Ester 3:13 - Bible in Tzotzil de Chenalhó with Deuterocanon

¹³ Jech la staquic batel ta jujun lum ti bu c'alal sventainoj li ajvalile. Laj yalic batel ti ta jun no'ox c'ac'al ac'o smilic scotol li judaetique, c'alal ta vinic, ta ants, ta ololetic, xchi'uc ac'o yich'beic scotol li c'usitic oy yu'unique. Li sc'ac'alil chc'ot yu'unique ja' ta yoxlajunebal (13) c'ac'al yochel li xlajchabal u Adare.

Bible in Tzotzil de Chamula

¹³ Ta ora no'ox, laj staquic batel ta sventa ti j'ac'-vunetic ta stojol scotol ti bu c'alal ich'bilic ta ventae. Ti vun taje ta xal ti ta jun no'ox c'ac'ale, ac'o yich' tsutsesel ta j'ech'el scotol ti judioetique, mu'yuc ta alel mi querem to, mi molic xa, mi ololetic, mi antsetic. Ac'o yu'ninbeic scotol ti c'usitic oy yu'unique. Ti sc'ac'alil ti chapanbil taje, ja' ta yoxlajunebal (13) c'ac'al yu'un ti slajchebal (12) ue, ja' ti u ti sbiinoj Adare.

Ester 3:13 Iomraidhean Croise

2 Crónicas 30:6

Jech iloq'uic batel j'almantaletic ta scotol Israel xchi'uc ta Judá, yich'ojic batel cartaetic yu'un li ajvalile xchi'uc li banquilaletique. Ja' jech li smantal ajvalil yich'ojic batele: “Israeletic, sutanic xa tal ta stojol li Muc'ul Diose, ja' li Dios yu'un Abraham, Isaac, xchi'uc Israele. Jech ta sut tal ta atojolic ec vo'oxuc ti scomelaloxuc xa yu'un li ajvaliletic ta Asiriae.

Ester 7:4

Yu'un li vu'un xchi'uc scotol li jchi'iltaque chonbiluncutic xa ta c'abal jcotolcutic ti ac'o quich'cutic ulesele. Ti ja'uc no'ox chonbiluncutic sventa mozoile, mu'yuc c'usi chcal; mu xtal jtij xc'uxul ajol ti jechuque —xut.

Ester 8:5

jech laj yalbe: —Me lec chavilune, ajvalil, me lec ac'anojune, xchi'uc me lec chava'ay, me xc'ot ta avo'nton li c'usi ta xcale, ac'o ta ts'ibael yan cartaetic sventa ac'o lajuc sc'oplal li amantal spucoj batel ta carta li Amán sventa chac' ta milel scotol li jchi'iltac ti bu c'alal aventainoje.

Ester 9:1

C'alal ista li yoxlajunebal (13) c'ac'al yochel xlajchabal u Adare, ja' li sc'ac'alil ti ac'o c'otuc ta pasel li mantal yaloj ajvalile, li yajcontra judaetique chapalic xa'ox yu'un tsc'an chulesic o li Judae, pero mu jechuc ic'ot ta pasel. Ja' ijoybij ta stojol stuquic li yajcontraique yu'un ja' itsalatic yu'un li judaetique.

Ester 9:10

ja' li xnich'nabtac Amán, mero yajcontra judaetique. Pero li c'usitic oy yu'unique mu'yuc laj yich'beic.

Ester 9:5

Li judaetique la smilic ta espada scotol li yajcontraique. Laj yulesic o; la spasbeic li c'usi tsc'an yo'ntonique.

Job 9:25

“Li jc'ac'alile toj anil no'ox chbat jech chac c'u cha'al boch'o tsots ch-anilaj, jech mu'yuc chil o li xcuxetel o'ntonale.

Isaías 10:6

Ja' te ta jtac batel ta jun banamil ti bu mu xiyich'icun ta muq'ue; ta jtac batel ta jun lum ti liquem sc'ac'al co'nton yu'une, yu'un ac'o bat spojbe c'usitic oy yu'unic; ac'o bat stsaquic, ac'o bat xmich'ic. Laj xa caq'uic sventa ac'o yich'ic pech'ilanel ta teq'uel ta xoraltic jech chac c'u cha'al ach'el.

Jeremías 51:31

Xyal xmuy no'ox j'almantaletic ta stojol li ajvalil ta Babiloniae, yu'un ja' chalbeic ti ch-och o ta c'abal scotol li slumalique.

Romanos 3:15

Li yacanique chbat ta anil, chbat milvanuc.

Santiago 2:13

Yu'un li boch'o mu'yuc c'ux ta yo'nton xchi'ile, jech mu'yuc c'ux ta o'ntonal ec ti c'alal ta xchapanate. Yan li boch'o c'ux ta yo'nton xchi'ile, ja' jech c'ux ta o'ntonal ec ti c'alal yorail ta xchapanate.

1 Samuel 15:3

Ja' yu'un bat milic, bat uleso o xchi'uc scotol li c'usitic oy yu'unique. Mu me xc'uxubaj ta avo'nton. Milo comel scotol li viniquetique, li antsetique, li ololetique, xchi'uc li ach' jvoq'uel ololetique, xchi'uc li xvacaxique, li xchijique, li scamelloique, li sburoique’, xayutot —xi li Samuele.

1 Samuel 22:19

I'och batel noxtoc ta Nob, ja' li slumal paleetique, la smil ta espada scotol li vinic, antsetique, xchi'uc li ololetique, xchi'uc c'alal ta vacaxetic, ta chijetic, ta buroetic.