Esdras 1:1 - Bible in Tzotzil de Chenalhó with Deuterocanon

¹ C'alal sba to jabil yochel ta ajvalilal ta Persia li Ciroe, li Muc'ul Diose la stijbe yo'nton yu'un ac'o c'otuc ta pasel c'usi laj yal c'alal la xch'amanbe ye li j'alc'op Jeremiase. Ja' yu'un li ajvalile la spuc batel mantal ta scotol ti c'u smuc'ul sventainoje, xchi'uc la stac batel cartaetic, jech laj yal batel:

Bible in Tzotzil de Chamula

¹ Ti sba jabil yochel ta ajvalilal ti Ciroe, ajvalil yu'un ti Persiae, yo' ta xc'ot ta pasel sc'op Dios ti laj scaj'al ti Jeremíase, ti Diose laj stijbe yo'nton ti Ciroe, ti xi laj stac batel mantaletic ta ts'ibabil vunetic ta jteclumetic ti bu c'alal smacoje:

Esdras 1:1 Iomraidhean Croise

Esdras 1:5

Jech iliquic li banquilaletic ta jujuchop sbiic Judá xchi'uc Benjamine, xchi'uc li paleetique, li levietique, ja' li boch'otic itijbat yo'ntonic yu'un Diose. Lic xchapan sbaic sventa tsutic ta Jerusalén, yu'un chbat spasic li ch'ulna yu'un Muc'ul Diose.

Esdras 4:3

Pero li Zorobabel, li Jesúa, xchi'uc li banquilaletic ta jujuchop sbiique jech itac'ovic: —Mu xu' co'ol ta jpastic ch'ulna yu'un li Dios cu'uncutique. Ta jcha'pas jtuccutic ta sventa li Muc'ul Diose, ja' li Dios yu'un Israele, yu'un jech albiluncutic tal mantal yu'un li ajvalil Ciro ta Persiae —xutic.

Esdras 6:14

Ja' yu'un li banquilaletic yu'un judaetique la sts'aquic batel yan velta xcha'pasel li abtel jech chac c'u cha'al laj yal li j'alc'op Hageo xchi'uc Zacarías xnich'on Idoe. Jech ivu' yu'unic spasel, yu'un jech la sc'an stuc li Dios yu'un Israele, xchi'uc jech laj yal mantal li ajvalil Ciro, li Darío, xchi'uc li Artajerjes ajvaliletic ta Persiae.

Esdras 6:22

Xcuxet no'ox yo'ntonic la spasic vucub c'ac'al li q'uin sventa tsve'ic pan ti mu'yuc yich'oj svolesubil xch'ute. Yu'un i'ac'bat lec xcuxetel yo'ntonic yu'un Muc'ul Dios ta sventa ti ic'uxubinatic yu'un li ajvalil ta Persia, xchi'uc ti icoltaatic ta xcha'pasel li ch'ulna yu'un Diose, ja' li Dios yu'un Israele.

Esdras 6:3

“Ta sba jabil yochel ta ajvalilal li Ciroe, jech laj yal mantal ta sventa li ch'ulna yu'un Dios ta Jerusalene: ‘Ac'o yich' cha'pasel li ch'ulnae; lec tsots ac'o yich' pasbel li spac'benale yu'un ja' te ac'o yich' milel li matanaletique. Ja' vucub xcha'vinic (27) metro stayalil ac'o yich' pasel, xchi'uc vucub xcha'vinic (27) metro sjamalil.

Esdras 7:27

Li Esdrase lic sc'opan Dios, jech laj yal: “Muc'ul Dios, ich'bilucot ta muc' vo'ot li Diosot yu'un jmoltotcutique. Colaval ti laj avac'be lec ta yo'nton ajvalil ti tsots sc'oplal laj ya'ay li ch'ulna avu'un te ta Jerusalene.

Salmos 106:46

C'alal ta yajcontraic la stijbe yo'nton, yu'un jech ac'o c'uxubinaticuc yu'un noxtoc.

Proverbios 21:1

Li Muc'ul Diose ja' tspasbe ta mantal yo'nton li ajvalile jech chac c'u cha'al tsbeiltas batel ta sbe li uc'umetique; ti c'u x'elan tsc'an yo'nton stuc li Muc'ul Diose ja' jech tspas.

Isaías 44:28

Vu'un jech ta xcalbe noxtoc li Ciroe: ‘Vu'un jchabichij chac'ot cu'un; vo'ot chapasbun scotol li c'usi ta jc'ane’, chcut. Jech chcalbe li Jerusalene: ‘Chavich' cha'va'anel yan velta’, chcut. Jech chcalbe li ch'ulnae: ‘Chavich' cha'nacanel lec yan velta’, chcut”, xi li Muc'ul Diose.

Isaías 45:1

Li Muc'ul Diose la st'uj li ajvalil Ciroe; la snitbe tal ta sc'ob, yu'un chac'be sventain li jujun banamile, yu'un ac'o slajesbe stsatsal li muc'tic ajvaliletique. Ac'o sjam scotol li ti'coraltonetique, yu'un jech mu'yuc xa boch'o xu' yu'un tsmac o. Ja' yu'un jech chalbe:

Jeremías 1:1

Li'i ja' ic'opoj Jeremías xnich'on Hilcías. Li Jeremiase ja' jun xchi'ilic li paleetic te nacalic ta lum Anatot ta yosilal Benjamine.

Jeremías 29:10

“Jech yaloj li Muc'ul Diose: ‘C'alal me its'aqui li lajuneb xchanvinic (70) jabil te ta Babiloniae, ta xlic jcoltaoxuc, ta xcac' c'otuc ta pasel li jc'op ti laj cal ti chaquic'oxuc sutel tal li' ta banamile.

Ezequiel 38:5

Co'ol chbat achi'inic li Persia, li Cus, xchi'uc li Fute; chich'ic batel lec smacubbailic xchi'uc smac sjolic ec.

Daniel 1:21

Li Daniele te i'abtej o ta stojol ajvalil c'alal to ta sba jabil yochel ta ajvalilal li Ciroe.

Daniel 2:1

C'alal xchibal jabil yochel ta ajvalilal li Nabucodonosore, ivaychin. Toj ep ilo'ilaj yo'nton; solel muc xvay o.

Daniel 6:25

Ja' yu'un li ajvalil Darioe la sts'iba batel vun ta stojol scotol cristianoetic ta jujun lum, ta jujun banamil, ta jujuchop c'op; jech laj yalbe: “Junuc me avo'nton acotolic.

Daniel 9:2

vu'un li Danielune te la jq'uelbe lec sc'oplal li jabiletic ts'ibabil ta vun yu'un j'alc'op Jeremiase. Ja' ti i'albat yu'un Muc'ul Dios ti lajuneb xchanvinic (70) jabil jinem chcom li Jerusalene.

San Juan 1:23

Itac'ov li Juane: —Ja' vu'un jc'oplal ti chi'avan ta xocol banamil jech chac c'u cha'al laj ono'ox yal li j'alc'op Isaiase: ‘Tuq'uibtasbeic sbe li Cajvaltique’, xi chlic yal, xi ono'ox li Isaiase —xi li Juane.