Efesios 5:3 - Bible in Tzotzil de Chenalhó with Deuterocanon

³ Ja' yu'un li vo'oxuque, mu me xalo'iltaic, mu xa me xavalbeic sc'oplal li mulivajele, li c'usitic yan chopole, xchi'uc li xpich'etel avo'ntonique. Yu'un mu xa jechuc tsc'an tspas li yu'untac Diose.

Tzotzil Zinacantan

³ Yechꞌo un mu xa me xasaꞌ avantsic, mu xa me xasaꞌ avajmulic. Scotol li cꞌusitic chopole mu xa me xapasic. Mu xa me cꞌusi xpichꞌ avoꞌonic. Jꞌechꞌel xachꞌay ta ajolic yuꞌun xchꞌamaloxuc xa ti Rioxe.

Bible in Tzotzil de Chamula

³ Ti jech yu'unoxuc xa ti Diose, j'ech'el lajuc ta alel sc'oplal avu'unic ti mulivajele, ti c'usitic yan ta soquesvane, ta yu'ninel ti c'usi oy yu'un ti yane.

Tzotzil San Andres

³ Joꞌoxuc li snichꞌnaboxuc xa li Diose, mu xa me xamulivajic, mu xa me xapasic li cꞌustic yan chopole, mu xa me cꞌusi xapichꞌ o avoꞌonic. Scꞌan nojtoc ti mu xaloꞌiltaic la achiꞌilique yuꞌun mu jechuc smelol.

Tzotzil de Huixtán

³ “Chmulivajic, chopol ti c'usi tspasique, chbic'taj yo'ntonic”, mu me xchiuc ac'opilalic, ho'oxuc ti oyoxuc xa ti stojol ti Diose.

Efesios 5:3 Iomraidhean Croise

Salmos 10:3

Yu'un li boch'o chopolique ja' no'ox tstoy sbaic o ta sventa li c'usi tsnop stuquique. Li jti'-o'ntavanejetique chopol chc'opojic, tsna'leic li Muc'ul Diose.

Salmos 119:36

Ja' ac'bun ta co'nton sc'anel li mantaletic avu'une; mu me ja'uc oy ta co'nton sc'upinel li c'usi sventa no'ox banamile.

Éxodo 18:21

Jech noxtoc t'ujo loq'uel ta stojol achi'iltac ta israelal jayibuc viniquetic ti oy lec sbijilique, ti lec yich'ojic ta muc' Diose, ti tuc' xc'opojique, ti mu xch'am smotonique. Ac'bo yabtelic; ac'o tsventainic li achi'iltaquique. Ac'bo sventainic jmil (1,000), vo'vinic (100), lajuneb yoxvinic (50), lajuneb ta jujuvoc'.

Éxodo 20:17

“Mu me xapich'-o'ntabe sna achi'ilic. Mu me xapich'-o'ntabe yajnil achi'ilic, me smozo, me squiara, me xvacax, me sburo, o c'usiuc no'ox yantic oy yu'un”, xi li Diose.

Éxodo 23:13

“Pasic me scotol li c'usitic laj calboxuque. Me jutuc mu me xloc' ta aveic, mu me xavalbeic sbi li yantic diosetique.

Proverbios 28:16

Me ch-och ta jpasmantal li chopol vinique, ta x'epaj li uts'intaele, yan li boch'o muc ja'uc chbat yo'nton yu'un sc'ulejale jal ta xcuxi.

Jeremías 22:17

“Pero li vo'ote ja' no'ox batem ta avo'nton ti chatsob ep ac'ulejal ta sventa lo'lavaneje, ti chamalbe xch'ich'al li boch'o mu'yuc smulique, ti chavuts'inta, ti chalo'labe c'usi oy yu'un achi'iltaque”, xi li Muc'ul Diose.

Jeremías 6:13

“Yu'un c'alal ta biq'uit ta muc' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic, puru lo'lavanej tspasic.

Jeremías 8:10

Li yajnilique ta xcac' ta yan viniquetic; li yosilique ta xcac' ochuc yan yajval. Yu'un c'alal ta biq'uit ta muc' ja' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic puru lo'lavanej tspasic.

