Ester 2:9 - Bible in Tzotzil de Chenalhó with Deuterocanon

⁹ Li Hegaie toj lec laj yil li tsebe, jech ta ora la sc'ac'ubtas lec, xchi'uc laj yac'be lequil ve'liletic, xchi'uc laj yac'be squiarain vucub tsebetic ti toj ven lequic te ta sna li ajvalile. Ja' te laj yac' ochuc xchi'uc squiaratac ti bu toj lec li na te ta snail antsetique.

Bible in Tzotzil de Chamula

⁹ Ti Hegaie lec laj yil ti tsebe, ti xnijet xchimilet laj yac' sba ta stojole. Ti Hegai une laj yac' ta poxtael ta muil poxil ta sventa xch'alet no'ox yutsil ta q'uelele. Lic yac'be ti lequil ve'liletique. Laj yac'be yajtuneltac vucub mosovil antsetic ti jelavem xtojobic ta scotolic ti oy ta sna ti ajvalile, ti jmoj batic yu'un ta spajeb xa no'ox yutsil na ti c'otem ta sna ti antsetique.

Ester 2:9 Iomraidhean Croise

Génesis 39:21

Pero li Muc'ul Diose te ono'ox xchi'inoj li Josee; lec la xc'uxubin. Jech lec i'ilat yu'un li banquilal jchabichuquinabe.

Génesis 39:4

Jech lec i'ilat yu'un yajval li Josee. Li Potifare la stic' ta scoltaubbail ta abtel stuc li Josee, xchi'uc la stic' ta jchabina yu'un. Ja' laj yac'be sventain scotol li c'usitic oy yu'une.

1 Reyes 8:50

Pasbo me perdón li smul staojic ta atojole xchi'uc li stoyobbailic ta atojole. Ac'o c'otuc ta pasel ti chlic c'uxubinaticuc yu'un li boch'otic ichucatic batel yu'une.

Esdras 7:6

Li Esdrase ja' jun jchanubtasvanej, lec xchanojbe li smantaltac Muc'ul Dios yu'un Israel ti laj yal ta sventa li Moisese. Lec coltabil yu'un li Muc'ul Diose, jech i'ac'bat scotol c'usitic la sc'anbe li ajvalile. Jech iloc' tal ta Babilonia,

Nehemías 2:8

Xchi'uc pasbo batel vun noxtoc li Asaf, ja' li jchabi toyolal te'tic avu'une, yu'un jech xu' chiyac'bun jloq'ues te'etic sventa chtun ta smac sti' li cabildoe, xchi'uc li ti'coraltone, xchi'uc chtun ta sventa smac jna bu chinaqui —xcut. Li ajvalile la spasbun scotol li c'usi laj calbee, yu'un la scoltaun li Muc'ul Diose.

Ester 2:12

Ta sventa li tsebetic, le'e oy mantal ti jun jabil chich'ic c'ac'umtasel leque, xchi'uc chich'ic ac'bel lec perfume. Vaquib u chich'ic jaxbel mirra, vaquib u chich'ic jaxbel muil poxil, xchi'uc cremaetic ta sventa li antsetique. C'alal me its'aqui jech yepal c'ac'ale, ja'o chbat sva'an sbaic ta junjuntal ta stojol li ajvalile.

Ester 2:3

Li ajvalile ac'o sva'an viniquetic ta jujun lum, yu'un ja' ac'o tal yaq'uic li tsebetic te ta snail antsetic yu'un ajvalil ta lum Susae. Ja' ac'o xchabi li Hegai, ja' li jchabi antsetic yu'un ajvalile, xchi'uc ja' ac'o sc'ac'ubtas lec.

Ester 5:2

C'alal laj yil ajvalil ti te oy ta amac' li Estere, laj yac'be yil ti lec chile; la xbech li svaston te stsacoj ti pasbil ta c'anal taq'uine. Jech li Estere inopaj batel; laj yac' sc'ob ta sni' li vastone.

Salmos 106:46

C'alal ta yajcontraic la stijbe yo'nton, yu'un jech ac'o c'uxubinaticuc yu'un noxtoc.

Proverbios 16:7

C'alal me lec chil Muc'ul Dios c'usitic tspas li cristianoe, c'alal ta yajcontra xu' tslecubtasbe yo'nton.

Daniel 1:9

Li Diose laj yac' ti ac'o lec ilatuc, ti oyuc slequil yo'nton ta stojol Daniel li banquilal j'abtel yu'un ajvalile.

Hechos 7:10

La scolta ta sventa svocol. La xc'uxubin, laj yac'be lec sbijil, jech lec i'ilat yu'un li faraón ajvalil ta Egiptoe. Ja' yu'un itic'at ta ajvalilal ta sventa scotol Egipto banamil, xchi'uc i'ac'bat sventain scotol c'usitic oy yu'un ta sna li faraone.