Esdras 1:3 - Bible in Tzotzil de Chenalhó with Deuterocanon

³ Ja' yu'un, acotolic vo'oxuc li steclumaloxuc Muc'ul Diose, batanic me ta Jerusalén te ta yosilal Judá, bat pasic li ch'ulna yu'un Muc'ul Diose, ja' li Dios yu'un Israele, ja' li Dios te oy ta Jerusalene. Dios chascoltaoxuc batel.

Bible in Tzotzil de Chamula

³ Buch'uuc no'ox steclumaloxuc ti Diose, ac'o xa scoltaoxuc ti Diose, batanic ta Jerusalén ti oy ta Judae ta sva'anbel xch'ulna ti Ajvalil Dios yu'un ti Israele, ti Dios ti ta xnaqui stuc ta Jerusalene.

Esdras 1:3 Iomraidhean Croise

1 Reyes 18:39

C'alal laj yilic scotol li israeletique, la squejan spatan sbaic ta banamil, jech laj yalic: “¡Li Muc'ul Diose ja' Dios ta melel; li Muc'ul Diose ja' Dios ta melel!”, xiic.

1 Reyes 8:23

jech laj yal: “Muc'ul Dios yu'un Israel, mu'yuc yan Dios ta vinajel, me li' ta banamil jech chac c'u cha'al vo'ot, yu'un laj ac'otes li c'usi chapanbil avu'une, xchi'uc chavac' ta ilel slequil avo'nton ta stojol li boch'o scotol yo'nton chtunic avu'une.

1 Crónicas 28:20

Li Davide jech lic yalbe li Salomone: “Tsotsan me, junuc me avo'nton abtejan. Mu me xaxi'; mu me xchibaj avo'nton. Li' xchi'inojot li Muc'ul Dios cu'untique; me jutuc mu'yuc chascomtsanot o c'alal to chvu' avu'un scotol li abtel sventa ch'ulnae.

Esdras 1:4

Vo'oxuc ti mu'yuc chabatic, ti te chacomic yo' bu nacaloxuc ta orae, coltaic me batel li boch'otic te nopol nacaloxuc achi'uquique. Ac'beic batel c'anal taq'uin, saquil taq'uin, xchi'uc c'usitic oy avu'unic, xchi'uc ats'unub avovolic. Ac'beic noxtoc yan matanaletic ta yutsil avo'ntonic sventa chich' pasel o li xch'ulna Muc'ul Dios ta Jerusalene”, xi laj yal batel.

Esdras 4:3

Pero li Zorobabel, li Jesúa, xchi'uc li banquilaletic ta jujuchop sbiique jech itac'ovic: —Mu xu' co'ol ta jpastic ch'ulna yu'un li Dios cu'uncutique. Ta jcha'pas jtuccutic ta sventa li Muc'ul Diose, ja' li Dios yu'un Israele, yu'un jech albiluncutic tal mantal yu'un li ajvalil Ciro ta Persiae —xutic.

Esdras 5:13

Pero c'alal sba to jabil i'och ta ajvalilal ta Babilonia li Ciroe, ja' laj yal mantal ti ac'o yich' cha'pasel li ch'ulna yu'un Dios li'i’, xiyutuncutic.

Esdras 5:3

Li Tatnai, ajvalil ta jun banamil ta smaleb c'ac'al yu'un uc'um Eufratese, xchi'uc li Setar-boznai xchi'uc xchi'iltaque, jech bat yalbeic li judaetique: “¿Boch'o laj yalboxuc mantal ti chlic ajapuic xcha'pasel li ch'ulna li'i, ti chava'anic xa muyel li spac'benale? ¿C'usi sbiic li boch'otic ch-abtejic li'i?”, xutic.

Esdras 6:7

Ac'o abtejicuc li ajvalil yu'un judioetique xchi'uc li banquilaletic yu'unique; ac'o sventainic xcha'pasel li ch'ulna yu'un Dios te ti bu ono'ox yave.

Salmos 132:13

Li Muc'ul Diose ja' la st'uj li vits Sione; ja' la st'uj sventa te chnaqui o.

Salmos 83:18

Yu'un jech ac'o yotquinic ti vo'ot no'ox atuc Muc'ul Diosote, ti vo'ot no'ox atuc te oyot ta vinajele, ti oy ta ac'ob scotol li banamile.

Isaías 37:16

“Muc'ul Dios, vo'ot ti ech'em avu'ele, vo'ot Diosot yu'un li Israele, vo'ot ti te nacalot ta o'lol yu'un li chib sloc'obal querubinetique, vo'ot no'ox atuc Diosot yu'un scotol li ajvaliletic ta banamile, vo'ot laj apas li vinajel banamile.

Isaías 44:28

Vu'un jech ta xcalbe noxtoc li Ciroe: ‘Vu'un jchabichij chac'ot cu'un; vo'ot chapasbun scotol li c'usi ta jc'ane’, chcut. Jech chcalbe li Jerusalene: ‘Chavich' cha'va'anel yan velta’, chcut. Jech chcalbe li ch'ulnae: ‘Chavich' cha'nacanel lec yan velta’, chcut”, xi li Muc'ul Diose.

Isaías 45:5

Vu'un Muc'ul Diosun, mu'yuc yan Dios jech chac c'u cha'al vu'un. Vu'un la jchapanot lec xchi'uc avabtejeb, ac'o me muc xavotquinun li vo'ote.

Jeremías 10:10

Yan li Muc'ul Diose ja' bats'i Dios o ta melel. Li stuque ja' bats'i cuxul Dios o; ja' Ajvalil ta sbatel osil. C'alal ta x'iline, ta xnic banamil yu'un; li jujun banamile mu xcuch yu'unic li sc'ac'al yo'ntone.

Daniel 2:47

Jech laj yalbe li Daniele: —Ta melel, li Dios avu'une ja' Dios yu'un li yantic diosetique, ja' Ajvalil yu'un li muc'tic ajvaliletique; ja' chac' ta ilel li c'usi mu'yuc boch'o sna'e, jech ivu' avu'un laj avinajes li c'usi mu xvinaje —xut.

Daniel 6:26

Vu'un ta xcal tal jtuc li mantal li'i: Ta scotol ti c'u smuc'ul jventainoje, ac'o yich'ic ta muc', ac'o xi'icuc yu'un li Dios yu'un Daniele. “Yu'un li stuque ja' cuxul Dios; te oy o ta sbatel osil. Li yabtel tspas mantale mu xu' chich' tuch'bel o; mu'yuc slajeb o tspas mantal.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

Hechos 10:36

Vu'uncutic li israeluncutique li' la stac tal ta jtojolcutic li Lequil A'yeje, ja' ti lec chijyilutic Dios ta sventa li Jesucristoe, ja' li Yajval scotol cristianoetique.

Deuteronomio 32:31

“Li cajcontratique lec sna'ic ti mu xco'laj xchi'uc Jchabivanej cu'untic li jchabivanej yu'unique.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.