Esdras 1:2 - Bible in Tzotzil de Chenalhó with Deuterocanon

² “Vu'un Ciroun, ajvalilun li' ta Persia, chacalboxuc tal mantal: Li Muc'ul Dios yu'un vinajele yac'ojbun jventain scotol li ajvaliletic ta banamile, xchi'uc laj yalbun ti ac'o yich' meltsanel jun ch'ulna ta Jerusalén ta yosilal Judae.

Bible in Tzotzil de Chamula

² “Xi xcholet ta xal ti Ciro ajvalil yu'un ti Persiae: Ti Ajvalil Dios yu'un ti vinajele, ti laj yac'bun ta coc ta jc'ob scotol ti ajvaliletic ti oy ta banomile, laj yac'bun jbain ta sva'anel jun ch'ulna ta Jerusalén ti oy ta yosilal ti Judae.

Esdras 1:2 Iomraidhean Croise

1 Reyes 8:27

“Pero ¿me ta melel ti xu' chtal naclan li' ta banamil vo'ot li Diosote? Yu'un me mu xa'och o ta vinajel ti toj muq'ue, ¿c'u x'elan xu' xa'och o ta avunin ch'ulna ti la jpasbote?

2 Crónicas 2:12

Jech to laj yal batel: “Ich'biluc ta muc' li Muc'ul Dios yu'un Israele, ja' ti la spas vinajel banamile, yu'un laj yac'be jun xnich'on li ajvalil Davide, lec bij, lec sna' snopel. Jech oy ta sventa tsva'anbe xch'ulna li Muc'ul Diose, xchi'uc li spasubmantal stuque.

Esdras 1:5

Jech iliquic li banquilaletic ta jujuchop sbiic Judá xchi'uc Benjamine, xchi'uc li paleetique, li levietique, ja' li boch'otic itijbat yo'ntonic yu'un Diose. Lic xchapan sbaic sventa tsutic ta Jerusalén, yu'un chbat spasic li ch'ulna yu'un Muc'ul Diose.

Esdras 3:7

Te lic yac'beic taq'uin li alvaniletic xchi'uc carpinteroetique. Jech noxtoc laj yac'beic sve'el yuch'umic, xchi'uc aceite li j'abteletic liquemic tal ta Tiro xchi'uc ta Sidone, yu'un ja' chbat yich'ic tal c'alal to ta Líbano li ch'ut te'etique. Tsjelubtasic tal ta nab c'alal to ta Jope, yu'un jech yaloj mantal li ajvalil Ciro ta Persiae.

Esdras 4:3

Pero li Zorobabel, li Jesúa, xchi'uc li banquilaletic ta jujuchop sbiique jech itac'ovic: —Mu xu' co'ol ta jpastic ch'ulna yu'un li Dios cu'uncutique. Ta jcha'pas jtuccutic ta sventa li Muc'ul Diose, ja' li Dios yu'un Israele, yu'un jech albiluncutic tal mantal yu'un li ajvalil Ciro ta Persiae —xutic.

Esdras 5:15

Laj yalbe ti ac'o yich' sutel ta Jerusalene, xchi'uc ti ac'o bat xcha'pas li ch'ulna yu'un Dios te ti bu ono'ox yave.

Esdras 6:10

Yu'un jech ac'o xchic'beic smotonin li Dios ta vinajele, xchi'uc ac'o sc'anic vocol ta jtojol ec xchi'uc li calab jnich'nabe.

Esdras 6:3

“Ta sba jabil yochel ta ajvalilal li Ciroe, jech laj yal mantal ta sventa li ch'ulna yu'un Dios ta Jerusalene: ‘Ac'o yich' cha'pasel li ch'ulnae; lec tsots ac'o yich' pasbel li spac'benale yu'un ja' te ac'o yich' milel li matanaletique. Ja' vucub xcha'vinic (27) metro stayalil ac'o yich' pasel, xchi'uc vucub xcha'vinic (27) metro sjamalil.

