Ester 1:12 - Bible in Tzotzil de Chenalhó with Deuterocanon

¹² Li Vastie muc xch'un iq'uel yu'un smalal ta sventa li vucub viniquetique. Ja' yu'un li ajvalile i'ilin, bats'i tsots ilic sc'ac'al yo'nton.

Bible in Tzotzil de Chamula

¹² Ti me' ajvalil une mu'yuc laj xch'un iq'uel yu'un ti ajvalil ti tacvan ta iq'uel ta sventa ti viniquetic ti co'ol yo'ntonic xchi'uque. Va'i ti ajvalil une ilin ta j'ech'el, ti sbic' xa sc'ac'al yo'nton xchi'uque.

Ester 1:12 Iomraidhean Croise

Génesis 3:16

Jech laj yalbe ec li antse: —Chaquepajesbot xc'uxul ti c'alal cha'alaje. Ep c'ux chava'ay ti c'alal ta xvoc' avalabe, pero chcuch avu'un, yu'un ja' lec chava'ay ti chachi'in amalale, jech ja' ta spasot o ta mantal —xut.

Ester 1:11

Laj yalbe ti ac'o bat yiq'uic tal li Vasti, ja' li yajnil ajvalile; ac'o taluc lec xchi'uc scoronail sjol, yu'un tsc'an chac'be sq'uel yantic lumetic xchi'uc banquilaletic ti toj c'upil sba li yajnile.

Ester 1:13

Te lic sjac'be c'usi tspas li bijil viniquetic ti sna'ic sq'uelel senyail ta vinajele. Yu'un li ajvalile jech ono'ox nopen xa'ay tsjac'be c'usi lec tspas li boch'otic xotquinic li mantaletic yu'un slumalique, xchi'uc ti sna'ic c'usi tsc'an pasele.

Ester 7:7

Ta ora iva'i li ajvalile, bats'i tsots ch-ilin ta jyalel; te ibat ta ts'unubaltic te ta spasubmantal. Yan li Amane te icom sc'anbe vocol Ester ti mu me x'ac'at ta milele, yu'un laj yil ti xu' ch-ac'at o ta milel yu'un li ajvalile.

Salmos 74:1

Dios cu'un, ¿c'u yu'un ti j'ech'el laj abajuncutic oe? ¿C'u yu'un ti ilic sc'ac'al avo'nton ta stojol li achijtac ti te oyic ta sve'ub avu'une?

Salmos 79:5

Muc'ul Dios, ¿baq'uin to chacoltauncutic? ¿Me yu'un j'ech'el la'ilin o ta jtojolcutic? ¿Me solel tsanem o jech chac c'u cha'al c'oc' li sc'ac'al avo'ntone?

Éxodo 32:19

C'alal inopaj batel ta carpanaetic li Moisese, ja' to laj yil ti te oy sloc'obal li ch'ium tot vacaxe, xchi'uc laj yil ti ch-ac'otajique. Bats'i tsots i'ilin; la sjip ta banamil li cha'pech tone. Biq'uitic la slilin comel te ta yoc vits.

Éxodo 32:22

Itac'ov li Aarone: —Quits'in, mu xa'ilin ta jtojol. Li jchi'iltactique xana' ono'ox ti ja' tsc'an tspasic li c'usitic chopole.

Proverbios 19:12

C'alal ch-ilin li ajvalile, ja' jech chac c'u cha'al jcot león ti xlaquet no'oxe; yan li slequil yo'ntone ja' jech chac c'u cha'al job ac'ubal chyal ta vomoletic.

Proverbios 20:2

C'alal ch-ilin li ajvalile ja' jech chac c'u cha'al jcot ch'ium león ti xlaquet no'oxe; li boch'o tsa'be sc'ac'al yo'ntone ja' chac' sba ta vocol stuc.

Daniel 2:12

C'alal laj ya'ay jech li ajvalile, bats'i tsots i'ilin. Ta sc'ac'al yo'nton laj yal mantal ti ac'o yich'ic milel scotol li bijil viniquetic te ta Babiloniae.

Daniel 3:13

C'alal laj ya'ay li Nabucodonosore, tsots i'ilin. Ta sc'ac'al yo'nton laj yal ti ac'o yiq'uic tal li Sadrac, Mesac, xchi'uc Abed-negoe. Jech ta ora laj yiq'uic tal li oxib viniquetique.

Daniel 3:19

Li Nabucodonosore solel ichacpochtaj ta il ta stojol li Sadrac, Mesac, xchi'uc Abed-negoe, jech lic yal mantal ti vucub velta ven c'oc' ac'o spasic jech chac c'u cha'al tspasic ono'oxe.

Nahúm 1:6

¿Me oy boch'o xcuch yu'un c'alal me i'iline? ¿Me oy boch'o lec va'al chcom c'alal me itsan sc'ac'al yo'ntone? Li sc'ac'al yo'ntone ta spuc sba batel jech chac c'u cha'al c'oc', jech ta x'unijan scotol li ch'entique.

Efesios 5:22

Li antsetique ac'o yich' ta muc' smalalic jech chac c'u cha'al chich'ic ta muc' li Cajvaltique.

Efesios 5:24

Jech chac c'u cha'al chquich'tic ta muc' Cristo, vu'utic li steclumalutique, ja' jech ac'o yich' ta muc' smalal li antsetique, ac'o spasic scotol li c'usi oy ta sventaique.

Deuteronomio 29:20

Li Muc'ul Diose mu'yuc snopoj tspasbe o perdón. Chlic yac'be xcuch scotol li vocole xchi'uc li stojol mulile. Ja' chc'ot ta sba scotol li stojol mulil li' chal ta vune. J'ech'el tstu'pbe o sts'unubal ta banamil.

1 Pedro 3:1

Jech ec li vo'oxuque antsetic, ich'ic me ta muc' li amalalique. Yu'un me oy mu'yuc xch'unojic sc'op Dios li amalalique, c'alal chilic ti lecubenoxuque, xu' ta xlic xch'un ta aventaic. Mu persauc chavalbeic,