Ezequiel 33:31

Jech ta xtalic ta atojol jech chac c'u cha'al jteclum cu'un yilel. Te lamal chvulic ta atojol; cha'yic li c'usi chavale, pero mu spasbeic yabtelal. Ja' no'ox chloc' ta yeic ti tsc'anicune, pero li yo'ntonique yan o c'usi tsc'an; yan o c'usi tsc'upin.

Levítico 15:18

“C'alal chchi'in sbaic xchi'uc yajnil li vinique, ac'o atinicuc lec xchibalic, pero chopol chcomic o c'alal to ch-och ac'ubal.

Miqueas 2:2

Xpich'et no'ox yo'ntonic yu'un li yosil xchi'ilique, jech chbat spojic; chac xa yu'unuc ya'yic li sna xchi'ilique, jech chbat spojic noxtoc. Chuts'intaic li xchi'iltaquique; chac'beic svocol c'alal ta yajnil xnich'nab, xchi'uc tspojbeic li c'usitic ac'bil comel yu'un stot sme'e.

Números 25:1

C'alal te inaquiic ta Sitim li israeletique, te lic mulivajicuc xchi'uquic li tsebetic yu'un moabetique.

San Mateo 15:19

Yu'un ta yut yo'nton cristiano ta xlic tal li c'usi chopol tsnope, li milvaneje, li mulivajele, li c'opanejbaile, li eleq'ue, li epalc'ope, li xchopolc'optael yantique.

San Lucas 12:15

Li Jesuse jech laj yalbe scotolic: —Bijanic me, q'uelo me abaic ta sventa li xpich'etel avo'ntonique. Yu'un li xcuxlejal jun cristianoe ma'uc te tsta o me bats'i ep c'usi oy yu'une —xut.

San Lucas 16:14

C'alal jech laj ya'yic li fariseoetique, la slabanic li Jesuse, yu'un stalelic ti xpich'et no'ox yo'ntonic yu'un taq'uine.

Hechos 15:20

Ja' no'ox jpasbetic scartaic. Calbetic ti mu me sti'ic li c'usitic ac'bil ta smoton c'usitic cuybilic ta Diose, ti mu me xmulivajique, ti mu me sti'ic li c'usi mich'bil ta snuc' tsmilique, xchi'uc ti mu me sti'ic ch'ich'e.

Hechos 20:33

Li vu'une mu'yuc boch'o la jc'upinbe staq'uin. Mu'yuc boch'o la jc'upinbe sc'u' spoc'.

Romanos 1:29

Jech inoj ta yo'ntonic scotol c'usi mu'yuc tuc', c'usi chopol, xpich'etel o'ntonal, muliletic, ti'etel o'ntonal, milvanej, sa'c'op, lo'lavanej, soquesej o'ntonal, lo'iltavanej,

Romanos 16:2

Ich'ic me ta muc' ta sventa li Cajvaltique, yu'un tsc'an jech ta jpasbe jbatic vu'utic li yu'untacutic Diose. Xchi'uc tsc'an chacoltaic ta sventa c'usi chtun yu'un, yu'un ep xa boch'o la scolta, xchi'uc ep la scoltaun ec.

Romanos 6:13

Mu me ja'uc xavac'be sventain mulil li abec'talique; mu me xavaq'uic c'otuc ta yabtejeb mulil li abec'talique. Ja' tsc'an ja' chavac'beic sventain li Diose, yu'un jech chc'ot ta yabtejeb c'usitic tuc' ta pasel. Yu'un lacha'cuxesatic xa, vo'oxuc ti chamenoxuc to'oxe.

1 Corintios 10:8

Jech noxtoc, mu me xamulivajic jech chac c'u cha'al imulivajique. Ja' yu'un ta jun no'ox c'ac'al ichamic oxib xcha'vinic (23,000) ta mil.

1 Corintios 5:1

Vinajem ac'oplalic ti oy mulil te ta atojolique. Li mulil te oy avu'unique mu'yuc boch'o yan jech tspas, me ja'uc li boch'otic mu xotquinic Diose mu spasic jech. Yu'un oy boch'o yic'oj xcha'me' avu'unic.

1 Corintios 6:13

Ta melel, li ve'lile ja' sventa jch'utic; li jch'utique ja' sventa ve'lil. Pero xcha'chopal ta xlaj sc'oplal yu'un li Diose. Li jbec'taltique mu ja'uc sventa mulil; ja' sventa li Cajvaltique. Li Cajvaltique ja' yu'un li jbec'taltique.

