Ester 1:19 - Bible in Tzotzil de Chenalhó with Deuterocanon

¹⁹ Me lec chava'ye, ajvalil, ja' lec jchapantic junuc mantal ta sventa vo'ot li ajvalilote. Ac'o yich' ts'ibael ta svunal li mantaletic yu'un Persia xchi'uc Mediae, yu'un jech ac'o comuc o. Jech ta jts'ibatic chac li'i: ‘Li yajnil ajvalil, ja' li Vastie, mu xa me xtal o ta stojol li ajvalile’, xi ta jts'ibatic. Ja' lec sa'o yan me' ajvalil avu'un ti xjelov to slequil jech chac c'u cha'al le'e.

Bible in Tzotzil de Chamula

¹⁹ Mi lec ta xa'i ti Jcuch abtel une, xi s'elan licuc sts'iba mantal ti ajvalile, ti bejanbil comuc jmoj xchi'uc ti oy c'usi tsots albil yu'un ti Persia xchi'uc ti Mediae, yo' jech mu xtub ti yipe: “Ti me' ajvalile, j'ech'eluc mu xa xbat sva'an sba ta xchi'inel ti ajvalile.” Ti sbiinoj me' ajvalile, yich'uc yan ants ti buch'u xich'be ti smelole.

Ester 1:19 Iomraidhean Croise

1 Reyes 3:28

Scotol israeletic laj ya'yic c'u x'elan lec ichapanvan li ajvalile. Laj yich'ic ta muc', yu'un la sna'ic ti ac'bil lec sbijil yu'un Dios sventa tuc' chchapanvane.

Ester 1:18

C'alal cha'yic c'usi la spas avajnil li yajnil banquilaletic ta Persia xchi'uc ta Mediae xu' chlic yutilan sbaic xchi'uc smalalic ec.

Ester 1:21

Li c'usi laj yal Memucane toj lec laj ya'ay li ajvalile xchi'uc li banquilaletic te oyique, ja' jech la spas o li ajvalile.

Ester 2:1

C'alal i'ech' jayibuc c'ac'ale, li ajvalil Asueroe i'ech' xa'ox li sc'ac'al yo'ntone. Jech te it'ab ta yo'nton li yajnile, xchi'uc li c'usi la spasbee, xchi'uc li c'usi la xchapanic ta sventae.

Ester 3:9

Ajvalil, me xac'ane, alo batel mantal ti ac'o yich'ic milele. Vu'un ta xcac'be vo'lajunvinic xchi'uc lajuneb xcha'vinic ta mil (330,000) kilo saquil taq'uin li j'abteletique; ja' ac'ulejal chc'ot vo'ot li ajvalilote —xut.

Ester 8:5

jech laj yalbe: —Me lec chavilune, ajvalil, me lec ac'anojune, xchi'uc me lec chava'ay, me xc'ot ta avo'nton li c'usi ta xcale, ac'o ta ts'ibael yan cartaetic sventa ac'o lajuc sc'oplal li amantal spucoj batel ta carta li Amán sventa chac' ta milel scotol li jchi'iltac ti bu c'alal aventainoje.

Ester 8:8

Li' ta orae xu' ta xcac' ac'o ats'ibaic batel cartaetic ta jbi sventa chacoltaic li achi'iltaquic ta judaile. Ts'ibaic ta jbi ti c'u x'elan lec chava'yique; aq'uic batel li sello cu'un sventa ajvalile. Yu'un me oy jun carta ti yich'oj batel jbi xchi'uc sello cu'un, vu'un li ajvalilune, mu'yuc boch'o xu' tsoques o —xi.

Daniel 6:17

C'alal te xa tiq'uil ta xch'en leonetic li Daniele, laj yich'ic tal jbej ton; ja' la smacbeic o sti' li ch'ene. Li ajvalile laj yac'be selloal yixtolal sc'ob, xchi'uc selloal yixtolal sc'obic li banquilaletic yu'une, yu'un jech mu me xich' jelel li c'usi chapanbil ta sventa li Daniele.

1 Samuel 15:28

Li Samuele jech laj yalbe li Saule: —Li Muc'ul Diose ja' jech laj xa sli'bot avabtel ta ajvalilal ta stojol li jchi'iltactique. Ja' xa laj yac'be jun achi'il ti lec tuc' yo'ntone.