Ester 3:1 - Bible in Tzotzil de Chenalhó with Deuterocanon

¹ C'alal i'ech' xa'ox jayibuc c'ac'ale, li ajvalil Asueroe laj yac'be muc' yabtel li Amán xnich'on Hamedata smomnich'on Agague; ja' banquilal ic'ot yu'un scotol li j'abteletic yu'une.

Bible in Tzotzil de Chamula

¹ Ech' c'uc sjaliluc un, ti ajvalil Asueroe lic yac'be yich' cajal yabtel ti Amán xnich'on ti Hamedatae, snitilul ti Agage, ti c'ot ta banquilal yu'un scotol yaj'abteltac ti ajvalile.

Ester 3:1 Iomraidhean Croise

Génesis 41:40

Vo'ot chaventain li jpasubmantale. Vo'ot chapas ta mantal scotol li jchi'iltac li' ta jlumale. Ja' no'ox vu'un banquilal ajvalil chic'ot avu'un.

Génesis 41:55

C'alal ijapatic ta vi'nal scotol li cristianoetic te ta Egipto banamile, ibatic ta stojol li faraone; bat sc'anbeic li trigoe. Li faraone jech laj yalbe scotol li egiptoetique: “Ja' bat c'opanic li Josee. Ja' xach'unic li c'usi chayalboxuque”, xut.

Esdras 7:14

Vu'un chajtacotcutic sutel xchi'uc li vucub jchi'iltac li' chiscoltaicune yu'un ac'o bat aq'uel me jech yo'ntonic li Judá xchi'uc Jerusalén jech chac c'u cha'al chal li smantaltac Dios te avich'oj ta ac'obe.

Ester 1:14

Li boch'otic te oyic ta stojol ajvalile ja' Carsena, Setar, Admata, Tarsis, Meres, Marsena, xchi'uc Memucán. Ja' vucub banquilaletic liquemic ta Persia xchi'uc ta Media; ja' te tscoltaic ta snopel c'usi lec tspas li ajvalile xchi'uc ja' yich'oj tsots yabtelic ta stojol ajvalil ta sventa ti c'u smuc'ul banamil sventainoje.

Ester 3:10

Li ajvalile la sloq'ues yixtolal sc'ob; laj yac'be li Amane, ja' li yajcontra judaetique.

Ester 5:11

Te lic yalbe ya'yic ti toj ep li sc'ulejale, xchi'uc ti toj ep xnich'nabe, xchi'uc ti ac'bil tsots yabtel yu'un li ajvalile, ti ja' no'ox stuc banquilal yu'un scotol li banquilaletic xchi'uc j'abteletic yu'un ajvalile.

Ester 7:6

Itac'ov li Estere: —¡Li jcontrainvaneje, li pucujil vinique ja' li bol vinic Amán li' chotole! —xut. C'alal laj ya'ay li Amane, toj batel xch'ulel ta xi'el ic'ot ta stojol li ajvalile xchi'uc li Estere.

Ester 8:3

Li Estere la sc'opan yan velta li ajvalile; la squejan sba ta stojol te laj yoc'ta sba. La sc'anbe vocol ti ac'o slajesbe sc'oplal li c'usi sbol chapanoj Amán ti mu me xc'ot ta pasel chich' milel scotol li judaetique.

Salmos 12:8

Yu'un li boch'o chopolique buyuc no'ox chanovic; scotol cristianoetic lec chilic li c'usi chopole.

Proverbios 29:2

C'alal ja' chlic spasic mantal li boch'o tuc' yo'ntonique, xcuxet no'ox yo'ntonic li jteclume; c'alal ja' chlic spas mantal li boch'otic chopolique, ta xlic svocol li jteclume.

Eclesiastés 10:6

Li boch'otic bolique oy ja' tsots yabtel ac'bilic; yan li boch'otic bijique peq'uel yabtel ac'bilic.

Daniel 6:2

La st'uj oxib viniquetic noxtoc, yu'un ja' mero banquilaletic chc'ot yu'unic. Li june ja' Daniel sbi. Ja' chtal yalbeic c'u x'elan yabtelic li vacvinic (120) banquilaletique, yu'un jech mu ja'uc chac'beic svocol li ajvalile.

Números 24:7

Li Israele oy ep vo' yu'un sventa chat'es li c'usitic sts'unoje. Li muc'ta ajvalil yu'une xjelov to jech xu' yu'un jech chac c'u cha'al Agag. Toj muc' li svu'el stsatsale.

1 Samuel 15:33

Pero li Samuele jech laj yal: —Ta scoj avespada ti ep antsetic mu'yuc yolic icom avu'une yu'un laj amilbe. Pero ja' no'ox jech mu'yuc yol ta xcom ec li ame'e —xut. Ja' yu'un li Samuele biq'uitic lic slilin ta stojol Muc'ul Dios te ta Gilgal li Agage.

1 Samuel 15:8

La xchuquic li ajvalil Agage, xchi'uc la smilbeic ta espada scotol li yajsoldadotaque.