1 Corintios 6:18

Ja' yu'un tsc'an chacomtsanic li mulivajele. Yu'un scotol li c'usitic yan chopol ta jpastique ma'uc sventa chcuts'inta o jbec'taltic. Yan li mulivajele ja' xa ta jsa' jmultic ta stojol li jbec'taltique.

2 Corintios 12:21

C'alal chic'ot ta atojolique, chcat co'nton me chac' q'uexovcun avu'unic li Diose, xchi'uc me persa chc'ot coc'ta li boch'otic vo'one ono'ox lic sa' tal smulique, me yoquel mu'yuc sutesoj o yo'ntonic ta sventa li c'usitic chopole, me mu'yuc scomtsanojic o li mulivajele xchi'uc li c'usitic tsc'an sbec'talique.

Efesios 5:12

Yu'un toj q'uexlal sba li c'usi tspasic ta mucule, mu stac' alel.

Efesios 5:5

Yu'un xana'ic xa lec, li boch'otic chmulivajique xchi'uc ti tspasic c'usitic yan chopole, xchi'uc li boch'otic xpich'et no'ox yo'ntonique ti xco'laj xchi'uc ja' sdiosic c'otem li c'usi batem yo'nton xchi'uquique, mu xu' ch-ochic yo' bu chventainvan li Cristoe xchi'uc li Diose.

Filipenses 1:27

Ja' no'ox tsots sc'oplal ti ac'o apasic batel jech chac c'u cha'al chal li Lequil A'yej yu'un Cristoe. Yu'un jech c'alal chtal jq'ueloxuc, o c'alal nom oyune, ta xca'ay ac'oplalic ti staoj yav jun avo'ntonic oe, ti co'ol avo'nton chavac'beic yipal xch'unel li Lequil A'yeje,

Colosenses 3:5

Ja' yu'un tsc'an j'ech'el chamenoxuc o ta sventa li c'usi sventa no'ox banamile: ja' li mulivajele, li c'usitic toj chopolique, li c'usi tsc'an abec'talique, li c'usitic chopol oy ta avo'ntonique, xchi'uc li xpich'etel avo'ntonique, yu'un xco'laj xchi'uc oy sloc'obal jdiostic chc'ot me jech co'ntontique.

1 Tesalonicenses 4:3

Yu'un li c'usi oy ta yo'nton Diose, ja' ti ac'o lecubanic batele, ti ac'o acomtsanic li mulivajele.

1 Tesalonicenses 4:7

Yu'un muc ic'biluticuc yu'un Dios sventa ac'o jpastic c'usi tsc'an jbec'taltic; ja' ic'bilutic sventa ac'o lecubcutic batel.

1 Timoteo 2:10

Ja'uc st'ujumalic chc'ot ti lec yabtelique, yu'un ja' jech tsc'an tspasic li antsetic ti lec yich'ojic ta muc' Diose.

1 Timoteo 3:3

Tsc'an mu xyacub, mu sa'ilan c'op, tsc'an lec no'ox yo'nton. Tsc'an oy lec smuc'ul yo'nton, xchi'uc mu ja'uc chbat yo'nton yu'un taq'uin.

1 Timoteo 6:10

Yu'un li sc'upinel taq'uine ja' yibel scotol c'usitic chopol. Oy jayibuc ipich'aj yo'ntonic yu'un taq'uin, jech la scomtsanic xch'unel Cajvaltic. Jech la staic ep svocolic.

2 Timoteo 3:2

Yu'un li cristianoetique ja' no'ox tspasic c'usi tsc'an stuquic. Ta xbat yo'ntonic yu'un taq'uin. Tstoy sbaic. Stuc no'ox xa'ay sbaic. Yan xich' xalic. Mu xch'unbeic smantal stot sme'ic. Mu c'usi sna' stojic ta vocol. Mu'yuc ta yo'ntonic yich'el ta muc' Dios.

SUN TITO 1:11

Le'e ja' tsc'an chamacbe yeic, yu'un ta xchibajesbeic yo'nton ta sjunul snaic li boch'otic xch'unojique, yu'un ja' ta xchanubtasvanic o li c'usi mu jechuc ta ch'unele, yu'un ja' no'ox oy ta yo'ntonic tsc'an tsa'ic taq'uin.

