Ester 1:6 - Bible in Tzotzil de Chenalhó with Deuterocanon

⁶ Li amaq'ue lec c'upil sba pasbil, setbil ta saquil poc', ta yaxal poc', xchi'uc ta ic'ic'tic sba, joc'anbil ta ch'ojon pasbil ta lino no, ic'ic'tic sba stsajal; yich'oj lec xotajtic saquil taq'uin, xchi'uc yoyal pasbil ta mármol. Li muc'tic chotlebale pasbil ta c'anal taq'uin ta saquil taq'uin. Li banamile macbil ta pórfido, ta mármol, ta alabastro, xchi'uc ta jacinto tonetic.

Bible in Tzotzil de Chamula

⁶ Ti amaq'ue nichimtasbil lec ta c'upil sba lequiquil saquil poc', xchi'uc ta yax'elan ti xyaxale, ti joc'ajtic ta yax'elan tsajal xela noe, ti xojbil jelavel ta jomolil sat ta plata taq'uine, ti c'otem xchuc sba ta jujun oy ti meltsanbil ta baxtone. Ti peq'uel chotlebaletic laj yaq'ue, naca meltsanbil ta oro, ta plata, ti yich'oj naca c'upil sba pac'bil tonetic ti sts'ayts'un no'ox yutsile, ti jtos o ta baxtone, ti saquil baxtone, xchi'uc ti ic'al baxtone.

Ester 1:6 Iomraidhean Croise

Ester 7:8

Li ajvalile isut tal yan velta te yo' bu oy li ve'lile, pero li Amane ja'o la spatan sba ta sc'anbe vocol bu chcux yo'nton li Estere. Li ajvalile jech laj yal: —¿Me yu'un chac'an chavuts'inta li' ta jna noxtoc li Estere? —xut. C'alal naca to laj yal jech li ajvalile, li j'abteletic yu'une, la smacbeic sat li Amane. Oy jun j'abtel yu'un, Harbona sbi, jech laj yalbe li ajvalile: —Te ta sna li Amane oy yac'oj ta pajel lec te' sventa te tsjoc'an ox li Mardoqueo li boch'o lec c'usi laj yal ta atojole. Li te' spajojique oy van chibuc xcha'vinic (22) metro stayal —xut. Li ajvalile jech yal: —Ja' te xbat ajoc'anic —xi.

Ester 8:15

C'alal iloc' batel ta spasubmantal ajvalil li Mardoqueoe, slapoj xa loq'uel c'u'il sventa ajvalil, ja' yaxvac'antic sba xchi'uc sac, xchi'uc jun smuc'ta scoronail sjol pasbil ta c'anal taq'uin, xchi'uc jlic snatil c'u' pasbil ta lino no yax'elantic sba. Scotol li cristianoetic te ta lum Susae xcuxet no'ox yo'ntonic, x'avlajetic no'ox.

Éxodo 26:1

“Paso jbej ch'ulna ta nucul, ta lajunlic lino poc' ti lec ts'otbile, xchi'uc ta yax'elan poc', ta ic'ic'tic sba stsajal, xchi'uc ta bats'i tsoj. Pasbo lec xluchal; loc'tao chib querubinetic.

Ezequiel 23:41

Ichotiic ta lequil chotlebal yo' bu oy jun mexa lec chapanbile; ja' te laj yac' ta ba mexa li pom xchi'uc aceite ti ts'u'iltasbilic cu'une.

Amós 2:8

Ja' la sq'ui svayabinic ta sts'el scajleb smoton sdiosic ta buyuc no'ox li c'u'il la spojic ta sventa prentaile. Li multa la sc'anic ta jech no'oxe ja' la smanic o pasem ya'lel ts'usub; te laj yuch'ic ta snail diosetic yu'unic.

Amós 3:12

Jech chal noxtoc li Muc'ul Diose: “Jech chac c'u cha'al jun jchabichij ti oy to bu xu' yu'un tspojbe ta ye león chibuc yacan, o me jutebuc sni' xchiquin li xchije, ja' jech oy to chcolic loq'uel li israeletic te nacalic ta Samariae, jech chac c'u cha'al jutuc xa no'ox spac'benal, jutuc xa no'ox ste'eltac chcom c'alal chc'ac' jbej nae”, xi.

Amós 6:4

Jun avo'nton chavayic ta lequil vaybal t'ujumtasbil ta sts'uts'up tsemen; puru cux o'nton chapasic ta lequil chotlebaletic noxtoc. Chapasic q'uin achi'uquic ch'ium chijetic xchi'uc ch'ium vacaxetic ti lec jubenique.

1 Samuel 28:23

Li Saule mu sc'an xve'. Pero li antse xchi'uc li j'abteletic yu'un Saule la sujic, jech te la xch'un ta vocol. Te itots, bat chotluc ta vaybal.