Efesios 5:2 - Bible in Tzotzil de Chenalhó with Deuterocanon

² C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Tzotzil Zinacantan

² Tscꞌan chacꞌuxubin abaic chac cꞌu chaꞌal lixcꞌuxubinotic ti Cristoe yuꞌun iyacꞌ sba ta milel ta scoj jmultic. Ti xꞌelan ispase, jaꞌ smoton iyaꞌi ti Rioxe, lec iyil.

Bible in Tzotzil de Chamula

² Oyuc xc'uxul avo'ntonic c'uxianic jech c'u cha'al laj xc'uxubinotic ti Cristoe, ti laj yac' sba ta milel ta jcojtic ti co'ol s'elan jcot uni chij ti laj yich' aq'uel ta smoton Dios ti jun yutsil slequil laj yile.

Tzotzil San Andres

² Scꞌan ti chacꞌuxubinan abaic jech chac cꞌu chaꞌal liscꞌuxubinutic li Cristoe yuꞌun iyacꞌ sba ta milel ta jcojtic. Ta sventa ti jech la spase, lec iyil li Diose, coꞌol schiꞌuc smoton iyaꞌi. Jaꞌ noꞌox jech eꞌuc mi ta jcꞌuxubinan jbatique, jaꞌ lec chil li Diose.

Tzotzil de Huixtán

² Tsc'an ti chac'uxubinvanic hech chaj c'u che'el chc'uxubinvan ti Cristoe. Yu'un ti Cristoe muc xc'uxubin sba. Ja' laj xc'uxubinucutic hech laj yac' sba ti milel cu'untic. Hech lec yo'nton ti Diose yu'un ti laj xc'uxubinucutic ti Cristoe.

Efesios 5:2 Iomraidhean Croise

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

Éxodo 29:18

Ts'acal te xavac' scotol ta scajleb jmoton yu'un ja' matanal sventa chavich'icun ta muc', xchi'uc ja' chic'bil matanal ta jventa ti lec mu yiq'ue.

Éxodo 29:25

Ts'acal xavich'be sutel. Bat chic'o ta scajleb jmoton ta sba li jmoton te chc'ac' ti lec mu yiq'ue. Ja' jun matanal chich' chiq'uel sventa chavich'icun ta muc', vu'un li Muc'ul Diosune.

Levítico 1:13

Ts'acal ac'o sapbeic lec ta vo' li sbiquile xchi'uc li yacane. Li palee ac'o xchic' scotol te ta scajleb jmoton yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:17

Ac'o xlich'beic li xiq'ue, ac'o sjavic ta o'lol, pero mu me xtuch'ic o ta j'ech'el. Ts'acal ac'o xchic' te ta scajleb jmoton li palee yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 1:9

Ts'acal ac'o sapbeic lec li sbiquile xchi'uc li yacane. Li palee ac'o xchic' te ta scajleb jmoton, yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 3:16

Li palee ac'o xchic' scotol ta scajleb jmoton. Ja' chic'bil matanal sventa ve'lil chc'ot ti lec mu yiq'ue. Scotol li xepualtaque ja' cu'un, vu'un li Muc'ul Diosune.

Amós 5:21

“Toj chopol chquil, contra chquil li q'uinetic chapasique; mu'yuc xcuxet co'nton yu'un li muc'ta tsobajel chapasique.

San Mateo 20:28

Jech chac c'u cha'al vu'un ti Xnich'on cristiano lic'ote, mu yu'unuc tal mozoinvancun; tal cac' jba ta tunel ta atojolic. Xchi'uc tal jpoj loq'uel ep cristianoetic sventa mu xbatic ta ch'ayel —xut.

San Juan 13:34

Ta xcalboxuc comel jun ach' mantal, c'anano me abaic. Jech chac c'u cha'al la jc'anoxuc li vu'une, ja'uc me jech chac'anan abaic li vo'oxuque.

San Juan 6:51

Vu'un li vajun sventa cuxlejal ti te liquem tal ta vinajele. Li boch'o ta sve' li vaj le'e, cuxul o ta sbatel osil. Li vaj ti vu'un ta xcaq'ue ja' li jbec'tale. Yu'un jbec'tal jtuc ta xcac' sventa ac'o sta xcuxlejal li cristianoetic li' ta banamile —xi li Jesuse.

