Esdras 5:8 - Bible in Tzotzil de Chenalhó with Deuterocanon

⁸ Li' ta xcalcutic tal ava'ay ti li'aycutic ta yosilal Judá xchi'uc ta xch'ulna Muc'ul Diose. Li ch'ulnae yochelic spasel ta muc'tiquil anbil tonetic, xchi'uc laj xa scajanbeic sts'amte'altac. Solel yac'ojbeic yipal; anil no'ox chbat yu'unic li abtele.

Bible in Tzotzil de Chamula

⁸ Ta jchapcutic ava'i ti c'u s'elan li'aycutic talel ta xanobal ta yosilal ti Judae. Ti ch'ulna yu'un ti muc'ul Diose, laj quilcutic ti jutuc xa sc'an stsutse, ti naca ta anbil muc'tiquil ton yich'oj va'anele. Avie, yacal xa ta xcha'lamtaic ta tenel-te' ti spac'baliltaque. Ochem yipal yu'unic ti abtele, ti jliquel no'ox ta stsuts batel yu'unique.

Esdras 5:8 Iomraidhean Croise

Esdras 2:1

Ja' jech yepal li israeletic isutic ta Jerusalén ta yosil stuquic te ta Judá ti c'alal chucbil ibatic ta Babilonia yu'un ajvalil Nabucodonosore.

Esdras 5:9

Jech la jac'becutic li banquilaletic yu'unique: ‘¿Boch'o laj yal mantal ti chacha'pasic li ch'ulna li'i, ti chava'anic xa muyel li spac'benale?’, xcutcutic.

Esdras 6:10

Yu'un jech ac'o xchic'beic smotonin li Dios ta vinajele, xchi'uc ac'o sc'anic vocol ta jtojol ec xchi'uc li calab jnich'nabe.

Esdras 6:4

Ac'o yich' aq'uel oxcoj muc'tic anbil tonetic, xchi'uc jcoj ach' tenalte'etic. Ti c'u yepal taq'uin chlaje ja' tstoj li ajvalil li'i.

Esdras 7:23

“Scotol li c'usitic tsc'an Dios ta vinajel ta sventa li ch'ulna yu'une, ac'o yich' aq'uel ta ora, yu'un jech mu x'ilin Dios ta jtojol, xchi'uc ta stojol jnich'nab xchi'uc ti c'u smuc'ul jventainoje.

Nehemías 11:3

Li banquilaletic cu'uncutique te inaquiic o ta Jerusalén. Li yan jchi'iltactic ta israelale, li paleetique, li levietique, li j'abteletic ta ch'ulnae, xchi'uc li smomnich'nabtac j'abteletic yu'un Salomón ta vo'onee, te inaquiic ta lumetic ta yosilal Judá ti bu ono'ox yosil stuquique.

Nehemías 7:6

“Ja' jech yepal li israeletic ti liquemic ono'ox batel ta Judá c'alal isutic tale, te vul naquiicuc ta Jerusalén xchi'uc ta yosilalic ta Judá. Ja' ventainbilic tal yu'un li Zorobabel, Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum, xchi'uc Baanae. Ja' jech yepalic ta jujuchop sbiic:

Ester 1:1

Li'i ja' jech ic'ot ta pasel c'alal ja'o ochem ta ajvalilal li Asueroe; ja' sventainoj vucub svucvinic (127) muc'tic lum xlic ta India c'alal to ta Etiopía.

Ester 1:22

Lic spuquic batel cartaetic ta jujun muc'tic lum ti bu c'alal sventainoje. Ta sc'op stuquic xchi'uc ta sts'ib stuquic la sts'ibabeic batel. Laj yalbeic batel ti ja' ac'o spasic o mantal te ta snaic li viniquetique, xchi'uc ti ac'o spuquic te ta jujun slumalic ta sc'op stuquic li mantal le'e.

Salmos 145:3

Toj ech'em amuc'ul vo'ot li Muc'ul Diosote, vo'ot no'ox tsc'an chaquich'otcutic o ta muc'; mu'yuc boch'o sna' yalel c'u x'elan li amuc'ule.

Daniel 2:47

Jech laj yalbe li Daniele: —Ta melel, li Dios avu'une ja' Dios yu'un li yantic diosetique, ja' Ajvalil yu'un li muc'tic ajvaliletique; ja' chac' ta ilel li c'usi mu'yuc boch'o sna'e, jech ivu' avu'un laj avinajes li c'usi mu xvinaje —xut.

Daniel 3:26

Li Nabucodonosore inopaj batel ta sti' li horno ti xpulpun sc'ac'ale; tsots ic'opoj batel: —Sadrac, Mesac, Abed-nego, vo'oxuc li yajtuneloxuc Dios ta toyole, loc'anic tal, la'ic li'i —xi. Jech iloq'uic tal ta yut c'oc' li oxib viniquetique.

Daniel 4:2

Ta jc'an chana'ic ti toj tsotsic, toj labalic sba sq'uelubiltac stsatsal la spas ta jtojol li Dios te oy ta vinajele.

Daniel 6:26

Vu'un ta xcal tal jtuc li mantal li'i: Ta scotol ti c'u smuc'ul jventainoje, ac'o yich'ic ta muc', ac'o xi'icuc yu'un li Dios yu'un Daniele. “Yu'un li stuque ja' cuxul Dios; te oy o ta sbatel osil. Li yabtel tspas mantale mu xu' chich' tuch'bel o; mu'yuc slajeb o tspas mantal.

Deuteronomio 10:17

Yu'un li Muc'ul Dios cu'untique ja' Dios yu'un scotol li yan diosetique, xchi'uc ja' Ajvalil yu'un scotol li ajvaliletique. Ja' no'ox stuc sventainoj scotol, ech'em tsatsal. Ja' no'ox stuc xi'bil. Muc t'ujbiluc no'ox tspas li boch'o chc'uxubine. Muc ta taq'uinuc chac' li c'uxubinele.

Deuteronomio 32:31

“Li cajcontratique lec sna'ic ti mu xco'laj xchi'uc Jchabivanej cu'untic li jchabivanej yu'unique.