Esdras 1:8 - Bible in Tzotzil de Chenalhó with Deuterocanon

⁸ Li ajvalil Ciro ta Persiae ja' laj yac'be yat loq'uel li Mitrídates jchabitaq'uin yu'une. Ja' laj yac'be ta sc'ob li Sesbasar, ajvalil ta Judae.

Bible in Tzotzil de Chamula

⁸ Ti Ciroe, c'alal laj sutes ti c'usitic jtunel meltsanbile, laj yac'be jelavel ta sc'ob ti Mitrídatese, ti sbainoj ta xchabiele. C'alal laj xchap ti c'u yepale, laj yac'be jelavel ta yoc ta sc'ob ti Sesbasare, ajvalil yu'un ti Judae.

Esdras 1:8 Iomraidhean Croise

Esdras 1:11

Scotol li c'usitic chtun ta ch'ulna ti pasbil ta c'anal taq'uin xchi'uc ta saquil taq'uine ja' vo'mil xchi'uc chanib ciento (5,400) ta scotol. Scotol laj yich' sutel ta Jerusalén li Sesbasar c'alal isutic xchi'uc li boch'otic co'ol ichucatic batel ta Babiloniae.

Esdras 2:2

Ja' ventainbilic batel yu'un li Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, xchi'uc Baanae.

Esdras 5:14

“Xchi'uc laj yalbuncutic noxtoc ti ja' stuc muc'ta ajvalil Ciro la sloq'ues tal ta ch'ulna ta Babilonia li c'usitic pasbilic ta c'anal taq'uin, ta saquil taq'uin ti li' to'ox chtun ta ch'ulna yu'un Dios ta Jerusalene, ti laj yich' batel ta Babilonia li ajvalil Nabucodonosore. Li muc'ta ajvalil Ciroe ja' laj yac'be li ajvalil yu'unique, ja' li Sesbasare.

Esdras 5:16

C'alal ivul li Sesbasare, vul sliques spasel li snacleb ch'ulna yu'un Dios li' ta Jerusalene. C'alal la sliquesic spasele, yoquel to te sbats'ilic o li ta orae, jech mu'yuc to chvu' yu'unic.

Esdras 5:2

Ja' yu'un li Zorobabel xnich'on Salatiele xchi'uc li Jesúa xnich'on Josadaque lic xcha'ts'aquic spasel li ch'ulna yu'un Dios ta Jerusalene. Li chib yaj'alc'op Diose te icoltavanic ta abtel ec.

Jeremías 51:44

“Ta xcac'be stoj smul li dios Bel ta Babiloniae; ta xcac'be xeta loq'uel li c'usitic i'ac'bat sbiq'ue, jech mu xa xbatic o ta stojol li yantic lumetique. Li coralton yu'un Babiloniae ta xjin scotol.

Hageo 1:1

Ta sba c'ac'al yochel svaquibal u ta xchibal jabil yochel ta ajvalilal li Darioe, ja'o ic'opanat yu'un Muc'ul Dios li j'alc'op Hageoe, yu'un ac'o bat sc'opan li ajvalil Zorobabel ta Judá, xnich'on Salatiele, xchi'uc li banquilal pale Josué, xnich'on Josadaque, jech laj yalbe:

Hageo 1:14

Li Muc'ul Diose lic stsatsubtasbe yo'nton li Zorobabel ajvalil ta Judae, xchi'uc li banquilal pale Josuee, xchi'uc scotol li israeletique. Jech bat xcha'va'anbeic li xch'ulna Muc'ul Dios yu'unique, ja' li Muc'ul Dios ti tspas ta mantal scotol te ta vinajele.