Ester 1:3 - Bible in Tzotzil de Chenalhó with Deuterocanon

³ C'alal yoxibal jabil xa'ox yochel ta muc'ta ajvalilale, la spas jun muc'ta q'uin ta sventa scotol li banquilaletic xchi'uc li j'abteletic yu'une. Te oyic noxtoc li banquilal soldadoetic ta Persia xchi'uc ta Mediae, xchi'uc li ajvaliletic, li banquilaletic ta jujun muc'tic lume.

Bible in Tzotzil de Chamula

³ Ta yoxibal jabil stic'lej ta ajvalilal une, ti ajvalil Asueroe lic spas q'uin sventa yich'el ta muc' scotol ti yajtuneltaque, xchi'uc ti xchi'iltac ta abtel sventa ti ajvalile, ti banquilal soldado yu'un ti Persia xchi'uc ti Mediae, ti its'inal ajvaliletique, xchi'uc ti banquilaletic yu'un ti jujuchop bic'tal lumetique.

Ester 1:3 Iomraidhean Croise

Génesis 40:20

Ta yoxibal c'ac'ale, ja' sc'ac'alil la spas q'uin li faraone yu'un its'aqui sjabilal. Jech la spasic jun muc'ta q'uin xchi'uc li j'abteletic yu'une. Li faraone laj yal mantal ta stojol scotol li boch'otic yic'oj ta q'uel q'uin ti ac'o loc'uc ta chuquel li banquilal j'ac'ya'lel ts'usube xchi'uc li banquilal jpaspan yu'une.

1 Reyes 3:15

C'alal ijulov li Salomone, ja' to laj yil ti ta xvayeche. C'alal ic'ot ta Jerusalene, te ibat yo' bu oy li xcaxail smantal Muc'ul Diose. Te la xchic' matanaletic, xchi'uc la smil matanal sventa lec ch-ilat yu'un Dios. Ts'acal la spas lec q'uin; laj yic' ta ve'el li j'abteletic yu'une.

Esdras 1:2

“Vu'un Ciroun, ajvalilun li' ta Persia, chacalboxuc tal mantal: Li Muc'ul Dios yu'un vinajele yac'ojbun jventain scotol li ajvaliletic ta banamile, xchi'uc laj yalbun ti ac'o yich' meltsanel jun ch'ulna ta Jerusalén ta yosilal Judae.

Ester 1:14

Li boch'otic te oyic ta stojol ajvalile ja' Carsena, Setar, Admata, Tarsis, Meres, Marsena, xchi'uc Memucán. Ja' vucub banquilaletic liquemic ta Persia xchi'uc ta Media; ja' te tscoltaic ta snopel c'usi lec tspas li ajvalile xchi'uc ja' yich'oj tsots yabtelic ta stojol ajvalil ta sventa ti c'u smuc'ul banamil sventainoje.

Ester 1:4

Yu'un ta xac'be yil c'u x'elan li sc'ulejale xchi'uc c'u x'elan smuc'ul li yabtele, ti mu'yuc boch'o jech yan toj muc' yabtele. Li q'uin la spase ijalij o'lol jabil.

Ester 2:18

Li ajvalil Asueroe lic spas jun muc'ta q'uin xchi'uc banquilaletic, xchi'uc j'abteletic yu'un ta sventa li Estere. Xchi'uc la stsulesbe jutuc spatanic li jujun lum bu c'alal sventainoje, xchi'uc laj yac' ep matanaletic ti c'u yepal iloc' ta yo'ntone.

Ester 3:7

Ta sba u Nisán ta xlajchabal jabil yochel ta ajvalilal li Asueroe, la spasic canal tajimol te ta stojol Amán ta sventa tsna'ic c'usi c'ac'alil, c'usi ual xu' tspasic li c'usi la snope. Ja' ic'ot ta yoxlajunebal (13) c'ac'al yochel li xlajchabal ue, ja' ta yual Adar.

Isaías 21:2

Toj xi'bal sba c'usi laj yac'bun quil li Diose: Li boch'o ch-ac'van ta c'abal ta mucule ta ono'ox x'ac'van ta c'abal o; li boch'o tsoquesvane ta ono'ox soquesvan o. Elametic, muyanic batel. Mediaetic, bat setuic. Ta jpajes xa li avocolique.

Jeremías 51:11

¡Meltsanic lec li aflechaique; chapanic lec li amaquic sventa pleitoe, yu'un li Muc'ul Diose tsc'an ta xules o li Babiloniae! Laj xa stijbe yo'nton noxtoc li ajvaliletic ta Media ti ac'o oyuc ta yo'nton chulesic ec li Babiloniae. Ja' spacol chac' stuc li Muc'ul Diose; ja' tspacbe sutel sc'oplal c'usi laj yich' pasbel li ch'ulna yu'une.

Daniel 5:1

Li Belsasar ajvalil ta Babiloniae la spas jun muc'ta q'uin, laj yac' lec ve'el; la stsob jmil (1,000) banquilaletic yu'un ti bu c'alal sventainoje. C'alal te chve'ic li ajvalil xchi'uc li boch'otic yic'anoje laj yuch'ic ep pasem ya'lel ts'usub.

Daniel 5:28

PARSIN: voc'bil. Li Diose laj xa svoc' ti c'u smuc'ul aventainoje; laj xa yac'be li mediaetic xchi'uc li persiaetique —xut.

Daniel 6:1

Li ajvalil Darioe toj lec laj ya'ay ti tst'uj vacvinic (120) jpasmantaletique, yu'un ja' ac'o sventainic ta jujuvoc' ti c'u smuc'ul sventainoje.

Daniel 8:20

‘Li jcot tot chij ti chib xulub laj avile ja' sc'oplal ajvaliletic ta Media xchi'uc ta Persia.

Marcos 6:21

Ts'acal to c'alal la spasbe sq'uinal c'usi ora ivoc' li Herodese, la sna' ti ja' xa yorail tspas c'usi oy ta yo'nton li Herodiase. Li Herodese laj yic'an scotol li j'abteletic yu'une, li banquilal soldadoetique xchi'uc li jpasmantaletic ta scotol Galilea banamile.