Efesios 6:1 - Bible in Tzotzil de Chenalhó with Deuterocanon

¹ Alab nich'nabetic, ch'unbeic smantal atot ame'ic ta sventa Cajvaltic, yu'un ja' jech tsc'an pasel.

Tzotzil Zinacantan

¹ Cremotic, tsebetic, chꞌunbo me smantal atot ameꞌic yuꞌun jaꞌ yech tscꞌan ti Cajvaltique.

Bible in Tzotzil de Chamula

¹ Ti vo'oxuque, alab nich'nabiletic ta sventa ti Cajvaltique, ja' avabtelic ta xach'unbeic smantal ti atot ame'ique, yu'un jech sc'an pasel.

Tzotzil San Andres

¹ Queremutic, tsebetic, chꞌunbeic me smantal la atot ameꞌique yuꞌun jech tscꞌan li Cajvaltique.

Tzotzil de Huixtán

¹ Queremetic, tsebetic, ch'umbeic smantal ti atot ame'ique. Yu'un chana'ic ti hech tsc'an ti Cajvaltique, hech chapasic.

Efesios 6:1 Iomraidhean Croise

Génesis 28:7

Xchi'uc laj yil ti ibat ta Padan-aram jech c'u cha'al i'albat yu'un li stot sme'e.

Génesis 37:13

Li Israele jech laj yalbe li Josee: —Li abanquiltaque te oyic ta Siquem ta xchabiic li chijetique, pero ta jc'an chbat aq'uel —xut. —Lec oy, xu' chbat jq'uel —xi li Josee.

Génesis 48:12

Li Josee la snit loq'uel li chib xnich'nab te patajtic ta yo' stote. Lic spatan sba ta banamil ta stojol li stote.

Génesis 50:12

Li xnich'nab Jacobe ja' jech la spasic jech chac c'u cha'al albilic ono'ox yu'un stotique.

Nehemías 9:13

“Ts'acal layal tal ta vits Sinaí, laj ac'opan yalel tal c'alal ta vinajel li jmoltotaccutique. Laj avac'be tuq'uil tojobtasel xchi'uc mantaletic ti puru melelique, xchi'uc lequil chanubtasel, xchi'uc yantic c'usitic ac'o spasic.

Ester 2:20

Li Estere albil ono'ox yu'un Mardoqueo ti mu me xal bu slumal, xchi'uc boch'o yuts' yalale. La xch'un c'usi i'albat yu'un li Mardoqueoe yu'un ja' ventainbil yu'un.

Job 33:27

Jech chlic yal: ‘La jta jmul; muc jpas c'usi tuc', pero li Diose muc xiyac'bun jtoj.

Salmos 119:128

Ja' toj lec chca'ay li mantaletic avu'une; ja' ta jcontrain scotol li c'usi mu meleluque.

Salmos 119:75

Yu'un xcotquin lec ti tuc' scotol li tojobtasel avu'une, xchi'uc ti oy lec razón avu'un ti laj avac'bun jvocole.

Salmos 19:8

Li chanubtasel yu'un Muc'ul Diose toj tuc', chijyac'butic lec xcuxetel co'ntontic. Li bijubtasel yu'un Muc'ul Diose mu'yuc c'usi capbil o; lec chjam jba jsatic yu'un.

Proverbios 1:8

Jnich'on, a'yo me lec ava'ay c'u x'elan chaxchanubtasot li atote; mu me xabaj li bijubtasel chayac'bot ame'e.

Proverbios 23:22

Ch'uno me c'usi chayalbot li atote yu'un xnich'onot; mu me xabaj ame' ti c'alal me'el xae.

Proverbios 30:11

Oy boch'otic ta xchopolc'opta li stotique, xchi'uc mu'yuc lec chalbeic sc'oplal li sme'ique.

Proverbios 30:17

Li boch'o tsna'le stote xchi'uc ti tsbajbe smantal sme'e ja' smoton ti ac'o yich' loq'uesbel sbec' sat yu'un jojetique, xchi'uc ti ac'o yich' ti'el yu'un xiquetique.

Proverbios 6:20

Jnich'on, ch'uno me li mantal chayalbot atote; ich'bo me ta muc' li chanubtasel yu'un ame'e.

