Esdras 4:8 - Bible in Tzotzil de Chenalhó with Deuterocanon

⁸ Li Rehum ja' li banquilal soldadoe, xchi'uc li Simsai ja' li jts'ibajome, ja' la sts'ibabeic batel carta li Artajerjese yu'un tstic'beic smul li jnaclumetic ta Jerusalene.

Bible in Tzotzil de Chamula

⁸ Ti banquilal jpas-mantal soldado Rehume, xchi'uc ti jts'ibajom Simsaie, laj sts'ibaic batel jlic vun ta stojol ti ajvalil Artajerjes ta sventa scontrainel ti yajval lum Jerusalene.

Esdras 4:8 Iomraidhean Croise

2 Samuel 20:25

Li Sevae ja' la sts'iba li c'usitic chc'ot ta pasele. Li Sadoc xchi'uc Abiatare ja' paleetic.

2 Samuel 8:17

Li Sadoc xnich'on Ahitob, xchi'uc Ahimelec xnich'on Abiatare ja' paleetic. Li Seraiase ja' jts'ibajom.

2 Reyes 18:18

Te lic staquic ta iq'uel li ajvalile. Te iloq'uic batel li Eliaquim, xnich'on Hilquías, ja' li jchabina yu'un ajvalile, xchi'uc li Sebna ti ja' tstsac ta vun c'usitic chc'ot ta pasele, xchi'uc li Joa, xnich'on Asaf, ja' li jts'ibajom yu'un ajvalile.

Esdras 4:17

Li ajvalil Artajerjese jech la stac' sutel: “Banquilal soldado Rehum, Simsai jts'ibajom, xchi'uc li achi'iltaquic ti te nacaloxuc ta Samariae, xchi'uc vo'oxuc ti te nacaloxuc ta smaleb c'ac'al yu'un uc'um Eufratese: chabanucoxuc chacalboxuc tal.

Esdras 4:7

Xchi'uc c'alal i'och ta ajvalilal ta Persia li Artajerjese, li Bislam, Mitrídates, Tabeel xchi'uc yantic xchi'iltaque la stacbeic batel carta li ajvalil Artajerjese. Li cartae ts'ibabil ta arameo c'op.

Esdras 4:9

Jech la staquic batel carta li Rehum ja' li banquilal soldadoe, li Simsai ja' li jts'ibajome, xchi'uc li yantic xchi'iltaquique, ja' li jchapanvanejetic, jpasmantaletic, xchi'uc li j'abteletic ta Persia, ta Erec, ta Babilonia, xchi'uc ta Susae, ja' li elametique.