Ester 1:1 - Bible in Tzotzil de Chenalhó with Deuterocanon

¹ Li'i ja' jech ic'ot ta pasel c'alal ja'o ochem ta ajvalilal li Asueroe; ja' sventainoj vucub svucvinic (127) muc'tic lum xlic ta India c'alal to ta Etiopía.

Bible in Tzotzil de Chamula

¹ Ti lo'il a'yej li'e, c'ot ta pasel c'alal tiq'uil ta yabtel ti Asueroe, ti ja' ajvalil yu'unic ti vucub yucvinic (127) ta chop bic'tal lumetique, ti lic ech'el ta slumal Indiae, ti c'ot c'alal to Etiopiae.

Ester 1:1 Iomraidhean Croise

Esdras 4:6

Jech noxtoc c'alal ja' to no'ox i'och ta ajvalilal li Asueroe, la stic'beic batel smul ta stojol ajvalil li Judá xchi'uc Jerusalene.

Ester 10:1

Li ajvalil Asueroe lic sc'anbe spatan scotol li jujusep banamiletic c'alal to ta ti'ti' nabe.

Ester 2:3

Li ajvalile ac'o sva'an viniquetic ta jujun lum, yu'un ja' ac'o tal yaq'uic li tsebetic te ta snail antsetic yu'un ajvalil ta lum Susae. Ja' ac'o xchabi li Hegai, ja' li jchabi antsetic yu'un ajvalile, xchi'uc ja' ac'o sc'ac'ubtas lec.

Ester 8:9

Ta yoxibal xcha'vinic (23) c'ac'al yochel li yoxibal u Sivane, lic staquic ta iq'uel li jts'ibajometic yu'un muc'ta ajvalile. Ja' jech la sts'ibaic scotol jech chac c'u cha'al laj yal li Mardoqueoe. Ja' laj yich'ic ts'ibabel batel li judaetique, li ajvaliletique xchi'uc li banquilaletic ti xlic ta India c'alal to ta Etiopía banamile; ja' vucub svucvinic (127) muc'tic lumetic ta scotol. Ta sc'op stuquic xchi'uc ta sts'ib stuquic laj yich'ic ts'ibabel batel ta jujun banamil xchi'uc ta jujun lum. Jech ec li judaetique ta sc'op stuquic xchi'uc ta sts'ib stuquic laj yich'ic ts'ibabel batel.

Ester 9:30

Jech la stacbeic batel li judaetic te nacajtic batel ta scotol li vucub svucvinic (127) muc'tic lumetic sventainoj ajvalil Asueroe. Lec ta c'unil c'opetic la sts'ibaic batel; lec la spatbeic batel yo'ntonic.

Isaías 18:1

Toj abul sba li jun banamil ti tsots xjanet xiq'ue, ja' li banamil ti te oy ta sjelovel uc'umetic ta Etiopiae,

Isaías 37:9

Li ajvalil ta Asiriae laj ya'ay ti chtal tsacatuc ta pleito yu'un li Tirhaca ajvalil ta Etiopiae, jech la stac batel yaj'abteltac yan velta ta stojol li ajvalil Ezequiase. Jech laj yalbe batel ta carta:

Daniel 11:2

‘Li' ta orae ta xcac'bot ana' li c'usi melele: Oy oxib ajvaliletic ta xlic spasic mantal ta Persia. Ts'acal chlic yan xchanibal ajvalil, ja' no'ox stuc toj jc'ulej ta scotol li oxibique. C'alal me laj yich' lec stsatsal ta sventa li sc'ulejale, ta xlic stic' sba batel ta scotol ti c'u smuc'ul sventainoj li Greciae.

Daniel 6:1

Li ajvalil Darioe toj lec laj ya'ay ti tst'uj vacvinic (120) jpasmantaletique, yu'un ja' ac'o sventainic ta jujuvoc' ti c'u smuc'ul sventainoje.

Daniel 9:1

“C'alal sba jabil yochel ta ajvalilal ta stojol caldeaetic li Darío, xnich'on Asuero liquem ta Mediae,