Esdras 10:1 - Bible in Tzotzil de Chenalhó with Deuterocanon

¹ C'alal te xquejet xpatet, te x'oc'olet ta sc'opanel Dios ta ch'ulna li Esdrase, te ital set sbaic ta stojol ep israeletic. C'alal ta vinic ta antsetic ta ololetic italic; bats'i ep laj yoc'ta sbaic ec.

Bible in Tzotzil de Chamula

¹ C'alal yacal ta c'opojel ti'inel ti Esdras ta xcholel jelavel ti c'ope, x'oc' x'avan xa ti quejel ta xch'ulna ti Diose, laj svol sbaic talel epal israel viniquetic, antsetic, xchi'uc ololetic ti x'oc' x'avanic xa joyol ta stojole.

Esdras 10:1 Iomraidhean Croise

1 Reyes 8:30

A'ibun me jc'op, vu'un li avajtunelune, xchi'uc a'ibo sc'op li anich'nab israeletic ti chajc'opanotcutic tal ta ch'ulnae. A'ibun jc'opcutic c'alal ta vinajel ti bu nacalote, xchi'uc pasbun perdón yu'un li jmulcutique.

1 Reyes 9:3

Jech i'albat: “Laj ca'ay li ac'op c'alal laj ac'opanune xchi'uc li c'usi laj ac'anbune. Laj xa jts'u'iltas li ch'ulna laj apase yu'un ja' li' chcac' ta ich'el o ta muc' jbi scotol c'ac'al. Li' oy o jsat; li' oy co'nton scotol c'ac'al.

2 Crónicas 20:13

Scotol li judaetique va'ajtic ta stojol li Muc'ul Diose. Te oyic c'alal ta yajnil xnich'nabic.

2 Crónicas 20:9

‘Me oy c'usi chtal ta jtojolcutic sventa stojol jmulcutique, me milel ta pleito, me tsatsal chamel, o me vi'nal, li' chtal jva'an jbacutic ta ch'ulna avu'une, yu'un ja' li' oyote. Li' chtal jc'anbotcutic vocol ta sventa li jvocolcutique. A'ibun me li jc'opcutique; coltauncutic me ti c'alal chajc'opanotcutique’, xiic ta atojol.

Esdras 10:6

Li Esdrase iloc' batel ta ch'ulna; ibat ta sna Johanán xnich'on Eliasib. Mu'yuc ve'em, mu'yuc yuch'oj vo', yu'un toj ep chat yo'nton ta sventa smulic li xchi'iltac ti i'ayic tal ta chuquel ta yan banamile.

Nehemías 1:4

C'alal laj ca'ye, lichoti, lic coc'ta jba. Oy jayibuc c'ac'al la cat co'nton ta sventa; laj quicta ixim, la jc'opan li Dios te oy ta vinajele.

Nehemías 1:6

ta jc'anbot vocol ti ac'o avac' achiquin, ti ac'o avic' asat ta ya'yel jc'op ti li' chajc'opanot, vu'un li avajtunelune. Yu'un ta c'ac'al ta ac'ubal chajc'opanot ta sventa li jchi'iltac ta israelale, ja' li avajtuneltaque. Li' jamal chacalbot li jmul jtaojcutic ta atojol xchi'uc li jchi'iltaque. Ta melel c'alal ta jchi'iltac, ta cuts' calaltac jtaoj jmulcutic ta atojol.

Nehemías 10:28

Scotol li yantic jchi'iltactique, ja' li paleetic, levietic, jchabi ti'naetic, jq'uejimoletic, j'abteletic ta ch'ulna, xchi'uc scotol li boch'otic svoc'oj xa sbaic ta stojol yanlum cristianoetic te nacalic ti ja' xa chch'unbeic smantaltac Dios xchi'uc yajnilic, xchi'uc squerem stsebic ti xa'ibeic xa smelole,

Nehemías 8:9

Li Nehemías, ja' li ajvalile, xchi'uc li pale Esdras, ja' li jchanubtasvaneje, xchi'uc li levietic, ja' li boch'otic la xcha'albeic lec smelol mantaletic li xchi'iltaquique, jech laj yalbeic scotol li israeletique: “Mu xa'oq'uic; mu xavat avo'ntonic, yu'un li jun c'ac'al li'i ja' ch'ul c'ac'al yu'un li Muc'ul Dios cu'untique”, xutic. Yu'un lic oq'uicuc scotolic ti c'alal laj yich' aptael li smantal Diose.

Salmos 119:136

Ep imal ya'lel jsat ta scoj ti mu'yuc chich' ch'unel o li amantaltaque.