Romanos 15:16

Vu'un yajtunelun Dios ta stojol li yanlum cristianoetique. Ja' cabtelinoj xcholel li Lequil A'yej yu'un Diose, yu'un jech xu' chc'otic ta smoton Dios li yanlum cristianoetique. Ja' smoton Dios ti toj lec chile, ti lecubtasbil xa yu'un li Ch'ul Espiritue.

Romanos 4:25

Ja' ti i'ac'at ta milel ta scoj jmultique, xchi'uc ti icha'cuxesat loq'uel ta smuquinal ta sventa mu'yuc jmultic chijyilutic Diose.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

Romanos 8:37

Pero scotol le'e lec tsalbil chc'ot cu'untic ta sventa li boch'o sc'anojutique.

1 Corintios 16:14

Scotol li c'usitic chapasique ja'uc me sventa chac'anan abaic.

1 Corintios 5:7

Ja' lec loq'uesic li poco' svolesubil xch'ut pan te oy ta atojolique, yu'un jech ac'o c'otanic jech chac c'u cha'al ach' pan pasbil ta ach' arina ti mu'yuc xa yich'oj svolesubile. Yu'un li Chij chtun cu'untic ta sventa q'uin Coltaele ja' li Cristoe, yu'un ja' laj yac' sba ta milel ta jventatic.

2 Corintios 2:14

Pero coliyal Dios ti scotol c'ac'al chac' jpascutic canal li Cristoe, jech buyuc no'ox chvinaj batel sc'oplal Cristo ta jventacutic, jech chac c'u cha'al smuil yic' pom ti buyuc no'ox xvinaj batele.

2 Corintios 2:15

Vu'uncutic smuil yic' pom c'otemuncutic ta stojol Dios yu'un li Cristoe. Ja' yu'un chvinaj batel yic' ta stojol li boch'otic chcolique xchi'uc li boch'otic ch'ayel chbatique.

2 Corintios 8:9

Yu'un xavotquinbeic xa c'u x'elan slequil yo'nton li Cajvaltic Jesucristoe. Li stuque toj c'ulej, pero la spas sba ta me'on, yu'un jech vu'utic la yac'butic jc'ulejaltic.

Gálatas 1:4

ja' li Boch'o laj yac' sba ta milel ta scoj jmultic, yu'un jech la scoltautic loq'uel ta sventa li c'usitic chopol li' ta banamile. Yu'un jech la sc'an li Dios cu'untique, ja' li Jtotique.

Gálatas 2:20

Ja' yu'un co'ol lijoc'anat ta cruz jchi'uc Cristo ic'ot. Jech muc xa vu'ucun ti li' cuxulune. Ja' xa Cristo li' cuxul ta jtojol. Li jcuxlejal li' quich'oj ta jbec'tal ta orae, cuxul ta sventa xch'unojel co'nton ta stojol li Xnich'on Diose, ja' li Boch'o ep la sc'anune, ti laj yac' sba ta milel ta jcoje.

Efesios 1:4

Xchi'uc la st'ujutic ta sventa Cristo ti c'alal mu'yuc to'ox banamile, yu'un jech mu'yuc jmultic, mu'yuc quic'ubaltic chijyilutic, yu'un c'anbilutic ono'ox yu'un.

Efesios 3:17

Yu'un jech j'ech'el te ac'o naquiuc o ta avo'ntonic li Cristo ta sventa li xch'unojel avo'ntonic ta stojole. Jech ch-ayin lec yibel, ch-ayin lec snacleb ta avo'ntonic li c'anvaneje.

Efesios 3:19

Xchi'uc jech chavotquinic ti mu xlaj jna'tic c'u yepal li c'anel yu'un Cristoe, jech chavich'beic scotol c'u yepal slequilal yutsilal li Diose.

Efesios 4:15

Tsc'an ja' no'ox ac'o caltic c'usi melel ta sventa ti jc'anoj jbatique. Tsc'an chijch'iutic batel ta stojol li Cristoe, ja' li Joltique.