SUN TITO 1:7

Yu'un li boch'o ta x'och ta jq'uelvanej yu'un jcholc'opetique tsc'an lec sc'oplal, yu'un ja' chventainvan ta sventa li Diose. Ja' yu'un tsc'an mu stoy sba, tsc'an mu x'ilin ta ora, tsc'an mu xyacub, tsc'an mu sa'ilan c'op, tsc'an mu xbat yo'nton yu'un taq'uin.

SUN TITO 2:3

Ja' no'ox jech ec li me'eletique, albo ya'yic ti ac'o yich'beic lec smelole. Mu me puru lo'iltavanejuc tspasic, xchi'uc mu me xyacubic. Ja' tsc'an ja' ac'o yaq'uic ta chanel li c'usi leque.

Hebreos 12:16

Mu me boch'o xmulivaj avu'unic, xchi'uc mu me oyuc boch'o yan o yo'nton avu'unic jech chac c'u cha'al li Esaue. Yu'un li Esaue ta scoj no'ox jutuc ve'lil la xchon li bendición ti sc'oplal ja' chich' ta sventa ti ja' ba nich'onile.

Josué 7:21

C'alal i'och ta jc'obtic scotol li c'usitic oy te ta Jericoe, te laj quil jlic natil c'u'il lec c'upil sba, liquem tal ta Babilonia, xchi'uc chib ciento (200) ta sep saquil taq'uin, xchi'uc jpech c'anal taq'uin ech'em ta o'lol kilo yalal. Ipich'aj co'nton yu'un jech laj quich' tal. Te vul jmuc ta banamil ta o'lol yut jcarpana; te la jnet'u lec noxtoc li taq'uine —xi.

1 Pedro 5:2

Chabiic me li xchijtac Dios ti ac'bil aventainique. Mu me ta sujeluc xapasic; yutsiluc me avo'nton xapasic jech chac c'u cha'al tsc'an li Diose. Mu me ja'uc ta scoj ti xpich'et avo'ntonic yu'un taq'uine. Scotoluc avo'nton xapasic li avabtelique.

2 Pedro 2:10

Ja' jech ta xich'ic pasbel li boch'otic ja' batem yo'ntonic spasel li c'usi chopol tsc'an sbec'talique, xchi'uc ti ta sna'leic li boch'o chventainvane. Yu'un toj tsots yo'ntonic, ven jtoybaetic, mu xi'ic ta xchopolc'optael li j'almantaletic ta toyol ti tsots svu'elique.

2 Pedro 2:14

Li satique nojem ta sc'upinel mulivajel; mu x'ech' yo'ntonic ta sa'el li mulile. Ja' ta xac'beic xchanic ec li boch'otic mu'yuc to stsatsal yo'ntonique. Li yo'ntonique nopen xa xa'ay sc'upinel li c'usi tsc'anique. Oyic xa o ta sventa ch'ayel.

2 Pedro 2:3

Ta scoj xpich'etel yo'ntonic yu'un taq'uin ti jech ta slo'laoxuc ta sventa sc'opique, ja' yu'un li stojol mulil ti chapal ono'ox chich'ique mu xa jaluc sc'an. Li cha'yel sbatel osile te xa malabilic yu'un.

Apocalipsis 2:14

Pero oy to jutuc c'usi chopol chapasic chquil. Yu'un te achi'uquic li boch'otic jech chchanubtasvanic jech chac c'u cha'al li Balaame. Ja' ti la xchanubtas ajvalil Balac ta vo'one c'u x'elan xu' chyalic ta lum li israeletique, yu'un jech xu' chlic sti'ic li milbil matanal ta sventa c'usitic cuybilic ta Diose, xchi'uc jech xu' chlic mulivajicuc.

Apocalipsis 2:21

Laj xa jmala jal ti ac'o sutes yo'ntone, pero mu sc'an sutes yo'nton ta sventa li mulivajele.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.

Apocalipsis 9:21

Jech noxtoc muc scomtsanic li milvaneje, li ac'chamele, li mulivajele, xchi'uc li eleq'ue.

1 Samuel 8:3

Pero li xnich'nabe muc xchanic jech chac c'u cha'al la spas li stotique. Ibat yo'ntonic yu'un taq'uin; muc xa tuc'uc xchapanvanic o ta scoj ti la xch'amic taq'uine.