Esdras 2:2 - Bible in Tzotzil de Chenalhó with Deuterocanon

² Ja' ventainbilic batel yu'un li Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, xchi'uc Baanae.

Bible in Tzotzil de Chamula

² Ti jvolvanejetic yu'un ti jujuchop ti loc' talele, ja'ic ti Zorobabele, ti Josuee, ti Nehemíase, ti Seraíase, ti Reelaíase, ti Mardoqueoe, ti Bilsane, ti Mispare, ti Bigvaie, ti Rehume, xchi'uc ti Baanae. Ti li'e, xi s'elan ti c'u yepal sutic batele:

Esdras 2:2 Iomraidhean Croise

Esdras 1:11

Scotol li c'usitic chtun ta ch'ulna ti pasbil ta c'anal taq'uin xchi'uc ta saquil taq'uine ja' vo'mil xchi'uc chanib ciento (5,400) ta scotol. Scotol laj yich' sutel ta Jerusalén li Sesbasar c'alal isutic xchi'uc li boch'otic co'ol ichucatic batel ta Babiloniae.

Esdras 1:8

Li ajvalil Ciro ta Persiae ja' laj yac'be yat loq'uel li Mitrídates jchabitaq'uin yu'une. Ja' laj yac'be ta sc'ob li Sesbasar, ajvalil ta Judae.

Esdras 2:1

Ja' jech yepal li israeletic isutic ta Jerusalén ta yosil stuquic te ta Judá ti c'alal chucbil ibatic ta Babilonia yu'un ajvalil Nabucodonosore.

Esdras 2:3

Li smomnich'nab Parose ja' cha'mil xchi'uc lajchab sbalunvinic (2,172) ta scotol.

Esdras 3:2

Li pale Jesúa xnich'on Josadac, xchi'uc li xchi'iltac ta paleale, xchi'uc li Zorobabel xnich'on Salatiel, xchi'uc yan xchi'iltaque, lic spasic li scajleb smoton Dios sventa te chchiq'uic matanal jech chac c'u cha'al chal li mantaletic laj yal comel Moisese, ja' li yajtunel Diose.

Esdras 4:3

Pero li Zorobabel, li Jesúa, xchi'uc li banquilaletic ta jujuchop sbiique jech itac'ovic: —Mu xu' co'ol ta jpastic ch'ulna yu'un li Dios cu'uncutique. Ta jcha'pas jtuccutic ta sventa li Muc'ul Diose, ja' li Dios yu'un Israele, yu'un jech albiluncutic tal mantal yu'un li ajvalil Ciro ta Persiae —xutic.

Esdras 4:8

Li Rehum ja' li banquilal soldadoe, xchi'uc li Simsai ja' li jts'ibajome, ja' la sts'ibabeic batel carta li Artajerjese yu'un tstic'beic smul li jnaclumetic ta Jerusalene.

Esdras 5:2

Ja' yu'un li Zorobabel xnich'on Salatiele xchi'uc li Jesúa xnich'on Josadaque lic xcha'ts'aquic spasel li ch'ulna yu'un Dios ta Jerusalene. Li chib yaj'alc'op Diose te icoltavanic ta abtel ec.

Esdras 8:1

Li'i ja' sbiic li banquilaletic ta jujuchop sbiic ti co'ol iloq'uic batel ta Babilonia xchi'uc li Esdras c'alal ochem ta ajvalilal li Artajerjese, xchi'uc li' oy sbiic li smoltotic ta vo'onee:

Nehemías 10:15

Buni, Azgad, Bebai,

Nehemías 12:47

Ja' yu'un c'alal yorail cuxul li Zorobabel xchi'uc vu'un li Nehemiasune, scotol li jchi'iltactic ta israelale laj yac'beic c'usitic chtun yu'unic jujun c'ac'al li jq'uejimoletique xchi'uc li jchabi ti'naetique. Ja' xa laj yac'beic ec li levietique; jech ec li levietique ja' xa laj yac'beic ec li smomnich'nabtac Aarone.

Hageo 1:1

Ta sba c'ac'al yochel svaquibal u ta xchibal jabil yochel ta ajvalilal li Darioe, ja'o ic'opanat yu'un Muc'ul Dios li j'alc'op Hageoe, yu'un ac'o bat sc'opan li ajvalil Zorobabel ta Judá, xnich'on Salatiele, xchi'uc li banquilal pale Josué, xnich'on Josadaque, jech laj yalbe:

Hageo 1:12

Li Zorobabele, li banquilal pale Josuee, xchi'uc li scomelal israeletique ixi'ic ti c'alal laj ya'yic c'usi laj yal Muc'ul Dios ta sventa li j'alc'op Hageoe.

Hageo 1:14

Li Muc'ul Diose lic stsatsubtasbe yo'nton li Zorobabel ajvalil ta Judae, xchi'uc li banquilal pale Josuee, xchi'uc scotol li israeletique. Jech bat xcha'va'anbeic li xch'ulna Muc'ul Dios yu'unique, ja' li Muc'ul Dios ti tspas ta mantal scotol te ta vinajele.

Hageo 2:2

Bat c'opano li ajvalil Zorobabele, xchi'uc li banquilal pale Josuee, xchi'uc li scomelal jteclume, jech xavalbe:

Hageo 2:21

“Bat c'opano li Zorobabel ajvalil ta Judae, jech xavalbe: ‘Ta jniques li vinajel xchi'uc banamile.

Hageo 2:4

Ajvalil Zorobabel, tsotsan me. Banquilal pale Josué, oyuc lec stsatsal avo'nton. Jteclum, aq'uic me persa. Abtejanic, vu'un li' chajchi'inoxuc”, xi li Muc'ul Dios ti tspas ta mantal scotol te ta vinajele.

Zacarías 3:1

Li Diose laj yac'bun quil ta jch'ulel li banquilal pale Josuee te va'al ta stojol yaj'almantal Dios; jech ec li banquilal pucuje te va'al ta sbats'ic'ob li Josuee, yu'un ta stic'be smul.

Zacarías 3:3

Li Josué te va'al ta stojol j'almantale, toj ic' li sc'u' slapoje.