Efesios 4:9 - Bible in Tzotzil de Chenalhó with Deuterocanon

⁹ ¿C'usi smelol ti “imuy batel” xie? Ja' chac' ta na'el ti iyal tal c'alal to ta banamile.

Tzotzil Zinacantan

⁹ Ti xꞌelan tsꞌibabil ti tsut echꞌel ta vinajele, yuꞌun tey onox liquem tal ti cꞌalal iꞌay liꞌ ta sba balamile. Mu cꞌajomuc noꞌox liꞌ iꞌaye, iꞌay noxtoc ta cꞌotebal yoꞌ bu ti muchꞌutic tsmalaic albel bu chbatic ta sbatel osile.

Bible in Tzotzil de Chamula

⁹ ¿C'usi xa ono'ox smelol ta xal ti “muy batele”? Ja' ta xac' ta na'el ti ba'yel yal talel li' ta banomile.

Tzotzil San Andres

⁹ Ti jech tsꞌibabil ti tsut batel ta vinajele, yuꞌun te onoꞌox ilic talel li cꞌalal ital liꞌ ta balumile. Pero maꞌuc noꞌox liꞌ ta balumil itale, iꞌay cꞌalal ta cꞌatinbac.

Tzotzil de Huixtán

⁹ Yu'un ti “tsut batel ti vinajel”, ti xchie, yu'un te ono'ox yalem tal ti vinajel. Ma'uc no'ox li' ti balumil ihul, iyal batel c'alal ti c'atimbac uc.

Efesios 4:9 Iomraidhean Croise

Génesis 11:5

Li Muc'ul Diose iyal tal, yu'un tal sq'uel li lume xchi'uc li q'uelub osil tspasic li cristianoetique.

Salmos 139:15

Mu'yuc mucul ta asat c'u x'elan ichapaj tal li jbec'tale, xchi'uc ti c'u x'elan lic chi'inatcun tal ti mu'yuc boch'o xu' chile, xchi'uc ti c'u x'elan lic ayincun tal li' ta banamile.

Salmos 63:9

Li boch'otic tsc'an chismilicune, ja' chbatic ta ch'en stuquic.

Salmos 8:5

Yu'un jutuc xa no'ox biq'uit laj acomtsan jech chac c'u cha'al li j'almantaletique. Laj avac'be yabtel; laj avac' ti ich'bilic ta muq'ue.

Éxodo 19:20

Li Muc'ul Diose te iyal tal ta mero jolvits Sinaí. Laj yalbe Moisés ti ac'o muyuc batel ta jolvitse, jech imuy batel li Moisese.

Proverbios 30:4

¿Me oy boch'o ayem tal ta vinajel ti ts'acal iyal tale? ¿Boch'o xu' yu'un tstsac ta sc'ob li iq'ue? ¿Boch'o xu' yu'un chchup ta sc'u' li nabe? ¿Boch'o laj yac'be sti'iltac li banamile? ¿Me xu' chavalbicun c'usi sbi xchi'uc c'usi sjol sbi?

Isaías 44:23

Vinajel, avanan ta xcuxetel avo'nton ta sventa ti toj lec c'usi la spas li Muc'ul Diose; yutil banamil, avanan ta xcuxetel avo'nton. Muc'tic vitsetic, toyolal te'tic, xchi'uc yantic te'etic, cuxetuc no'ox avo'ntonic, albeic slequilal. Yu'un li Muc'ul Diose laj xa yac' ta ilel yutsilal slequilal; yu'un laj xa xcha'poj loq'uel tal li Jacobe, laj xa yac' ta ich'el ta muc' li Israele.

Ezequiel 31:14

Jech mu xa xlic ch'iicuc ec li yantic te'etic te ch'iemic ta ti'uc'ume, jech mu xc'ot sni'ic c'alal to ta pimil toquetic, jech mu spat yo'ntonic ti lec nat chbatic c'alal me ch'iemic ta ti' uc'ume. Yu'un scotol chapal sc'oplal chchamic, ch-ochic batel ta yut banamil; jmoj chbatic xchi'uc li boch'otic ch-ochic ta ch'ene.