Esdras 7:12

“Pale Esdras, bijil vinic, jchanubtasvanej ta smantal Dios ta vinajel, chabanuc chacalbot tal vu'un li Artajerjesun, banquilalun yu'un yantic ajvaliletique.

Nehemías 1:4

C'alal laj ca'ye, lichoti, lic coc'ta jba. Oy jayibuc c'ac'al la cat co'nton ta sventa; laj quicta ixim, la jc'opan li Dios te oy ta vinajele.

Nehemías 1:5

Jech laj calbe: “Muc'ul Dios te oyot ta vinajel, vo'ot ti ech'em amuc'ul atsatsale, ti xi'bilote, ti mu xch'ay ta avo'nton li c'usi achapanoje, xchi'uc ti c'ux ta avo'nton li boch'o chayich'ot ta muc', ta xch'unic amantaltaque,

Salmos 136:26

Ja' lec tojbeic ta vocol Dios ti te oy ta vinajele, yu'un sbatel osil mu xlaj o li c'uxubinel yu'une.

Salmos 85:2

Laj apasbe perdón yu'un smulic li ateclumale; laj atu'pbe scotol ti c'u yepal smul staojique.

Proverbios 21:1

Li Muc'ul Diose ja' tspasbe ta mantal yo'nton li ajvalile jech chac c'u cha'al tsbeiltas batel ta sbe li uc'umetique; ti c'u x'elan tsc'an yo'nton stuc li Muc'ul Diose ja' jech tspas.

Isaías 41:2

¿Boch'o laj yac' loc'uc tal ta stuq'uil sloq'uem c'ac'al li jun ajvalil ti xu' yu'un tstsal scotole? ¿Boch'o laj yac'be ta sc'ob li jujun banamile, xchi'uc ti laj yac' bic'tajicuc ta stojol li ajvaliletic yu'unique, ti ta yespada, ta st'ilesubil sflecha no'ox la stani batel, la spuc batel jech chac c'u cha'al taqui jobele?

Isaías 44:26

Vu'un ta xcac' c'otuc ta pasel sc'opic li cajtuneltaque; ta xcac' ti lec chbat c'usi chalic li j'almantaletic cu'une. Vu'un jech ta xcalbe li Jerusalene: ‘Ta xlic ayinuc avajval yan velta. Lumetic ta Judá, ta xlic avich' cha'va'anel yan velta; ta xlic cha'cuxuc li avavilique’, chcut.

Isaías 44:28

Vu'un jech ta xcalbe noxtoc li Ciroe: ‘Vu'un jchabichij chac'ot cu'un; vo'ot chapasbun scotol li c'usi ta jc'ane’, chcut. Jech chcalbe li Jerusalene: ‘Chavich' cha'va'anel yan velta’, chcut. Jech chcalbe li ch'ulnae: ‘Chavich' cha'nacanel lec yan velta’, chcut”, xi li Muc'ul Diose.

Isaías 45:1

Li Muc'ul Diose la st'uj li ajvalil Ciroe; la snitbe tal ta sc'ob, yu'un chac'be sventain li jujun banamile, yu'un ac'o slajesbe stsatsal li muc'tic ajvaliletique. Ac'o sjam scotol li ti'coraltonetique, yu'un jech mu'yuc xa boch'o xu' yu'un tsmac o. Ja' yu'un jech chalbe:

Isaías 66:1

Li Muc'ul Diose jech chal: “Li vinajele ja' jchotleb; li banamile ja' stec'ub cacan. ¿C'u x'elan chapasbicun jna li vo'oxuque? ¿Bu xu' chapasbicun xcuxubil co'nton?

Jeremías 10:11

Israeletic, jech xavalbeic li boch'o mu'yuc yich'ojic ta muc' cuxul Diose: “Li diosetic ti mu ja'uc la spasic li vinajel banamile, ta sacch'ayic li' ta sba banamil; me junuc mu'yuc ta xcomic li' ta yolon vinajel”, utic.