Jeremías 35:14

Li Jonadab xnich'on Recabe laj yich' lec ch'unbel li smantale; li smomnich'nabtaque la xch'unic ti i'albatic mu me xuch'ic pasem ya'lel ts'usube. Jech mu'yuc chuch'ic o c'alal to tana, yu'un laj yich'beic ta muc' li smantal smoltotique. Jech ec li vu'une te ono'ox chajc'opanoxuc o scotol c'ac'al, pero mu xac'an xach'unic.

Jeremías 35:18

Vu'un li Jeremiasune, jech laj calbe li recabetique: “Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chayalboxuc: ‘Ta sventa ti laj ach'unbeic smantal li amoltotic Jonadabe, ti laj apasic scotol li c'usitic laj yalboxuque,

Jeremías 35:8

Ja' no'ox ta jch'uncutic c'usi yaloj li jmoltotcutic Jonadab xnich'on Recabe, yu'un laj yal ti mu xu' ta xcuch'cutic pasem ya'lel ts'usub ti jayib c'ac'al cuxuluncutic xchi'uc cajnil jnich'nabcutique,

Oseas 14:9

Li boch'o bij ti xa'ibe lec smelole ac'o ya'ibe lec smelol li c'op li'i: Li be yu'un Muc'ul Diose lec tuc'. Li boch'otic tuc' yo'ntonique ja' te chanovic batel; yan li boch'otic chopolique te tsbosi yacanic.

Levítico 19:3

“Jujunoxuc ich'ic ta muc' li atot ame'ique. “Chabiic me li sc'ac'alil chacux avo'ntonique, vu'un li Muc'ul Diosun avu'unique.

San Lucas 2:51

Li Jesuse la xchi'in sutel ta Nazaret li stot sme'e; lec la xch'unbe smantal li stot sme'e. Li Mariae la xchabi lec ta yo'nton scotol.

Romanos 12:2

Mu me xachanbeic stalel li cristianoetic li' ta banamile. Ja' tsc'an chjel batel atalelic li vo'oxuque, jech ch-ach'ub batel li c'usi chanopique, jech chlic avotquinic batel c'usi tsc'an li Diose, ja' li c'usitic lec chile, li c'usitic tuq'ue.

Romanos 16:2

Ich'ic me ta muc' ta sventa li Cajvaltique, yu'un tsc'an jech ta jpasbe jbatic vu'utic li yu'untacutic Diose. Xchi'uc tsc'an chacoltaic ta sventa c'usi chtun yu'un, yu'un ep xa boch'o la scolta, xchi'uc ep la scoltaun ec.

Romanos 7:12

Ac'o jna'tic, li smantaltac Diose ja' ch'ul mantal ta melel. Li c'usitic yaloje toj tuc' xchi'uc toj lec.

1 Corintios 15:58

Ja' yu'un quermanotac, vo'oxuc ti lec jc'anojoxuque, staojuc o me yav li avo'ntonique; mu me xajelilanic. Scotoluc ora abtejanic o yu'un li Cajvaltique; na'ic me ti mu alticuc cha'abtejic yu'un li Cajvaltique.

Deuteronomio 21:18

“Me oy boch'o oy jun xnich'on ti solel tsots yo'nton ti jbajmantal oe, ti mu xich' ta muc' c'usi ch-albat yu'un li stot sme'e, ac'o me chich' nucul ti mu xch'un oe,

1 Timoteo 5:4

Pero me oy me'on ants ti oy yalabtac, o me syal'alabtaque, li alab nich'naletique, ja' ba'yuc tsc'an chchanic xc'uxubinel li boch'otic oy yu'unique, yu'un ja' yabtelic. Ac'o spaquic jech chac c'u cha'al c'uxubinbilic ich'iic tale. Me jech tspasique, toj lec chil li Diose.

1 Pedro 2:13

Ich'ic me ta muc' ta sventa Cajvaltic li boch'otic oy yabtelic li' ta banamile, jech chac c'u cha'al li muc'ta ajvalile, yu'un ja' tsots yabtel yich'oj.

Rut 3:5

Itac'ov li Rute: —Lec oy, ta jpas li c'usi chavalbune —xi.

1 Samuel 17:20

Ta yoc'omal sob iloc' batel li Davide; laj yac' comel ta chabiel ta yan li xchije. Laj yich' batel li c'usitic i'albat yu'un stote. C'alal ic'ot ta scarpanaique, ja'o chloq'uic xa'ox batel ta pleito; lec xcholet chbatic. Tsots ch-avanic sventa pleito.