Esdras 5:6 - Bible in Tzotzil de Chenalhó with Deuterocanon

^6-7 Ja' jech chal li carta ti la stacbeic batel muc'ta ajvalil Darío li ajvalil Tatnai ta smaleb c'ac'al yu'un uc'um Eufratese, xchi'uc li Setar-boznai xchi'uc xchi'iltaquique: “Ajvalil Darío, lec me te tsotsote.

Bible in Tzotzil de Chamula

⁶ Ti li'e, ja' sloc'ol ti vun laj smeltsan ti Tatnai ajvalil yu'un yosilal ti uc'um Eufrates ti oy ta yelov smaleb c'ac'ale, xchi'uc ti Setar-boznaie, xchi'uc ti xchi'iltac ta abtele, xchi'uc ti yaj'opisialtac ajvalil ti oyic ta yelov smaleb c'ac'al yu'un ti Eufratese, ti laj staquic batel ta stojol ti ajvalil Daríoe.

Esdras 5:6 Iomraidhean Croise

Esdras 4:11

Ja' jech chal li carta la staquic batel ta stojol Artajerjese: “Ajvalil Artajerjes, vu'uncutic li j'abteluncutic avu'une, li' chajc'opanotcutic tal ta jot uc'um Eufratese:

Esdras 4:23

C'alal laj yich'ic aptabel scarta ajvalil Artajerjes li Rehum, li Simsai, xchi'uc li xchi'iltaquique ta ora no'ox ibatic ta Jerusalén. Ta c'op xa c'ot spajesic ta abtel li judaetique.

Esdras 4:9

Jech la staquic batel carta li Rehum ja' li banquilal soldadoe, li Simsai ja' li jts'ibajome, xchi'uc li yantic xchi'iltaquique, ja' li jchapanvanejetic, jpasmantaletic, xchi'uc li j'abteletic ta Persia, ta Erec, ta Babilonia, xchi'uc ta Susae, ja' li elametique.

Esdras 5:3

Li Tatnai, ajvalil ta jun banamil ta smaleb c'ac'al yu'un uc'um Eufratese, xchi'uc li Setar-boznai xchi'uc xchi'iltaque, jech bat yalbeic li judaetique: “¿Boch'o laj yalboxuc mantal ti chlic ajapuic xcha'pasel li ch'ulna li'i, ti chava'anic xa muyel li spac'benale? ¿C'usi sbiic li boch'otic ch-abtejic li'i?”, xutic.

Esdras 6:6

Ja' yu'un li muc'ta ajvalil Darioe jech laj yalbe batel mantal li Tatnai ajvalil ta jun banamil ta smaleb c'ac'al yu'un uc'um Eufratese, xchi'uc li Setar-boznai xchi'uc xchi'iltaque: “Loc'anic batel ta Jerusalén.

Esdras 8:36

Ts'acal bat yalbeic noxtoc c'usi yaloj batel ajvalil li j'abteletic, li jpasmantaletic te ta smaleb c'ac'al yu'un uc'um Eufratese. Jech lic yich'ic coltael li israeletique, xchi'uc laj yich'ic coltael ta sventa li ch'ulna yu'un Diose.