5

Yu'un li vinic li'i, ivinaj xa lec ti ja' chac' ta ch'amel sc'a'al chamele, ti ja' ta socbe sjol li xchi'iltac ta buticuc no'ox nacajtic ta scotol banamile. Ja' banquilal yu'unic scotol li boch'otic xch'unojbeic sc'op li jun vinic liquem tal ta Nazarete.

Hechos 28:22

Pero ta jc'an chca'icutic c'usi chanop ec. Yu'un li yan c'op ach'unoje ca'yojcutic ti scotol jchi'iltactic chopol ta xc'opojic ta sventae —xiic.

Deuteronomio 30:3

li Muc'ul Diose ta xlic sjelboxuc li avocolique. Ta xlic yich'oxuc ta c'ux yan velta. Ta xlic stsoboxuc loq'uel tal yan velta te ta yantic banamil ti bu chaspucoxuc batele.

Deuteronomio 32:26

La jnop ox ti ta jpuquic batel ta buyuc no'oxe, xchi'uc ta jtu'pbe ox sc'oplalic ta banamil.

Deuteronomio 4:27

Li Muc'ul Diose chaspucoxuc batel ta yantic lum. Jutuc xa no'ox cuxul chacomic te ta stojolic.

Santiago 1:1

Vu'un Santiagoun,, vu'un yajtunelun Dios xchi'uc li Cajvaltic Jesucristoe. Chabanuc chacalboxuc tal vo'oxuc li lajcha'chop sts'unubaloxuc Israel ti butic puquemoxuc batel ta yantic banamile.

1 Pedro 1:1

Vu'un Pedroun, yajtacbolalun li Jesucristoe, chabanuc chacalboxuc tal, vo'oxuc ti te puquemoxuc batel ta Ponto, ta Galacia, ta Capadocia, ta Asia, xchi'uc ta Bitinia banamile.