Ester 1:13 - Bible in Tzotzil de Chenalhó with Deuterocanon

¹³ Te lic sjac'be c'usi tspas li bijil viniquetic ti sna'ic sq'uelel senyail ta vinajele. Yu'un li ajvalile jech ono'ox nopen xa'ay tsjac'be c'usi lec tspas li boch'otic xotquinic li mantaletic yu'un slumalique, xchi'uc ti sna'ic c'usi tsc'an pasele.

Bible in Tzotzil de Chamula

¹³ Jech laj yich'be ye sti' un ti buch'utic xojtiquinic lec ti oy c'usi tsots albil ta sventa taje. Stalelic ti ajvalil ti ta sbainic yu'un ti buch'utic xojtiquinic ti oy c'usi tsots albil ta sventa ti c'usi sc'an pasele.

Ester 1:13 Iomraidhean Croise

1 Crónicas 12:32

Li boch'otic liquemic ta Isacare ja' chib ciento viniquetic, lec bijic. Sna'ic c'usi tsc'an jujun c'ac'al, xchi'uc sna'ic c'usi tsc'an ac'o spasic li israeletique, xchi'uc ja' sventainojic scotol li xchi'iltaquique.

1 Crónicas 12:33

Li boch'otic liquemic ta Zabulone ja' lajuneb yoxvinic ta mil (50,000) viniquetic chapalic sventa pleito. Yich'oj ep ta chop yabtejebic; scotol yo'ntonic bat scoltaic li Davide.

Ester 1:12

Li Vastie muc xch'un iq'uel yu'un smalal ta sventa li vucub viniquetique. Ja' yu'un li ajvalile i'ilin, bats'i tsots ilic sc'ac'al yo'nton.

Jeremías 10:7

¿Me oy boch'o mu'yuc ta xi' avu'un, vo'ot li Muc'ul Ajvalilot yu'un scotol jujun banamile? Vo'ot no'ox atuc xi'bilot o. Ta scotol li boch'o bijic xchi'uc li ajvaliletic li' ta banamile mu'yuc boch'o xco'laj jech chac c'u cha'al li vo'ote.

Daniel 2:12

C'alal laj ya'ay jech li ajvalile, bats'i tsots i'ilin. Ta sc'ac'al yo'nton laj yal mantal ti ac'o yich'ic milel scotol li bijil viniquetic te ta Babiloniae.

Daniel 2:2

Jech la stac ta iq'uel li boch'otic sna'ic sq'uelel senyail ta vinajele, li jt'unuletique, xchi'uc li boch'otic xotquinbeic senyail c'usi chc'ot ta pasele xchi'uc scotol li boch'o bijique, yu'un ac'o yalbeic li c'usi laj yil ta xvayeche. Jech ibatic ta stojol li ajvalile.

Daniel 2:27

Itac'ov li Daniele: —Ajvalil, li c'usi chajac' ti mu'yuc boch'o sna'e, mu'yuc boch'o xu' yu'un chac' ana', me junuc boch'o sna' sq'uel senyail ta vinajel c'usitic chc'ot ta pasel, me junuc jt'unul, me junuc li boch'o sna'be senyail c'usi chc'ot ta pasele, mu'yuc boch'o xu' chayalbicot.

Daniel 5:7

Li ajvalile tsots i'avan; laj yic' scotol li bijil viniquetic te ta Babiloniae, xchi'uc li boch'otic chilic c'usitic chc'ot ta pasele, xchi'uc li yantic bijil viniquetique, jech laj yalbe: —Li boch'o xu' yu'un sq'uelel c'usi chal li c'usi ts'ibabil le'e, xchi'uc ti chiyalbun c'usi smelole, ta xich' ac'bel slap yax'elan c'u'il, xchi'uc jlic nats'il pasbil ta c'anal taq'uin, xchi'uc ja' yoxibal ajvalil chc'ot ti bu c'alal jventainoje —xut.

San Mateo 16:3

Ta sobe jech chavalic noxtoc: ‘Ta xtal vo' tana, yu'un tsoj vinajel xchi'uc oy ep ic'al toc’, xachiic. Jlo'lavanejoxuc. Xana'ic sq'uelel sq'uelubil ta vinajel; ¿c'u yu'un mu xana'ic sq'uelel sq'uelubil li c'usi chc'ot ta pasel li' ta orae?

San Mateo 2:1

C'alal ivoc' Jesús te ta lum Belén ta Judea banamile, ja'o ochem ta ajvalilal jun vinic, Herodes sbi. Te ic'otic ta Jerusalén jayibuc bijil viniquetic sna'ic sq'uelel c'analetic liquemic tal ta sloq'ueb c'ac'al.