Esdras 1:4 - Bible in Tzotzil de Chenalhó with Deuterocanon

⁴ Vo'oxuc ti mu'yuc chabatic, ti te chacomic yo' bu nacaloxuc ta orae, coltaic me batel li boch'otic te nopol nacaloxuc achi'uquique. Ac'beic batel c'anal taq'uin, saquil taq'uin, xchi'uc c'usitic oy avu'unic, xchi'uc ats'unub avovolic. Ac'beic noxtoc yan matanaletic ta yutsil avo'ntonic sventa chich' pasel o li xch'ulna Muc'ul Dios ta Jerusalene”, xi laj yal batel.

Bible in Tzotzil de Chamula

⁴ Ti c'u to yepal cuxulic ti buch'utic sc'an xloq'uic batel ti buyuc no'ox nacalique, ti slac'natac teye, ac'o coltavanicuc batel ta plata, ta oro, ta scotol ti c'usiuc xloc' x'ayane, ti chon bolometique, xchi'uc yaq'uicuc xtoc ta sventa sva'anel xch'ulna ti Dios ta Jerusalene.”

Esdras 1:4 Iomraidhean Croise

1 Crónicas 29:17

Dios cu'un, jna'oj lec ti xavotquin c'usi oy ta co'ntoncutique, xchi'uc ti ja' lec chavil me lec c'usi ta jpascutique. Ja' yu'un ta sventa slequil co'nton laj cac'bot scotol li c'usi li' oye. Toj xcuxet no'ox co'nton, yu'un chquil ti ta sjunul yo'ntonic laj yich'ic tal amoton li jchi'iltac li' tsobolique.

1 Crónicas 29:3

Ta sventa ti solel oy ta co'nton ta jc'an ac'o vu'uc li ch'ulna yu'un li Dios cu'une, jvoc'oj noxtoc yan epal c'anal taq'uin, saquil taq'uin; ja' cu'un jtuc chcac' tunuc ta ch'ulna yu'un li Diose.

1 Crónicas 29:9

Li israeletique toj xcuxet no'ox yo'ntonic ta stojol Dios ti laj yac'beic smotone, yu'un scotol yo'ntonic laj yaq'uic tunuc ta stojol li Muc'ul Diose.

2 Crónicas 31:14

Li Coré, ja' li leví vinic xnich'on Imna ti oy ta sventa chchabi li ti'ch'ulna ta sloq'ueb c'ac'ale, ja' la sventain li matanal ti yutsil yo'ntonic chaq'uic ta stojol Muc'ul Dios li israeletique, xchi'uc ja' tspuc li matanaletic ac'bil ta stojol Muc'ul Diose, xchi'uc ja' sventainoj li c'usitic ts'u'iltasbil ta sventa Diose.

Esdras 1:3

Ja' yu'un, acotolic vo'oxuc li steclumaloxuc Muc'ul Diose, batanic me ta Jerusalén te ta yosilal Judá, bat pasic li ch'ulna yu'un Muc'ul Diose, ja' li Dios yu'un Israele, ja' li Dios te oy ta Jerusalene. Dios chascoltaoxuc batel.

Esdras 1:5

Jech iliquic li banquilaletic ta jujuchop sbiic Judá xchi'uc Benjamine, xchi'uc li paleetique, li levietique, ja' li boch'otic itijbat yo'ntonic yu'un Diose. Lic xchapan sbaic sventa tsutic ta Jerusalén, yu'un chbat spasic li ch'ulna yu'un Muc'ul Diose.

Esdras 9:15

“Muc'ul Dios yu'un Israel, toj tuc' avo'nton ta jtojolcutic. Vo'ot jech laj ac'an ti vi to quepal cuxuluncutic ta orae. Ta melel li vu'uncutique oy jmulcutic ta atojol, ja' yu'un mu smeloluc ti li' oyuncutic ta atojole”, xi la sc'opan Dios li Esdrase.

Éxodo 35:29

Scotol li israel viniquetic xchi'uc li antsetic ti tsots sc'oplal laj ya'yic chaq'uic ta yutsil yo'ntonic li c'usitic chtun sventa li abtel jech chac c'u cha'al i'albat yu'un Muc'ul Dios li Moisese laj yich'ic tal ta stojol Dios scotol li c'usitic iloc' ta yo'ntonic chaq'uic tunuc yu'un Muc'ul Diose.

Isaías 10:21

Li scomelal smomnich'nab Jacobe, chlic suticuc tal ta stojol li Dios ti mu stac' tsalele.

Hechos 24:17

“I'ech' jayibuc jabil, ts'acal lisut batel ta jlumalcutic ta Jerusalén, yu'un bat cac' matanal ta sventa jchi'iltac, xchi'uc bat cac' smoton Dios.

Gálatas 6:2

Tsc'an talbat chacolta abaic ta xcuchel li avocolique, yu'un jech chach'unbeic o smantal li Cristoe.