Salmos 32:5

Ja' yu'un laj calbot ta jamal li jmule; mu'yuc bu la jmuc ta co'nton li c'usi chopol jpasoje. Jech la jnop: “Ja' lec ta xcalbe ta jamal jmul li Muc'ul Diose”, xichi. Jech laj apasbun perdón, laj ach'aybun li jmule.

Jeremías 13:17

Pero me mu xach'unique, ep chi'oc' ta mucul avu'unic. Ta xloc' ep ya'lel jsat; ta xc'uxub jsat ta oq'uel ta scoj li atoyobbailique, yu'un li xchijtac Muc'ul Diose ta xich'ic chuquel batel.

Jeremías 9:1

¡Oyuc c'uxi xc'ataj ta chupleb vo' li jole; oyuc c'uxi xc'ataj ta loq'ueb vo' li jsate, yu'un jech xu' chcoc'ta ta c'ac'al ta ac'ubal li anima jchi'iltaque!

Daniel 9:20

“C'alal ja'o xivulvun ta sc'opanel Dios ta yalel ta jamal li jmule xchi'uc li smul jchi'iltac ta israelale, xchi'uc ti te xivocolet ta stojol Muc'ul Dios cu'untic ta sventa li ch'ul vits yu'une,

Oseas 14:2

Sutanic tal ta stojol li Muc'ul Diose; c'anbeic vocol ta stojol, jech xavalic: “Pasbuncutic perdón scotol li jmulcutique; tsacbuncutic li c'usi lec chacac'botcutique. Li xq'uexol amoton chcac'cutique ja'uc li c'usi chloc' ta quecutique.

Zacarías 12:10

“Li smomnich'nab David xchi'uc li jnaclumetic ta Jerusalene ta xcac'be ta yo'ntonic ti tstaic c'uxubinele, xchi'uc ti chisc'opanicune. Ta to xilic li boch'o xenbil xocon yu'unique. Ta to xlic yoc'taic jech chac c'u cha'al ch-oc' boch'o chcham xnich'on ti c'ajumal jun xnich'one. Ta xlic yat yo'ntonic jech chac c'u cha'al li boch'o chcham sba xnich'one.

San Mateo 3:6

Scotol li boch'otic jamal laj yal smulique, i'ac'bat yich'ic vo' yu'un Juan te ta uc'um Jordán.

San Lucas 19:41

C'alal nopol xa'ox x'ech' batel ta Jerusalén li Jesuse, laj yil batel li lume, laj yoc'ta.

Hechos 10:30

Ja' yu'un li Cornelioe jech lic yal: —Oy xa xchanibal c'ac'al laj quich' c'opanel jech ora chac c'u cha'al li'i. Li' oyun ta jna; quictaoj ixim, ta jc'opan Dios ta sventa oxib ora mal c'ac'al. Li' ivinaj ta jtojol xco'laj xchi'uc jun vinic; oy xojobal li sc'u'e.

Hechos 21:5

C'alal its'aqui li vucub c'ac'ale, liloc'cutic batel. Li jch'unolajeletique la xchi'inuncutic batel xchi'uc yajnil xnich'nabic c'alal to ta ti' lum. Jech te la jquejan jbacutic ta ti' nab; la jc'opancutic Dios.

Romanos 9:2

Toj bats'i ep chcat co'nton; scotol ora xlaj xtu'p co'nton ta at-o'nton.

Deuteronomio 31:12

Tsobic scotol li jchi'iltactique c'alal ta vinic ta ants, ta ololetic xchi'uc c'alal ta yanlum cristianoetic ti te nacajtic ta avosilalique, yu'un ac'o tal ya'yic scotolic li smantal Muc'ul Dios chavaptaique. Yu'un jech ac'o xchanic yich'el ta muc' li Muc'ul Diose, xchi'uc jech ac'o spasic batel li c'usi cha'yique.

Josué 7:6

Li Josué xchi'uc li banquilaletic yu'un israeletique la sli' sc'u'ic; laj yac' pucuc ta sjolic. Bat spatan sbaic ta stuq'uil xcaxail smantal Muc'ul Dios; te patalic o c'alal to ich'ay c'ac'al.

Josué 8:35

Scotol li mantaletic laj yal Moisese laj yapta scotol ta stojol xchi'iltac li Josuee. Laj ya'yic c'alal ta vinic, ta antsetic, ta ololetic, xchi'uc c'alal ta yanlum cristianoetic ti te nacajtic xchi'uquique. Me jbeluc mu'yuc la scomtsan.