Ester 2:6 - Bible in Tzotzil de Chenalhó with Deuterocanon

⁶ Ja' co'ol chucbil iloq'uic batel ta Jerusalén xchi'uc xchi'iltac, xchi'uc ajvalil Jeconías ta Judá yu'un li ajvalil Nabucodonosor ta Babiloniae.

Bible in Tzotzil de Chamula

⁶ Ti Mardoqueo taje, jun ta scotol ti yepal bec'bil loq'uic ta Jerusalén yu'un ti Nabucodonosor ajvalil yu'un ti Babiloniae, ti jmoj loq'uic batel xchi'uc ti Jeconías ajvalil yu'un ti Judae.

Ester 2:6 Iomraidhean Croise

2 Reyes 24:12

Li Joaquín, ajvalil ta Judae, iloc' batel xchi'uc sme', xchi'uc xchi'iltac ta abtel, xchi'uc banquilaletic yu'un, xchi'uc jpasmantaletic yu'un, bat yac' sbaic ta sc'ob li ajvalil Nabucodonosore. Jech te ichucatic batel. Ja' ta xvaxquibal jabil yochel ta ajvalilal Nabucodonosor ti jech ic'ot ta pasele.

2 Reyes 24:6

C'alal icham li Joaquime, ja' i'och ta xq'uexol jun xnich'on, Joaquín sbi.

2 Crónicas 36:20

Li boch'o icolic to ta milel ta espadae laj yiq'uic batel ta Babilonia. Te la smozoinic o c'alal ta yalab xnich'nabic ja' to ti c'alal laj yich' lec stsatsal li ajvalil ta Persiae.

Jeremías 22:24

Li Muc'ul Diose jech chalbe li Jeconías xnich'on Joacim, ajvalil ta Judae: “Vu'un ti cuxulune, ac'o me ja' jechot jech chac c'u cha'al yixtolal jbats'ic'ob ti ja' sventa jselloe, pero ta jipot loq'uel.

Jeremías 22:28

¿Me ja' jech ic'ot li Jeconías jech chac c'u cha'al bin ti voq'uem, ti mu'yuc xa stue, ti ja' jech chac c'u cha'al jun sets' ti mu'yuc xa boch'o tstuc'ulane? ¿C'u yu'un ti j'ech'el ijipatic o batel xchi'uc yalab xnich'nab ta yan banamil ti mu xotquinique?

Jeremías 24:1

C'alal chucbil xa'ox batel ta Babilonia yu'un ajvalil Nabucodonosor li Jeconías ajvalil ta Judá xnich'on Joaquime, xchi'uc li banquilaletic te ta Judae, xchi'uc li boch'otic oy lec sbijilic ta abtele xchi'uc li jtentaq'uinetique, li Muc'ul Diose laj yac'bun quil chib moch higo, te ac'bil ta stuq'uil ti'ch'ulna yu'un Muc'ul Dios.