Ester 3:12 - Bible in Tzotzil de Chenalhó with Deuterocanon

¹² Ta yoxlajunebal (13) c'ac'al yochel li sba ue, laj yich' tsobel li jts'ibajometic yu'un muc'ta ajvalile. Ja' la stsaquic ta vun li c'usitic laj yal Amane; la stacbeic batel li ajvaliletic xchi'uc li banquilaletic ta jujun lume. Ta sc'op stuquic, xchi'uc ta sts'ib stuquic laj yich'ic ts'ibabel batel ta jujun muc'tic lum, xchi'uc ta bic'tal lumetic. Ta sbi xchi'uc ta sello ajvalil Asuero la sts'ibaic batel.

Bible in Tzotzil de Chamula

¹² Ta yoxlajunebal (13) sc'ac'alil ti sliqueb u yu'un ti jabile, laj yich'ic tael ta iq'uel ti jts'ibajometic yu'un ti ajvalile. Lic sts'ibaic ti mantaletic laj yal ti Amane yo' jech ta staquic batel ta stojol ti ajvaliletique, ti jujuchop ti sc'opic ti buyuc no'ox nacalique, xchi'uc ta stojolic ajvaliletic yu'un ti jujun muc'tic lume. Ti mantaletic taje, laj yich' ts'ibael ta jpoc vun ti ta xlo'ilaj ta sc'op stuquic ti jujuchop bu oyique, xchi'uc ti jteclume, ti yac'oj spirma ta sventa ti ajvalil Asueroe, ti yich'oj seyo ta sventa seyo ti ajvalile.

Ester 3:12 Iomraidhean Croise

1 Reyes 21:8

Li antse ta ora la spas cartaetic ta sbi li Acabe; laj yac'be lec sello yu'un li ajvalile. La stacbe batel li moletic, xchi'uc li banquilaletic te ta lum yo' bu nacal li Nabote.

Esdras 8:36

Ts'acal bat yalbeic noxtoc c'usi yaloj batel ajvalil li j'abteletic, li jpasmantaletic te ta smaleb c'ac'al yu'un uc'um Eufratese. Jech lic yich'ic coltael li israeletique, xchi'uc laj yich'ic coltael ta sventa li ch'ulna yu'un Diose.

Ester 1:22

Lic spuquic batel cartaetic ta jujun muc'tic lum ti bu c'alal sventainoje. Ta sc'op stuquic xchi'uc ta sts'ib stuquic la sts'ibabeic batel. Laj yalbeic batel ti ja' ac'o spasic o mantal te ta snaic li viniquetique, xchi'uc ti ac'o spuquic te ta jujun slumalic ta sc'op stuquic li mantal le'e.

Ester 3:11

Jech laj yalbe: —Te ich'o comel atuc li saquil taq'uine, xchi'uc pasbo c'usi tsc'an avo'nton li jun lum chavale —xut.

Ester 8:2

Ja' yu'un li ajvalile ja' laj yac'be Mardoqueo li yixtolal sc'ob ti laj yich'be sutel li Amane. Li Estere ja' laj yac'be sventain Mardoqueo li c'usitic laj yich'be li Amane.

Ester 9:27

ja' jech la spasilanic o batel c'alal ta yalab xnich'nabic xchi'uc li boch'otic c'atajemic xa ta Judae. Ja' jech la spasilanic o batel chib c'ac'al q'uin ta jujun jabil li c'usi c'ac'alil yorail jech chac c'u cha'al i'albatic mantale; mu'yuc la xquechanic o spasel.

Daniel 3:10

Ajvalil, vo'ot atuc laj aval mantal ti scotol cristianoetic ac'o squejan sbaic, ac'o yich'ic ta muc' li loc'om pasbil ta c'anal taq'uin c'alal me laj yich' tijel scotol li jaychop sonetique.

Daniel 6:12

Ta ora bat yalbeic ajvalil; la st'abbeic li c'usi chapanbile, jech laj yalbeic: —¿Me mu jbeluc sc'oplal comen avu'un li c'usi chapanbil ti mu'yuc boch'o xu' tsc'anbeic vocol junuc dios o me junuc yan vinic li lajuneb xcha'vinic (30) c'ac'al li' xbate, xchi'uc ti chich' tiq'uel ta xch'en leonetic li boch'o jech tspase? —xutic. Itac'ov li ajvalile: —Ja' melel, jbel sc'oplal caloj, jech chac c'u cha'al chal ta ley yu'un li mediaetic, li persiaetic ti mu xu' chich' jelele —xi li ajvalile.

Daniel 6:15

Pero li viniquetique te bat setuic li ajvalile, jech laj yalbeic: —Ajvalil, na'o me ti chal ta mantal yu'un mediaetic, persiaetic ti mu xu' chich' jelel, ti mu xu' chich' soquesel junuc li c'usi chchapan, li c'usi chal jun ajvalile —xutic.

Daniel 6:25

Ja' yu'un li ajvalil Darioe la sts'iba batel vun ta stojol scotol cristianoetic ta jujun lum, ta jujun banamil, ta jujuchop c'op; jech laj yalbe: “Junuc me avo'nton acotolic.

Daniel 6:8

Ajvalil, ta jc'antic ti tsots sc'oplal ac'o comuc avu'un li c'usi chapanbile. Ac'o lec afirma, jech mu'yuc boch'o xu' ta soques o jech chac c'u cha'al chal ta mantal yu'un li mediaetic, li persiaetic ti mu stac' jelele —xutic.