Efesios 4:2

Biq'uit xavac' abaic, manso no'ox xapas abaic; oyuc smuc'ul avo'ntonic, talbat xats'icbe abaic c'usi chc'ot ta pasel avu'unic ta sventa ti ac'anoj abaique.

Efesios 5:15

Ja' yu'un q'uelo me abaic lec ta sventa li c'usitic chapasique. Mu me jechucoxuc jech chac c'u cha'al li boch'o bolique, ja'uc jechoxuc jech chac c'u cha'al li boch'o bijique.

Efesios 5:25

Viniquetic, c'ano me avajnilic jech chac c'u cha'al sc'anoj steclumal li Cristoe, yu'un laj yac' sba ta milel ta scoj.

Filipenses 4:18

Li vu'une laj xa jta lec scotol, oy xa ep scomelal cu'un. Mu'yuc xa c'usi sc'an chca'ay. Laj xa quich' ti c'u yepal laj avac'beic tal li Epafroditoe; toj lec chil li Diose, ja' jun milbil matanal cha'ay ti oy lec smuile.

Colosenses 3:14

Li c'usi tsots sc'oplal ta scotole, ja' ti oyuc ta avo'ntonic o li c'anvaneje, yu'un ja' mero jpasvanej ta jun.

1 Tesalonicenses 4:9

Ta sventa ti tsc'an chac'anan abaique, mu xa persauc ta jts'ibacutic tal ava'yic. Yu'un achanojic xa lec atuquic ta sventa Dios ti chac'anan abaique.

1 Timoteo 2:6

Yu'un ja' laj yac' sba ta milel cu'untic, ja' la smanutic jcotoltic. Yu'un ic'ot sc'ac'alil laj yac' ta ilel ti c'uxutic ta yo'ntone.

1 Timoteo 4:12

Mu me boch'o xavac' slabanot ta sventa ti queremot toe. Ac'o ta ilel ta stojol jch'unolajeletic ta sventa c'u x'elan chac'opoj, ta sventa atalel, ta sventa chac'uxubinvan, ta sventa xch'unojel avo'nton, xchi'uc ta sventa ti tuc' c'usi chapase.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

Hebreos 8:3

Scotol li banquilal paleetique va'anbilic sventa chaq'uic smoton Dios, xchi'uc sventa tsmilic matanaletic. Ja' yu'un li Banquilal Pale cu'untique persa oy c'usi laj yac' ec.

Hebreos 9:14

Buuc xa li xch'ich'al Cristoe, j'ech'el la spocbutic o loq'uel ta jol ta co'ntontic li c'usi mu'yuc stu la jpastique, yu'un jech ja' xa chlic tuncutic yu'un li cuxul Diose. Yu'un li stuque mu'yuc smul ta stojol li Diose. Stuc laj yac' sba ta smoton Dios ta jventatic sventa sbatel osil ta sventa li Ch'ul Espiritue.

Hebreos 9:23

Li c'usi laj yich' pasel ti ja' senyail sventa vinajele, ja' jech laj yich' lecubtasel chac le'e. Pero li c'usi ja' xa sventa vinajele, ja' xjelov to slequil li matanal laj yich'e.

Hebreos 9:26

Ti jechuc tspase, mu xa atbiluc jayib velta icham c'alal to ilic tal banamil ti jechuque. Pero li' ta ora ti slajebtic xa batel c'ac'ale jun no'ox velta laj yac' sba ta milel stuc, yu'un j'ech'el la xch'aybutic o li jmultique.

1 Pedro 4:8

Pero ja' tsots sc'oplal ti ech'em to ac'o ac'an abaic li vo'oxuque. Yu'un li c'anvaneje ta xac' ch'ayuc ep mulil.

1 Juan 3:16

Li Jesucristoe laj yac' quiltic c'u x'elan li c'anvaneje, yu'un laj yac' sba ta milel ta jventatic. Ja'uc me jechutic ta sc'anel ec li jchi'iltique, ac'o me chijlajutic ta milel ta scojic.

1 Juan 3:23

Li smantal Diose ja' ti ac'o cac' xch'unojel co'ntontic ta stojol li Xnich'one, ja' li Jesucristoe, xchi'uc ti ac'o jc'anan jbatic jech chac c'u cha'al laj yalbutic mantale.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.