Esdras 5:5 - Bible in Tzotzil de Chenalhó with Deuterocanon

⁵ Pero li banquilaletic ta Judae icoltaatic yu'un Dios, jech mu'yuc c'usi laj yutic la spajesic ta abtel, ja' to ti c'alal la staquic batel carta ta stojol ajvalil Darioe xchi'uc ti c'alal itac'batic sutel tale.

Bible in Tzotzil de Chamula

⁵ Manchuc mi jech un, ta sventa ti chabibilic yu'un Dios ti jventainej abtel judioetique, mu'yuc xquechi comel abtel yu'unique, ja' ti mu to ya'yiojicuc c'usi ta xtac'batic yu'un ti Daríoe mi laj xchapbeic lec ya'i xchi'uque.

Esdras 5:5 Iomraidhean Croise

2 Crónicas 16:9

Yu'un li Muc'ul Diose ja' sq'ueloj scotol li banamile, jech xu' chac' ta ilel svu'el ta stojol li boch'o scotol yo'ntonic tsc'anic coltael yu'une. Ta scoj abolil ti jech laj apase, ja' yu'un li' ta ora xchi'uc le' to batele chlic ep pleito ta atojol”, xut.

Esdras 7:28

Xchi'uc laj avac'bun quil slequil avo'nton ta stojol li ajvalile, xchi'uc li vucub xchi'iltac te chcoltaat yu'une, xchi'uc li banquilaletic ti tsots yabtelic te ta stojol li ajvalile. Vo'ot ta aventa ti la stsatsubtasbun lec co'ntone, jech xu' xa cu'un ta jtsob scotol li banquilaletic yu'un jchi'iltaque, yu'un jech xu' chisutcutic batel jchi'uc ta Jerusalén”, xi.

Esdras 7:6

Li Esdrase ja' jun jchanubtasvanej, lec xchanojbe li smantaltac Muc'ul Dios yu'un Israel ti laj yal ta sventa li Moisese. Lec coltabil yu'un li Muc'ul Diose, jech i'ac'bat scotol c'usitic la sc'anbe li ajvalile. Jech iloc' tal ta Babilonia,

Esdras 8:22

Yu'un chiq'uexov ta stojol ajvalil me ta jc'anbe yajsoldadotac sventa ac'o scoltauncutic me oy bu la jta cajcontracutic ta bee. Yu'un jech ono'ox calojbe li ajvalile: “Li boch'otic ta sa'ic Diose, ta xcoltaatic yu'un. Yan li boch'otic ta scomtsanic yich'el ta muq'ue, tsots ta x'ilintaatic”, xcut ono'ox.

Salmos 32:8

Li Muc'ul Diose jech chal: “Vu'un ta jbijubtasot; vu'un ta jchanubtasot lec. Ta xcac'bot lec avil bu beal tsc'an chabat; scotol c'ac'al te oy o jsat ta atojol.

Salmos 33:18

Yan li Muc'ul Diose xu' yu'un tscolta li boch'otic yich'ojic ta muq'ue, ti ja' no'ox spatoj yo'ntonic o ta sventa ti c'anbilic yu'une.

Salmos 34:15

Li Muc'ul Diose ja' te oy o sat ta stojol li boch'o tuc' yo'ntonique; lec tstuc'ulanbe sc'op ti c'alal chc'opanate.

Salmos 76:10

Li sc'ac'al yo'nton avajcontrae ja' chc'ataj ta avich'el ta muc'; li juteb no'ox sc'ac'al yo'ntonique ja' chc'ataj ta acorona.

Filipenses 1:28

xchi'uc ti mu xaxi'ic yu'un li boch'otic chascontrainoxuque. Yu'un jech ac'o yilic ti ch'ayel chbat li stuquique, xchi'uc ti chacolic li vo'oxuque. Le'e ja' Dios tspas scotol.

1 Pedro 3:12

Yu'un li Cajvaltique ja' te oy sat ta stojol li boch'o tuc' c'usi tspasique; lec stuc'ulanbe sc'op ti c'alal chc'opanate. Yan li boch'o chopol c'usi tspasique ja' chopol ch-ilatic yu'un li Cajvaltique”, xi ts'ibabil.