Esdras 8:1 - Bible in Tzotzil de Chenalhó with Deuterocanon

¹ Li'i ja' sbiic li banquilaletic ta jujuchop sbiic ti co'ol iloq'uic batel ta Babilonia xchi'uc li Esdras c'alal ochem ta ajvalilal li Artajerjese, xchi'uc li' oy sbiic li smoltotic ta vo'onee:

Bible in Tzotzil de Chamula

¹ Ti li'e, xi s'elan xcholet sbiic ma' ti banquilaletic yu'un jujuchop ti och ta vun ta jujun ti loq'uic talel ta Babilonia xchi'uc ti Esdras c'alal yorail tiq'uil ta ajvalilal ti Artajerjese:

Esdras 8:1 Iomraidhean Croise

1 Crónicas 24:31

La spasic canal tajimol ec jech chac c'u cha'al la spasic li yan yuts' yalalique, ja' li smomnich'nab Aarone. Te la spasic ta stojol ajvalil David, Sadoc, Ahimelec, xchi'uc ta stojol banquilaletic ta jujuchop sbiic li paleetic xchi'uc levietique.

1 Crónicas 26:32

xchi'uc yuts' yalaltac ti lec tsots yo'ntonique. Ja' oy cha'mil xchi'uc vucub ciento (2,700) li banquilaletic ta jujuchop sbiique. Ja' it'ujatic yu'un ajvalil David yu'un ac'o sventainic li xchi'iltaquic liquemic ta Rubén, ta Gad, xchi'uc li o'lol jchop liquemic ta Manasese. Ja' la sventainic scotol li c'usitic tsc'an pasel ta stojol Dios xchi'uc ta stojol ajvalile.

1 Crónicas 4:33

Xchi'uc ja' yu'unic noxtoc li tsobtsobnaetic ti te nopajtic ta lumetic c'alal to ta Baalate. Le'e ja' slumalic icom o li smomnich'nab Simeone.

1 Crónicas 9:1

Ja' jech tsacajtic sbiic icomic ta svun ajvaliletic yu'unic scotol li israeletique. Pero li smomnich'nabtac Judae chucbil ibatic ta Babilonia ta scoj la ti stoy sbaic ta stojol Diose.

1 Crónicas 9:34

Le'e ja' banquilaletic ta jujuchop yuts' yalalic ti ja' yalab xnich'nab levietique. Ja' te inaquiic ta Jerusalén.

2 Crónicas 26:12

Scotol li banquilaletic ti lec ta xchapalchapal oyic sventa pleito ti lec tsots yo'ntonique ja' cha'mil xchi'uc vaquib ciento (2,600) ta scotolic.

Esdras 1:5

Jech iliquic li banquilaletic ta jujuchop sbiic Judá xchi'uc Benjamine, xchi'uc li paleetique, li levietique, ja' li boch'otic itijbat yo'ntonic yu'un Diose. Lic xchapan sbaic sventa tsutic ta Jerusalén, yu'un chbat spasic li ch'ulna yu'un Muc'ul Diose.

Esdras 2:2

Ja' ventainbilic batel yu'un li Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, xchi'uc Baanae.

Esdras 2:3

Li smomnich'nab Parose ja' cha'mil xchi'uc lajchab sbalunvinic (2,172) ta scotol.

Esdras 2:62

La st'unic me te tsacal sbi ta svunal li smoltotaquique, pero mu'yuc la staic, jech muc xa x'ochic o ta paleal.

Esdras 7:13

“Laj xa cal mantal ti xu' tsut achi'in ta Jerusalén scotol li israeletic ti bu c'alal jventainoje, ti me jech tsc'anique. Boch'ouc no'ox xu' tsutic, me paleetic, o me levietic.

Esdras 7:28

Xchi'uc laj avac'bun quil slequil avo'nton ta stojol li ajvalile, xchi'uc li vucub xchi'iltac te chcoltaat yu'une, xchi'uc li banquilaletic ti tsots yabtelic te ta stojol li ajvalile. Vo'ot ta aventa ti la stsatsubtasbun lec co'ntone, jech xu' xa cu'un ta jtsob scotol li banquilaletic yu'un jchi'iltaque, yu'un jech xu' chisutcutic batel jchi'uc ta Jerusalén”, xi.

Esdras 7:6

Li Esdrase ja' jun jchanubtasvanej, lec xchanojbe li smantaltac Muc'ul Dios yu'un Israel ti laj yal ta sventa li Moisese. Lec coltabil yu'un li Muc'ul Diose, jech i'ac'bat scotol c'usitic la sc'anbe li ajvalile. Jech iloc' tal ta Babilonia,

Esdras 7:7

isutic ta Jerusalén xchi'uc jayibuc xchi'iltac. Oy paleetic, levietic, jq'uejimoletic, jchabi ti'naetic, xchi'uc boch'otic chtunic ta ch'ulna. Ja' ta svucubal jabil yochel ta ajvalilal li Artajerjese.

Esdras 8:2

Gersón smomnich'on Finees; Daniel smomnich'on Itamar; Hatús xnich'on Secanías smomnich'on David; Zacarías xchi'uc lajuneb xvaxacvinic (150) viniquetic jmoj tsacajtic sbiic, ja' smomnich'nabtac Paros;