Ester 2:5 - Bible in Tzotzil de Chenalhó with Deuterocanon

⁵ Te ta lum Susa yo' bu nacal li ajvalile, oy jun judá vinic Mardoqueo sbi. Ja' xnich'on Jair; ja' smoltotac li Simei xchi'uc Cis ti liquemic ta Benjamine.

Bible in Tzotzil de Chamula

⁵ Ta muc' ta lum ti Susae, nacal jun judío vinic sbiinoj Mardoqueo, xnich'on ti Jaire, snitilul ti Simei xchi'uc ti Cise, ta sventa jvoc' snitilultac ti Benjamine.

Ester 2:5 Iomraidhean Croise

2 Samuel 16:5

C'alal ic'ot ta Bahurim li ajvalil Davide, te iloc' tal jun vinic. Ja' yuts' yalal li Saule, Simei sbi; ja' xnich'on Gera. Te chchopolc'opoj tal ta spatic;

2 Reyes 24:12

Li Joaquín, ajvalil ta Judae, iloc' batel xchi'uc sme', xchi'uc xchi'iltac ta abtel, xchi'uc banquilaletic yu'un, xchi'uc jpasmantaletic yu'un, bat yac' sbaic ta sc'ob li ajvalil Nabucodonosore. Jech te ichucatic batel. Ja' ta xvaxquibal jabil yochel ta ajvalilal Nabucodonosor ti jech ic'ot ta pasele.

2 Reyes 24:15

Jech noxtoc la xchuc batel ta Babilonia li Joaquine, xchi'uc li sme'e, xchi'uc li yajniltaque, xchi'uc li j'abteletic yu'une, xchi'uc li boch'otic ich'bilic ta muc' te ta lume. Chucbil iloq'uic batel ta Jerusalén c'alal to ta Babilonia.

Ester 1:2

Ja' te laj yich' yabtel ta lum Susa, yu'un ja' muc'ta lum yu'un scotol li yantic lumetic ti bu c'alal la sventaine.

Ester 10:3

Yu'un li Mardoqueo judá vinique ja' banquilal jpasmantal yu'un li ajvalil Asueroe. Lec c'anbil, xchi'uc lec ich'bil ta muc' yu'un scotol li xchi'iltaque, yu'un la sa' c'u x'elan lec oyic li xchi'iltaque, xchi'uc laj yac' persa la scolta.

Ester 2:3

Li ajvalile ac'o sva'an viniquetic ta jujun lum, yu'un ja' ac'o tal yaq'uic li tsebetic te ta snail antsetic yu'un ajvalil ta lum Susae. Ja' ac'o xchabi li Hegai, ja' li jchabi antsetic yu'un ajvalile, xchi'uc ja' ac'o sc'ac'ubtas lec.

Ester 2:4

Ti bu junucal tseb c'upil sba chil li ajvalile ja' ac'o comuc ta xq'uexol li Vastie —xi. Toj lec laj ya'ay li ajvalile, jech la spas.

Ester 5:1

C'alal i'ech' oxib c'ac'ale, li Estere la slap lec sc'u' sventa yajnil ajvalil, i'och batel ta yamaq'uil spasubmantal li ajvalile; te iva'i ta nopol sti' bu chotol tspas mantal li ajvalile.

1 Samuel 9:1

Oy jun vinic liquem ta Benjamín, lec tsots yo'nton, Quis sbi. Ja' xnich'on Abiel; ja' smomnich'on Zeror. Li smuc'ta moltote ja' Becorat, xnich'on Afía. Li Quise lec ich'bil ta muc'.