Esdras 5:2 - Bible in Tzotzil de Chenalhó with Deuterocanon

² Ja' yu'un li Zorobabel xnich'on Salatiele xchi'uc li Jesúa xnich'on Josadaque lic xcha'ts'aquic spasel li ch'ulna yu'un Dios ta Jerusalene. Li chib yaj'alc'op Diose te icoltavanic ta abtel ec.

Bible in Tzotzil de Chamula

² Va'i un, ti Zorobabel xnich'on ti Salatiele, xchi'uc ti Josué xnich'on ti Josadaque, liquic ta abtel ta xcha'meltsanel ti xch'ulna Dios ta Jerusalene. Oy ta stojolic ti yaj'alc'optac Dios yo' ta xcoltavanique.

Esdras 5:2 Iomraidhean Croise

Esdras 1:8

Li ajvalil Ciro ta Persiae ja' laj yac'be yat loq'uel li Mitrídates jchabitaq'uin yu'une. Ja' laj yac'be ta sc'ob li Sesbasar, ajvalil ta Judae.

Esdras 10:18

Li paleetic ti yic'ojic yanlum antsetic la staique ja' liquemic: Ta smomnich'nabtac Josué xnich'on Josadac xchi'uc yuts' yalaltaquic Maasías, Eliezer, Jarib, xchi'uc Gedalías.

Esdras 3:2

Li pale Jesúa xnich'on Josadac, xchi'uc li xchi'iltac ta paleale, xchi'uc li Zorobabel xnich'on Salatiel, xchi'uc yan xchi'iltaque, lic spasic li scajleb smoton Dios sventa te chchiq'uic matanal jech chac c'u cha'al chal li mantaletic laj yal comel Moisese, ja' li yajtunel Diose.

Esdras 3:8

C'alal xchibal xa'ox u stsacoj chib jabil sutelic batel ta Jerusalene, ja'o la sliquesic spasel xch'ulna Muc'ul Dios li Zorobabel xnich'on Salatiele, xchi'uc li Jesúa xnich'on Josadaque, xchi'uc li xchi'iltac ta paleale, xchi'uc li levietique, xchi'uc li yantic xchi'iltaquic ti co'ol isutic tal ta Babiloniae. Ja' laj yac'beic sventain abtel li levietic ti jeloven xa ta jtob (20) sjabilalique.

Esdras 6:14

Ja' yu'un li banquilaletic yu'un judaetique la sts'aquic batel yan velta xcha'pasel li abtel jech chac c'u cha'al laj yal li j'alc'op Hageo xchi'uc Zacarías xnich'on Idoe. Jech ivu' yu'unic spasel, yu'un jech la sc'an stuc li Dios yu'un Israele, xchi'uc jech laj yal mantal li ajvalil Ciro, li Darío, xchi'uc li Artajerjes ajvaliletic ta Persiae.

Hageo 2:18

‘Li' ta orae nopo lec ava'yic c'u x'elan li avo'ntonique. Li c'ac'al li'i ja' chanib xcha'vinic c'ac'al (24) yochel li sbalunebal ue, laj xa aliquesic yac'bel snacleb li ch'ulna cu'une.

Zacarías 4:14

Jech laj yalbun: “Le'e ja' smelol li boch'o voc'bilic yu'un li Boch'o sventainoj sbejel banamile”, xiyutun.

Zacarías 4:4

Jech la jac'be noxtoc li j'almantal te ta jchi'in ta lo'ile: “Cajval cu'un, ¿c'usi smelol le'e?”, xcut.

Zacarías 6:11

Ich'o li saquil taq'uin xchi'uc li c'anal taq'uin chaq'uique. Paso ta corona; xojbo ta sjol li banquilal pale Josué xnich'on Josadaque.

Zacarías 8:9

Jech chal noxtoc li Muc'ul Dios ti tspas ta mantal scotol te ta vinajele: “Oyuc me stsatsal avo'ntonic vo'oxuc ti laj ava'yic c'usi laj yalic li j'alc'opetic c'alal lic yich' liquesbel snacleb sventa chich' cha'va'anel jch'ulna, vu'un li Muc'ul Diosun ti ta jpas ta mantal scotol te ta vinajele.

2 Corintios 1:24

Mu yu'unuc ta jc'an vu'un yajvalun xch'unojel avo'ntonic chic'ot. Ja' no'ox ta jc'an ta jcoltaoxuc, yu'un jech xcuxet no'ox avo'ntonic. Yan li xch'unojel avo'ntonic ta stojol Cajvaltique jna'oj ti staoj yav ach'unojic oe.