Jeremías 27:5

Vu'un la jpas li banamile xchi'uc li cristianoetique xchi'uc li chonbolometic oy ta sba banamile. Ta jvu'el ta jtsatsal, ta coc jc'ob imeltsaj cu'un, jech xu' cu'un ta xcac'be ta sc'ob li boch'o tsc'an co'nton chcac'bee.

Jeremías 29:10

“Jech yaloj li Muc'ul Diose: ‘C'alal me its'aqui li lajuneb xchanvinic (70) jabil te ta Babiloniae, ta xlic jcoltaoxuc, ta xcac' c'otuc ta pasel li jc'op ti laj cal ti chaquic'oxuc sutel tal li' ta banamile.

Daniel 1:21

Li Daniele te i'abtej o ta stojol ajvalil c'alal to ta sba jabil yochel ta ajvalilal li Ciroe.

Daniel 2:21

Ja' tsjel ti c'u x'elan ora chtale, xchi'uc ja' tsjel c'u x'elan chtal li jujun jabile. Ja' tsloq'ues, xchi'uc ja' tstic' ta yabtel li ajvaliletique. Ja' chac'be ep sbijil li boch'otic bijique; ja' tsjambe sat li boch'otic oy c'usi lec sna'ique.

Daniel 2:28

Pero oy jun Dios te ta vinajel, ja' xu' yu'un tsvinajes li c'usitic mucule. Ja' tsc'an chac'bot ana' li c'usi ta to xc'ot ta pasel ta atojol ta ts'acal, vo'ot li ajvalilote. Li c'usi laj avil ta avayeche, li c'usi laj avil ta ach'ulele, ja' jech chac li'i:

Daniel 4:25

Chavich' loq'uesel batel ta stojol li cristianoetique; ja' chbat achi'in ta naclej li chonbolometique. Ts'i'lal chlic alo' jech chac c'u cha'al vacaxetic, xchi'uc te cha'ach' o ta job osil. Vucub jabil te chacom, ja' to me laj avil ja' sventainojbe yabtel ajvaliletic li Boch'o te oy ta vinajele, xchi'uc ti ja' chac'be yabtel li boch'o tsc'an chac'bee.

Daniel 4:32

Chavich' jipel loq'uel ta stojol li cristianoetique; ja' chbat achi'in ta naclej li chonbolometique. Ts'i'lal chlic alo' jech chac c'u cha'al vacaxetic. Vucub jabil te chacom o, ja' to me laj avil ti ja' sventainojbe yabtel ajvaliletic li Boch'o te oy ta vinajele, xchi'uc ti ja' chac'be yabtel li boch'o tsc'an chac'bee”, xi.

Daniel 5:23

Ja' no'ox latoy aba ta stojol li Yajval vinajele; laj acontrain, xchi'uc laj atac ta ich'el noxtoc li vaso te liquem tal ta ch'ulna yu'une. Ja' te laj avuch'ic o pasem ya'lel ts'usub achi'uc li banquilaletic avu'une, xchi'uc li avajniltaque, xchi'uc li yantic antsetic avu'une. Jech noxtoc te lic avich' ta muc' li diosetic avu'un ti pasbil ta saquil taq'uin, ta c'anal taq'uin, ta bronce, ta tsatsal taq'uin, ta te', xchi'uc ta ton ti mu xil osile, ti mu xa'ay c'ope, ti mu c'usi sna' oe. Yan li Dios ti ja' oy ta sc'ob acuxlejale xchi'uc ti ja' ta sventa chapas scotol li c'usitic chapase, me jutuc muc xavich' ta muc'.

Daniel 6:25

Ja' yu'un li ajvalil Darioe la sts'iba batel vun ta stojol scotol cristianoetic ta jujun lum, ta jujun banamil, ta jujuchop c'op; jech laj yalbe: “Junuc me avo'nton acotolic.

Jonás 1:9

Itac'ov li Jonase: —Vu'un hebreo vinicun; ja' quich'oj ta muc' li Muc'ul Diose, ja' li Dios ti la spas vinajele, ja' li boch'o la spas li nabe xchi'uc li banamile —xi.