Esdras 3:1 - Bible in Tzotzil de Chenalhó with Deuterocanon

¹ C'alal iloc' svucubal u snaclejic ta slumalic li boch'otic isutic tal ta Babiloniae, ja'o lic stsob sbaic scotolic te ta Jerusalén.

Bible in Tzotzil de Chamula

¹ C'alal sta sc'ac'alil ti yucubal ue, ti jun xa yo'ntonic ti israeletic nacalic ta jujun slumalique, scotol jteclum bat stsob sbaic ta Jerusalén.

Esdras 3:1 Iomraidhean Croise

Nehemías 7:72

Li yantic jchi'iltactique laj yaq'uic vaxacvinic (160) kilo c'anal taq'uin, jmil xchi'uc vo'vinic (1,100) kilo saquil taq'uin, xchi'uc vucub xchanvinic (67) ta lic natil c'u'iletic sventa pale.

Nehemías 7:73

“Li paleetic, li levietic, li jchabi ti'naetic, li jq'uejimoletic, xchi'uc jayibuc israeletic, xchi'uc j'abteletic ta ch'ulna, xchi'uc scotol li jchi'iltactic ta israelale te bat naquiicuc ta slumal stuquic ta jujuchop”, xi ts'ibabil. C'alal ista svucubal ue, scotol li israeletique te xa nacalic ta lumetic yu'unic.

Nehemías 8:1

Scotol li israeletique te la stsob sbaic ta nopol ti'coralton Vo'etic sbi, yu'un ja' lec xocol te. Jun no'ox laj ya'ay sbaic ta scotolic. Te lic yalbeic jchanubtasvanej Esdras ti ac'o yich' loq'uel tal li mantaletic yu'un Moisés ti laj yac' Muc'ul Dios ta sventa Israele.

Nehemías 8:14

Te ts'ibabil la staic ti bu albil yu'un Muc'ul Dios li Moisés ti ac'o ochicuc ta yaxna, ti ac'o spasic jun q'uin ta svucubal ue.

Levítico 16:29

“Ja' jech jmantal ta xcom o ta atojolic: ta slajunebal c'ac'al yochel li svucubal ue, tsc'an chavictaic ixim. Mu me boch'o spas jchopuc abtel avu'unic, vo'oxuc li israeloxuque xchi'uc li yanlumetic te nacal ta atojolique.

Levítico 23:24

“Jech xavalbe ya'yic scotol li achi'iltac ta israelale: Ta sba c'ac'al li svucubal ue chabiic jun c'ac'al sventa chacux avo'ntonic, xchi'uc pasic jun ch'ul tsobajel sventa chavich'icun ta muc', xchi'uc jupano avoq'uesic sventa chana'icun.

Sofonías 3:9

“C'alal me la sta li sc'ac'alil le'e, ta xcac' puru lequil c'op chloc' ta yeic ep cristianoetic ta jujun lum, yu'un jech xu' chlic sc'anbicun vocol, vu'un li Muc'ul Diosune; yu'un jech co'ol chlic tunicuc cu'un scotolic.

Hechos 2:46

Bats'i co'ol yo'ntonic la stsob sbaic ta ch'ulna ta Jerusalén. La svoq'uic pan ta naetic; co'ol ive'ic. Xcuxet no'ox yo'ntonic, xchi'uc lec chil sba scotolic.

Hechos 4:32

Ti c'u yepal xch'unojique co'ol yo'ntonic, co'ol c'usi la snopic. Mu'yuc boch'o laj yal ti ja' yu'un stuc li c'usi oy yu'une; ja' co'ol yu'unic ta scotolic.

1 Corintios 1:10

Quermanotac, ta jc'anboxuc vocol ta atojolic ta sbi li Cajvaltic Jesucristoe. Co'oluc me ac'op acotolic; mu me xavoq'uilan abaic. Co'oluc c'usi xanop acotolic; jun no'ox me xava'ay aba ta acotolic.

Deuteronomio 16:16

“Scotol li viniquetique tsc'an chbatic ta stojol Muc'ul Dios oxib velta ta jabil te ta yavil yo' bu t'ujbil yu'une. Tsc'an ja'o chbatic ti c'alal yorail q'uinetic jech chac li'i: q'uin sventa pan mu'yuc yich'oj svolesubil, q'uin Xemunaetic, xchi'uc q'uin Yaxnaetic. Mu me junuc boch'o jeche' xmeymun batel sc'ob avu'unic ti c'alal chbat ta stojol Muc'ul Diose.

Jueces 20:1

Scotol li israeletic xlic ta Dan c'alal ta Beerseba xchi'uc c'alal ta Galaade la stsob sba scotolic te ta Mizpa ta stojol li Muc'ul Diose. Jech chac c'u cha'al jun no'ox vinic laj ya'ay sba ta scotolic.