San Mateo 12:40

Jech chac c'u cha'al te tiq'uil ta xch'ut muc'ta choy oxib c'ac'al xchi'uc oxib ac'ubal li Jonase, ja' no'ox jech ec vu'un ti Xnich'on Cristiano lic'ote, oxib c'ac'al xchi'uc oxib ac'ubal ta ximucat.

San Juan 20:17

Li Jesuse jech laj yalbe: —Mu me solel ech'em xapicun, yu'un mu'yuc to muyemun batel ta stojol li Jtote. Batan, bat albo ya'yic li jchi'iltaque: ‘Ta xibat ta stojol li Jtote; ja' Atotic ec. Ja' li Dios cu'une; ja' Dios avu'unic ec’, uto c'otel —x'utat.

San Juan 3:13

“Mu'yuc boch'o ayem sq'uel tal ta vinajel ti xu' ta xalboxuque. Vu'un no'ox te liquemun tal; vu'un ti Xnich'on cristiano lic'ote.

San Juan 6:33

Li vaj yu'un Diose ja' li boch'o te liquem tal ta vinajele. Ja' tal yac'be xcuxlejal cristianoetic li' ta banamil —xut.

San Juan 6:38

Yu'un ti liyal tal li' ta banamile, mu ja'uc tal jpas li c'usi tsc'an co'nton jtuque. Ja' tal jpasbe c'usi tsc'an li Boch'o la stacun tale.

San Juan 6:41

Li judioetique iliquic ta bic'talvulajetel ti c'alal laj yal Jesús ti ja' stuc li vaj liquem tal ta vinajele.

San Juan 6:51

Vu'un li vajun sventa cuxlejal ti te liquem tal ta vinajele. Li boch'o ta sve' li vaj le'e, cuxul o ta sbatel osil. Li vaj ti vu'un ta xcaq'ue ja' li jbec'tale. Yu'un jbec'tal jtuc ta xcac' sventa ac'o sta xcuxlejal li cristianoetic li' ta banamile —xi li Jesuse.

San Juan 6:58

Li vaj ta xcal ti te liquem tal ta vinajele, mu co'oluc jech chac c'u cha'al li manavaj la sve'ic amoltot ayame'ic ta vo'onee, yu'un muc xcuxiic o sbatel osil yu'un. Yan li boch'otic ta sve'ic li vaj ta xcale, ja' ta xcuxiic o sbatel osil —xi li Jesuse.

San Juan 6:62

¿C'usi chavalic c'alal chavilic chitoy batel yo' bu liquemun tal, vu'un ti Xnich'on cristiano lic'ote?

San Juan 8:14

Itac'ov li Jesuse: —Ac'o me vu'un no'ox ta xcal jc'oplal jtuc, pero oy stu li jc'oplal ta xcale. Yu'un jna'oj ti bu liquemun tale; jna'oj ti bu chibate. Yan li vo'oxuque mu xana'ic bu liquemun tal, xchi'uc mu xana'ic bu chibat noxtoc.

Hebreos 2:7

Yu'un jutuc xa no'ox biq'uit laj acomtsan jech chac c'u cha'al li j'almantaletique. Laj avac'be yabtel, laj avac' ti ich'bilic ta muq'ue. Laj avac'be sventain scotol li c'usitic apasoje.

Hebreos 2:9

Pero chquiltic xa ti oy yabtel, ti ich'bil ta muc' li Jesús ti ja' biq'uit icom jayibuc c'ac'al jech chac c'u cha'al li j'almantaletique. Ti jech i'ich'at ta muq'ue, ja' ta sventa ti laj yich' vocol c'alal ichame. Ta sventa ti laj ya'ay c'u x'elan milele, ja' sventa slequilal scotol, yu'un toj ep slequil yo'nton li Diose.