Esdras 9:3 - Bible in Tzotzil de Chenalhó with Deuterocanon

³ C'alal laj ca'ye, la jli' jc'u'; la jbul stsotsil jol xchi'uc quisim, yu'un toj vocol laj ca'ay. Jech te lichoti; ep laj cat co'nton.

Bible in Tzotzil de Chamula

³ C'alal laj ca'i ti va'i s'elan ti c'ope, lic jch'i' ta jatel ti jc'u'e. Laj jots ta bulel ti stsotsil jole, ti quisime, svinajeb ti mu x'ech' ti yipal xc'uxul laj ca'i yu'une. Juteb xa tsacal com ti co'nton yu'un ti laj jchotan jbae.

Esdras 9:3 Iomraidhean Croise

2 Samuel 1:11

Li David xchi'uc xchi'iltaque la sli' sc'u'ic; yu'un toj ep laj yat yo'ntonic.

2 Reyes 18:37

Ja' yu'un li Eliaquim, xnich'on Hilquías, ja' li jchabina yu'un ajvalile, xchi'uc li Sebna, ja' li boch'o tstsac ta vun c'usitic chc'ot ta pasele, xchi'uc li Joa, ja' li jts'ibajom yu'un ajvalile, la sli' sc'u'ic yu'un toj vocol laj ya'yic. Ibatic ta stojol li Ezequiase, bat yalbeic scotol c'usitic laj yal li Rabsacese.

Nehemías 1:4

C'alal laj ca'ye, lichoti, lic coc'ta jba. Oy jayibuc c'ac'al la cat co'nton ta sventa; laj quicta ixim, la jc'opan li Dios te oy ta vinajele.

Nehemías 13:25

Laj calbe ti te tstoj stuquic li c'usi tspasique. Oy jayibuc la jmajic, la jnitbe ta sjolic. Te la jsujic ti ac'o yalic ta jamal ta stojol Dios ti mu xa me xic'be sba squerem stsebic xchi'uc li yanlumetique, xchi'uc mu me xiq'uic yanlum ants ec li stuquique. Jech to laj calbeic:

Job 1:20

Li Jobe iva'i, la sli' sc'u', yu'un toj abul sba laj ya'ay. La xjux loq'uel stsotsil sjol; la squejan sba sventa chich' ta muc' Dios,

Salmos 119:53

Tsots chi'ilin ta scojic li boch'otic chopol yo'ntonique, ja' li boch'otic la scomtsanic xch'unel amantaltaque.

Salmos 143:4

Chilaj xa ta at-o'nton chca'ay; xlaj xtu'p xa li co'ntone.

Salmos 66:3

Jech xavalbeic li Diose: “Toj ech'em yutsil li avabtele. Ta sventa amuc'ul atsatsal ta xyalic ta lum ta atojol li avajcontrataque.

Isaías 15:2

Li jnaclumetic ta Dibone chmuyic ta toyol ta sna sdiosic, chbat oq'uicuc; li moabetique choc'taic li Nebo xchi'uc Medebae, yu'un i'ulesatic xa, yu'un scotolic juxbil sjolic xchi'uc yisimic.

Jeremías 36:24

Li ajvalil xchi'uc li j'abteletic yu'une mu'yuc bu ixi'ic, mu'yuc bu la sli' sc'u'ic, mu'yuc bu laj yat yo'ntonic c'alal laj ya'yic c'usi chal li balbil vune.

Jeremías 7:29

¡Jerusalén, seto loq'uel li stsotsil ajole, jipo batel! ¡Bat oc'tao aba ta toyol vitsetic, yu'un li Muc'ul Diose laj xa sbaj, laj xa sjip li jnaclumetic avu'une; ilinem xa o ta stojolic!

Ezequiel 3:15

Te lic'ot ta Tel-abib ta ti' uc'um Quebar yo' bu nacajtic li jchi'iltac ta israelal ti chucbilic batele. Vucub c'ac'al te jchi'inojic. Ch'ayem co'nton laj ca'ay; mu jna' c'usi ta jpas; mu jna' c'usi ta xcalbeic.

Ezequiel 7:18

Ta xlic slapic c'u'il sventa vocol ti c'ux ta lapele. Ta xlic niquicuc ta tsots xi'el. Ta xchacpochtajic o ta q'uexlal, chich'ic juxbel scotol li stsotsil sjolique.

Daniel 4:19

“Li Daniele, ja' li Beltsasar yan sbie, toj ch'ayel ic'ot yo'nton ti c'alal laj ya'ye; jliquel te ch'ayem yo'nton, yu'un ixi' ta jyalel. Vu'un li ajvalilune jech laj calbe: ‘Beltsasar, mu me toj ch'ayeluc xc'ot avo'nton yu'un li jvayeche xchi'uc li c'usi smelole’, xcut. Itac'ov li Beltsasare: ‘¡Ay ajvalil, ja' ac'o c'otuc ta stojol avajcontra scotol ti c'u x'elan smelol li avayeche!

Daniel 8:27

“Vu'un li Danielune, toj alubenun licom o; oy jayibuc c'ac'al jchamelun licom yu'un. C'alal litsatsube, te lic jpas yan velta li cabtel ta stojol ajvalile. Pero te ono'ox chixi' o yu'un li c'usi li'ac'bat quile, yu'un mu xca'ibe o lec smelol.

Levítico 21:5

“Mu me xjux sjolic; mu me setbe sni'ni' yisimic, xchi'uc mu me bu xyayij sbec'talic.

Miqueas 1:16

Sión, juxo loq'uel stsotsil ajol ta scoj li avalab anich'nab ti lec ac'anoje. Paso aba ta t'abjol jech chac c'u cha'al sjol xulem, yu'un ta xich'ic chuquel batel ta yan banamil li jnaclumetic avu'une”, xi li Diose.

Josué 7:6

Li Josué xchi'uc li banquilaletic yu'un israeletique la sli' sc'u'ic; laj yac' pucuc ta sjolic. Bat spatan sbaic ta stuq'uil xcaxail smantal Muc'ul Dios; te patalic o c'alal to ich'ay c'ac'al.