Esdras 1:7 - Bible in Tzotzil de Chenalhó with Deuterocanon

⁷ Li ajvalil Ciroe la sloq'ues li c'usitic jtuneletic to'ox te ta xch'ulna Muc'ul Dios ti ay yich' ta Jerusalén li ajvalil Nabucodonosor ti te xa yac'oj ta sna diosetic yu'une.

Bible in Tzotzil de Chamula

⁷ Ti ajvalil Ciro eque lic yac' ta c'abal ti c'usitic jtunel laj yich' tael ta xch'ulna Dios ti laj spoj loq'uel ta Jerusalén ti Nabucodonosor ti bat yac' ta xch'ulna ti sdiostaque.

Esdras 1:7 Iomraidhean Croise

2 Reyes 24:13

Laj yich' batel scotol li taq'uinetic te ta xch'ulna Muc'ul Diose xchi'uc te ta spasubmantal ajvalile. Biq'uitic la slilin comel scotol li c'usitic chtun te ta ch'ulna ti pasbil ta c'anal taq'uin yu'un li ajvalil Salomone. Ja' ic'ot o ti jech ono'ox yaloj li Muc'ul Diose.

2 Crónicas 36:10

C'alal yorail q'uepelaltic ta jabil le'e, li ajvalil Nabucodonosore laj yal mantal ti ac'o yiq'uic batel ta Babilonia li Joaquine xchi'uc scotol li c'usitic chtun te ta ch'ulna yu'un Muc'ul Dios ti toyolic stojole. Ja' la stic' ta ajvalilal ta Judá xchi'uc ta Jerusalén li Sedequías yuts' yalal Joaquine.

2 Crónicas 36:18

Jech noxtoc scotol li c'usitic chtun te ta ch'ulna yu'un Muc'ul Diose, me muc', me biq'uit, xchi'uc li sc'ulejal ch'ulnae xchi'uc li sc'ulejal spasubmantaltac ajvalile, xchi'uc li banquilaletic yu'une, laj yich' batel ta Babilonia scotol.

2 Crónicas 36:7

Li Nabucodonosore laj yich' batel noxtoc li c'usitic chtun te ta xch'ulna Muc'ul Diose; te c'ot stic' ta ch'ulna yu'un ta Babilonia.

Esdras 5:14

“Xchi'uc laj yalbuncutic noxtoc ti ja' stuc muc'ta ajvalil Ciro la sloq'ues tal ta ch'ulna ta Babilonia li c'usitic pasbilic ta c'anal taq'uin, ta saquil taq'uin ti li' to'ox chtun ta ch'ulna yu'un Dios ta Jerusalene, ti laj yich' batel ta Babilonia li ajvalil Nabucodonosore. Li muc'ta ajvalil Ciroe ja' laj yac'be li ajvalil yu'unique, ja' li Sesbasare.

Esdras 6:5

Ac'o sutuc scotol ta Jerusalén li c'usitic jtuneletic to'ox ta ch'ulna yu'un Dios ti pasbilic ta c'anal taq'uin, ta saquil taq'uin ti la sloq'ues batel ta Jerusalén, ti laj yich' batel ta Babilonia li ajvalil Nabucodonosore. Ac'o yich' aq'uel ta ch'ulna yu'un Dios, yu'un ja' ono'ox te yavil’, xi li smantal ajvalil Ciroe”, xi ts'ibabil li vun la staique.

Jeremías 51:44

“Ta xcac'be stoj smul li dios Bel ta Babiloniae; ta xcac'be xeta loq'uel li c'usitic i'ac'bat sbiq'ue, jech mu xa xbatic o ta stojol li yantic lumetique. Li coralton yu'un Babiloniae ta xjin scotol.

Daniel 1:2

Li Diose laj yac' ta sc'ob Nabucodonosor li Joaquime, jech la xchuc batel ta Babilonia. Jech noxtoc laj yac'be ta sc'ob ep li c'usitic chtun te ta xch'ulna Muc'ul Diose. Li Nabucodonosore te c'ot yac' scotol ta xch'ulna diosetic yu'un; te la stic' ta snail sc'ulejal li diosetic yu'une.

Daniel 5:23

Ja' no'ox latoy aba ta stojol li Yajval vinajele; laj acontrain, xchi'uc laj atac ta ich'el noxtoc li vaso te liquem tal ta ch'ulna yu'une. Ja' te laj avuch'ic o pasem ya'lel ts'usub achi'uc li banquilaletic avu'une, xchi'uc li avajniltaque, xchi'uc li yantic antsetic avu'une. Jech noxtoc te lic avich' ta muc' li diosetic avu'un ti pasbil ta saquil taq'uin, ta c'anal taq'uin, ta bronce, ta tsatsal taq'uin, ta te', xchi'uc ta ton ti mu xil osile, ti mu xa'ay c'ope, ti mu c'usi sna' oe. Yan li Dios ti ja' oy ta sc'ob acuxlejale xchi'uc ti ja' ta sventa chapas scotol li c'usitic chapase, me jutuc muc xavich' ta muc'.